Иаковонь сёрмац 3:15 - Од Соткс Новый Завет на мордовском-мокша языке 2016

¹⁵ Тя аф ся смузьшись, кона валги вярде Шкаень Ваймопожфть эзда, но сон масторлангонь, ломанень, кяжи ваймопожфнень эзда.

Иаковонь сёрмац 3:15 ပူးပေါင်းရင်းမြစ်များ

Лука 16:8

И шназе азорсь аф виде кудвятиенц ёжушинц инкса. Афкукс, тя масторлангонь ломаттне эсь лацостотнень мархта тевонь тиемста сяда ёжуфт валдть идензон коряс.

Иоанн 3:17

Шкайсь кучезе Эсь Цёранц масторлангти аф судендамс масторлангть, а Эсь Цёранц вельде идемс сонь.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Апостолхнень тевсна 13:10

«Идемэвозть цёрац, эрь кодама видешить душманоц! Тонь потмоце пяшксе васькафнемада и кяжи тевда. Тон лоткат али аф шорямост Шкаень виде китнень?

Павелонь сёрмац Риму 1:22

Лемнемок эсь пряснон смузюкс, синь арасть шава прякс.

Павелонь васенце сёрмац Коринфу 1:27

Мезсь тя масторлангса лувови ёньфтомашикс, сянь Шкайсь кочказе, и тянь вельде вятезень смузюфнень визькс шамас. Мезсь тя масторлангса лувови лафчекс, сянь Шкайсь кочказе, и тянь вельде вятезень виихнень визькс шамас.

Павелонь васенце сёрмац Коринфу 2:14

Но кинь эса аш Ваймопожфсь, сянь аш виец сявомс сянь, мезе максови Шкаень Ваймопожфть эзда. Тяфтама ломанти ся ёньфтомаши: тейнза аф шарьхкодеви ся, мезть колга эряви судендамс аньцек Ваймопожфть вельде.

Павелонь васенце сёрмац Коринфу 3:19

Вдь тя масторлангонь смузьшись Шкайть инголе ёньфтомаши. Сёрматфксса азф: «Шкайсь кунцесыне смузюфнень синцень ёжушисост».

Павелонь васенце сёрмац Коринфу 3:3

сяс мес тянемс эрятада пежу мялентень-арьсемантень коряс. Кда тинь ётксонт ули сельмонь каяма, пялькстома и фкя-фкянь каршес молема, эста тинь ляткшнетяда стама ломанькс, конат эряйхть пежу мяльснон-арьсемаснон коряс, и тиенттяда тя масторлангонь ломаттнень лаца.

Павелонь омбоце сёрмац Коринфу 1:12

Минь шнатама пря, сяс мес ару ваймовайгяленьке кемокстай эсонк: минь тя масторлангса, а сембода пяк тинь ётксонт, эряме седиень панжезь и виде ваймоса, Шкайть мяленц коряс. Прянь вятемаса минь тиендеме аф ломанень смузьшить коряс, а Шкаень пароказнеть коряс.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь сёрмац Филиппав 3:19

Синь песна – адса, синь шкайсна – пексна, синь прянь шнамасна – визьксшиса и синь арьсихть аньцек тя масторлангонь тефнень колга.

Павелонь омбоце сёрмац Фессалоникав 2:9

Койфтомошинь ломанть самац – тя Сатанань тев, и сон сай эрь кодама вийса, васькафнемань тяштьксса и дивань тевса.

Павелонь васенце сёрмац Тимофеенди 4:1

Иняру Ваймопожфсь шарьхкодевиста корхтай тейнек: мекольдень пинкнень кой-кит потайхть кемамать эзда, и кармайхть молема васькафни ваймопожфнень мельге и кяжи ваймопожфнень тонафтомаснон мельге.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Иудань сёрмац 1:19

Тяфтама ломаттне, конат явфтсазь эсь пряснон (кемамань марстоньшить эзда), эряйхть аньцек эсь модалангонь арьсемаснон коряс, синь эсост аш Шкаень Ваймопожф.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 2:24

Но тейнть, Фиатира ошста лиятненди, конат ашесть прафта тя тонафтомати и ашезь сода, кода корхтайхть, Сатанань крхкашить, Мон корхтан: аф путан лангозонт кодамовок од канкс.

Иоаннонди панчф няйфкс 9:11

Синь лангсост оцязоркс ульсь потмаксфтома томбать ангелоц. Евреень кяльса сонь лемоц Аваддон, грекокс тя лемсь – Аполлион.