Иаковонь сёрмац 4:1 - Од Соткс Новый Завет на мордовском-мокша языке 2016

¹ Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.

Иаковонь сёрмац 4:1 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Павелонь сёрмац Риму 7:23

но ронгсон мон няян лия кой, кона тюри монь потмонь ёнезень мархта. Сон тиендьсамань монь урекс пежеть коенцты, кона покоди монь ронгсон.

Павелонь сёрмац Риму 7:5

Мзярда минь эряме колаф обуцяньконь коряс, эста пежу мяльхнень, конатнень крьвяснезень койсь, ульсть вийсна ронгоньконь лангса, и синь покодсть аньцек куломати.

Павелонь сёрмац Риму 8:7

сяс мес колаф обуцянь мяльхнень коряс эряйхне молихть Шкайти каршек: синь Шкаень койти аф максыхть пря, да и афи максовихть.

Павелонь сёрмац Галатияв 5:17

Пежу обуцянте кепси Ваймопожфть каршес, а Ваймопожфсь – пежу обуцянтень каршес. Синь фалу каршект фкя-фкянди. Сяс тинь тиендьсасть аф сянь, мезе мяленте тиемс.

Павелонь сёрмац Колоссав 3:5

Сяс, кулофтость эсь эсонт сянь, мезсь масторлангонне: усксевомать, аф арушить, визькс мяльхнень, кяжи ёраматнень и ярмаконь кельгомать, кона фкя сяка аф афкуксонь шкаенди сюконямать-покодемать мархта.

Павелонь омбоце сёрмац Тимофеенди 2:23

Кирдефт ёньфтома пялькстомада, конат шачихть-лисихть мезевок аф шарьхкоди ломаттнень эзда. Вдь тон содасак, синь аньцек вятихть сялондомас.

Павелонь сёрмац Титонди 3:3

Вдь минь минцьке мзярда-бди ашеме шарьхкоде, ашеме кулхцонда, минь улеме васькафтфт-эрьготьфт, улеме урекс эрь кодама пежу таколдоматненди и синь топафтомаснонды. Минь эряме кяжса и сельмонь каязь, улеме нильготьксокс и прокс афолеме няе фкя-фкянь.

Павелонь сёрмац Титонди 3:9

Но кирдефт ёньфтома пялькстомада, шачемань юрда и сялондомада-тюремада койть колга, сяс мес синь аф кандыхть лезкс и прокс шавот.

Иаковонь сёрмац 1:14

Но эрь ломанть пежес сувафтсазь эсь мяленза-арьсеманза, конат ускихть-таргайхть эсонза.

Иаковонь сёрмац 4:3

А кда и анатада, тейнть аф максови, сяс мес анатада аф цебяренди, а эсь визькс мялентень петеманкса.

Пёторонь васенце сёрмац 1:14

Уледа кода кулхцонды итть и тяда вятнев визьксонь мялентень-арьсемантень мельге. Тяфта тинь тиендеде, мзярда эряде Шкайть аф содазь.

Пёторонь васенце сёрмац 2:11

Кельгома ялгат, эняльдян тейнть, кода нюрьхкяня пингонди лия масторста сафненди, тяда вятнев ронгть визькс мялензон-арьсеманзон мельге, конат молихть ваймонтень каршек.

Пёторонь омбоце сёрмац 2:18

Корхтамок прянь шнафты, но шава валхт, синь тарксесазь-кунцесазь визьксонь мялень топафтомас сятнень, конат аньцек явсть васькафтфнень-эрьготьфнень эзда.

Пёторонь омбоце сёрмац 3:3

Васендакиге содасть: мекольдень шитнень эвондайхть кяжиста пеедихть-рахсихть, конат кармайхть пряснон вятема эсь визькс-нулготькс мяльснон коряс.