Иаковонь сёрмац 3:17 - Од Соткс Новый Завет на мордовском-мокша языке 2016

¹⁷ А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Иаковонь сёрмац 3:17 ပူးပေါင်းရင်းမြစ်များ

Матфей 23:28

Стане тиньге: лангозонт ванозь, няефтяда ломаттненди видексшинь ваймокс, а потмоширде – шамафкссотада и пяшксетяда коень колай тевда.

Матфей 5:8

Павазуфт сят, кинь аруфт седисна, сяс мес синь няйсазь Шкайть.

Матфей 5:9

Павазуфт ломаттнень ёткса ладямань тиихне, сяс мес Шкайсь лемдьсыне синь Эстейнза шабакс.

Лука 21:15

Мон максан тейнть валхт и смузьши, конатнень каршес кивок, тейнть каршек ащихнень эзда, мезевок аф азови и каршек аф молеви.

Лука 6:36

Уледа тиньге кельгозь ужяльдикс, кода кельгозь ужяльди тинь Алянте».

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 1:47

Иисус няезе Нафанаилонь маладоманц и мярьгсь колганза: «Вага афкуксонь Израилень аля, кона мзярдонга аф васькафни».

Апостолхнень тевсна 11:24

Варнава пяк цебярель алясь, пяшксель Иняру Ваймопожфта и кемамада. И Азорти сась нинге пяк лама ломань.

Апостолхнень тевсна 9:36

Иоппияса эрясь фкя ава, Иисусонь тонафниец, лемоцоль Тавифа. Лемонц смузец «пандонь сяваня, серна». Авась фалу тиендсь цебярь тефт и лездсь ашуфненди.

Павелонь сёрмац Риму 12:18

Эсь пяльдент тиесть семботь лиятнень мархта ладязь эряманкса.

Павелонь сёрмац Риму 12:9

Катк тинь кельгоманте ули седиваксстонь. Аердода кяжть эзда и педеда паронь тиемати.

Павелонь сёрмац Риму 15:14

Кемай ялгат, мон лац содаса: тинь пяшкодеде парошида, кочкаде эрь кодама содамоши и машттада фкя-фкянь путома ёньц.

Павелонь васенце сёрмац Коринфу 12:8

Фкяти Ваймопожфсь максы смузьшинь вал, омбоцети тяка Ваймопожфсь максы содамошинь вал,

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь омбоце сёрмац Коринфу 6:6

Минь эсь афкуксшиньконь няфнесаськ арушиса, содамошиса, куватьс кирдемшкаса, парошиса, Иняру Ваймопожфса, афкуксонь кельгомаса,

Павелонь омбоце сёрмац Коринфу 7:11

Ванода, мезе тись тейнть тя ризфсь, кона Шкайть мяленц коряс! Эсонт сргозьфтсь мзяра седиень путомада, эсь прянь араламада! А мзяра сргозьфтсь эсонт каршек молемада пежень тиить лангс, мзяра пелемада, мархтон васедемань мяльда и оржа мяльда наказамс муворуть! Тянь вельде тинь педа-пес няфтесть: тинь аруфтада тя тевса.

Павелонь омбоце сёрмац Коринфу 9:10

Шкайсь, кона максси видьмот видити и кшиса аннесы ломанть, тейнтьке максы видьмот, ламолгофтсы сянь, мезе озафттада, и касфтсыне эсонт видексшинь тефнень.

Павелонь сёрмац Ефесу 5:9

Ваймопожфсь шачфты-канды эрь кодама пароши, видексши и видеши.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 4:8

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь васенце сёрмац Фессалоникав 2:7

Улемок Христости апостолкс, минь ульсь азорксшиньке самс ширезонт кода оцю ломатть, но минь улеме мархтонт ляпе седикс и эжнедязь тинь, кода потяфты тядясь эсь идензон.

Павелонь васенце сёрмац Тимофеенди 5:21

Шкайть, Иисус Христос Азорть и Сонь кочкаф ангелонзон инголе мон кошартте тонь тиендемс ня кошардоматнень коряс. Вятьк эсь пряцень сембонь мархта фкакс, инголькиге тят арьсе ломанть али тевть колга цебярьста али кальдявста.

Павелонь омбоце сёрмац Тимофеенди 2:24

А Азорть покодиенцты аф ладяй сялондомс, меколанкт, тейнза эряви улемс лямбе седикс сембонь мархта, маштомс тонафтомс, аф мяляфтомс кяж,

Павелонь сёрмац Титонди 1:15

Аруфненди сембось ару. А сятненди, конат аф аруфт и аф кемайхть – тейст мезевок аш ару. Сятнень мяльсна и ваймовайгяльсна тиевсть ни аф арукс.

Павелонь сёрмац Титонди 3:2

Катк киньге аф сялдыхть и аф сялонкшнихть, меколанкт, катк улихть сетьмот и сембоса няфнесазь эрь ломанти эсь лямбе седиснон.

Еврейхненди сёрмась 12:11

Эрь сюцемась-тонафтомась эсь пингстонза маряви ризфокс, а аф кеняртьксокс. Но меле, сятненди, кит сонь вельденза ульсть тонафтфт, сон канды видексшинь и сетьмошинь имож.

Еврейхненди сёрмась 12:14

Сатнеда сетьмоши сембонь мархта и эряда инярушиса, конафтома кивок аф няйсы Азорть.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Иаковонь сёрмац 2:13

Вдь аф ужяльдеви судса ся, кие сонць киньге аф ужяльдьсы, а ужяльдись сяськи судса.

Иаковонь сёрмац 2:4

дяряй тяфта тинь ашеде тие аф фкаксши эсь кемай ялгантень ёткса, дяряй тинь ашеде ара судьякс, конат аф видеста судендайхть?

Иаковонь сёрмац 3:15

Тя аф ся смузьшись, кона валги вярде Шкаень Ваймопожфть эзда, но сон масторлангонь, ломанень, кяжи ваймопожфнень эзда.

Иаковонь сёрмац 4:8

Маладода Шкайти, Сонга малады тейнть! Штасть кядентень, пежуфт, и тинь, конатнень мяльсна явфт кафтова, аруяфтость эсь седиентень!

Пёторонь васенце сёрмац 1:22

Тяни тинь араде кулхцондыкс видешити, и тянь вельде Ваймопожфсь аруяфтозень тинь ваймонтень и макссь тейнть вий кельгомс эсь кемай ялгантень. Тяфта тиендеда сяда товга: фалу кельгода фкя-фкянь ару седиса.

Пёторонь васенце сёрмац 2:1

Сяс, кадость эрь кодама кяжть, васькафнемать, шамафксонь каннемать, сельмонь каямать и эрь кодама кяжи корхтафтомать.

Пёторонь васенце сёрмац 2:18

Покодихть, уледа кулхцондыкс эсь азоронтенди, сембоса путнемок синь пара лувксс. Уледа кулхцондыкс аф аньцек сятненди, конат пара и ляпе седихть, но сятнендиге, конат кяжихть.

Иоаннонь васенце сёрмац 3:18

Идне, эрьда карматама кельгома фкя-фкянь аф аньцек кяльса-валса, но и пара тевса и видешиса.

Иоаннонь васенце сёрмац 3:3

Эрь ломанць, конань ули тяфтама надиямац Шкайть лангс, тисы эсь прянц стама арукс, кодама ару Христоссь.