Иаковонь сёрмац 4:11 - Од Соткс Новый Завет на мордовском-мокша языке 2016

¹¹ Кемай ялгат! Тяда корхта кальдявста фкя-фкянь колга. Кие сялдсы эсь кемай ялганц али судендасы, ся сялдсы и судендасы койть. А кда тон судендасак койть, эста тон ни аф коень ванфтыят, а сонь судьяц.

Иаковонь сёрмац 4:11 ပူးပေါင်းရင်းမြစ်များ

Лука 6:37

«Тяда суденда, и тиньге аф ульхтяда судендафт; тяда муворгофне киньге, тиньге аф ульхтяда муворгофтфт; ноляда ломанень шумот, тиньге шумонте нолдави.

Павелонь сёрмац Риму 2:1

Сяс, ялгай, кикс тязат уле, тейть аф аралави эсь пряце, кда судендасайть лиятнень. Лиянь судендамста тон судендафтсак эсь пряцень, сяс мес судендасайть лиятнень, а тонць тиендят синь лацост.

Павелонь сёрмац Риму 2:13

Шкайть инголе видексшинь ломанькс лувовихть аф сят, кит кульсазь койть, а сят, кит сонь пяшкотькшнесазь.

Павелонь сёрмац Риму 7:7

Мезе тянь лангс астама? Дяряй койста лисенди пежесь? Прокс аф! Но кда аф койсь, мон афи содалине, мезе стамсь пежесь. Кда койсь афолезе аза: «Тят пута сельме маластоцень уликс-паронц лангс», – мон афи содалине, мезе стамсь сельмонь путомась.

Павелонь васенце сёрмац Коринфу 4:5

Сяс пингта инголе киньге тясть суденда, мзярс аф сай Азорсь. Сон валдти лихтьсы семботь, мезе кяшф шобдаса, и тисыне няевиксокс салавань мяльхнень-арьсематнень. Эста эрти максови шнама Шкайть эзда.

Павелонь омбоце сёрмац Коринфу 12:20

Тейнть самста пелян няйхтядязь тинь аф стамкс, кодамкс мялезе няемс. И тиньге няйсамасть монь аф стамкс, кодамкс мяленте. Мон пелян няемс тинь ширесонт сялондомат, сельмонь каямат, кяжиямат, пялькстомат-явомат, фкя-фкянь лангс васькафнемат, корхтафтомат, прянь няемат, аф ладямат.

Павелонь сёрмац Ефесу 4:31

Кадость эрь кодама кяжень кирдемать и пяляскодомать, кяжть и пешкодомать, ломанень сялдомать эрь кодама кяж мархта.

Павелонь васенце сёрмац Тимофеенди 3:11

Тяфта жа аватненди эряви улемс пара лувксса, аф васькафникс ломанень лангс, кятавкс, сембоса валонь кирдикс.

Павелонь омбоце сёрмац Тимофеенди 3:3

Синь аф нолнихть ломаттненди пежет, синь кяльготнихть ломаттнень лангс, мезьсонга аф кирдевихть, синь эсост аш ужяльдема, синь паронь аф кельгихть,

Павелонь сёрмац Титонди 2:3

Тяфта жа сире аватнендивок прясна эряви вятемс кода ладяй иняруфненди, аф васькафнемс ломанень лангс, аф прафтомс симомати, а тонафнемс парошити.

Иаковонь сёрмац 1:16

Кельгома ялгат, тяда васькафнев.

Иаковонь сёрмац 1:19

Кельгома кемай ялгат, мяляфтость тянь: катк эрь ломанць кенордай кулхцондома, аф кенордай корхтама и аф кенордай кяжензон сафнема.

Иаковонь сёрмац 1:25

Но ся, кие ваны афсатыксфтома койть лангс, кона максы воляши, и ляды эсонза, и аф юкснесы кульф Валть, а эряй и тии кульфть корява, ся ули павазу эсь тевсонза.

Иаковонь сёрмац 2:8

Сёрматфксса максф Шкайть Оцязорксшинь коец: «Кельк мала ломанцень, кода эсь пряцень». Кда тинь пяшкотькшнесасть тя койть, эста видеста тиенттяда,

Иаковонь сёрмац 5:10

Кемай ялгат, мзярда пофтада маятамас, ванода пророкнень лангс, конат корхтасть Азорть эзда, кода синь кемоста ащесть и куватьс кирдезь сембе маятаматнень.

Иаковонь сёрмац 5:7

Кемай ялгат, уледа куватьс кирдикс Азорть сама шинцты. Ванода, конашка оцю кирдемшкац сокайть-видить, кона ученды модать эзда козя раштафкс, и мзярс аф туй тундань али сёксень пизем.

Иаковонь сёрмац 5:9

Кемай ялгат, тяда пеняця фкя-фкянь лангс, эста тинь аф ульхтяда судендафт. Судьясь ни кенкш лангса.

Пёторонь васенце сёрмац 2:1

Сяс, кадость эрь кодама кяжть, васькафнемать, шамафксонь каннемать, сельмонь каямать и эрь кодама кяжи корхтафтомать.