Иаковонь сёрмац 3:2 - Од Соткс Новый Завет на мордовском-мокша языке 2016

² Минь сембе тиенттяма лама пежеда. А кие корхтамста аф тии пеже, ся сембе ширде цебярь ломань, конанди овстави марнек ронгоцка.

Иаковонь сёрмац 3:2 ပူးပေါင်းရင်းမြစ်များ

Матфей 12:34

Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза.

Матфей 12:37

сяс мес эсь валхнень коряс тон лувоват аф муворукс и эсь валхнень коряс улят судендаф».

Павелонь сёрмац Риму 3:10

Сёрматфксса тяфта азф: «Аш фкявок видексшинь ломань;

Павелонь сёрмац Риму 7:21

Тяфта, мон панжень эсьсон кой: мзярда ёран тиемс кодамовок цебярь, монь эздон лиси кальдяв.

Павелонь васенце сёрмац Коринфу 9:27

Мон кемокстаса ронгозень, катк сон кулхцондсы монь мялезень: афоль лисе стане, пачфтемок Кулять лиятненди, монць улян ёрдаф шири.

Павелонь сёрмац Галатияв 3:22

Но Сёрматфкссь корхтай: сембе ломаттне пежеть кядялот. Лисенди, надияфтомась максови аньцек кемамать вельде Иисус Христости и аньцек сятненди, кит кемайхть.

Павелонь сёрмац Галатияв 5:17

Пежу обуцянте кепси Ваймопожфть каршес, а Ваймопожфсь – пежу обуцянтень каршес. Синь фалу каршект фкя-фкянди. Сяс тинь тиендьсасть аф сянь, мезе мяленте тиемс.

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь сёрмац Колоссав 4:12

Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Иаковонь сёрмац 1:26

Кда кие эздонт арьси, бта сон покоди Шкайти, а кялец аф кирдеви, эста сон васькафнесы эсь прянц – и сонь Шкайти покодемац шава тев.

Иаковонь сёрмац 1:4

А кирдемшканте катк пяшкоди педа-пес, сяс мес эста тинь аратада кемамаса кенерьф ломанькс и эсонт аф ули кодамовок афсатыкс.

Иаковонь сёрмац 2:10

Кие пяшкотькшнесы марнек койть, и аньцек мезьсовок фкаса тии пеже, эста сембоса арси муворукс.

Пёторонь васенце сёрмац 3:10

Сёрматфксса азф: «Кинь мялец кельгомс эряфть и няемс цебярь шит, ся катк кирдьсы кяленц кальдяв валда и кургонц – васькафнемада.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.