Иаковонь сёрмац 3:13 - Од Соткс Новый Завет на мордовском-мокша языке 2016

¹³ Кие тинь ёткстонт смузю и шарьхкоди ломань? Катк сон тянь няфтьсы эсь эряфсонза пара тевонзон вельде, конат тиевихть сятявшиса смузьши мархта.

Иаковонь сёрмац 3:13 ပူးပေါင်းရင်းမြစ်များ

Матфей 11:29

Щафтость Монь ашкозень эсь лангозонт и тонадода эздон, сяс мес Мон сятяван и ляпе седиян. Тяфта мутада ваймонтенди ваймама васта.

Матфей 21:5

«Азость Сиононь стирти: "Вага, тейть сай тонь Оцязорце. Сон сятяв, и сай озада ава осёл лангса и ашконь кандыть вашенц лангса"».

Матфей 5:5

Павазуфт сятяв ваймотне, сяс мес синне ули масторлангсь.

Матфей 7:24

«Тяфта, кие кулхцондсыне Монь ня валнень и тии синь коряваст, ули ёню ломань лаца, кона путозе эсь кудонц кев лангс.

Павелонь васенце сёрмац Коринфу 6:5

Сргозеза визьксонте! Кали тинь ётксонт аш фкявок смузю ломань, кона ладялезе тевть кемайхнень ёткса?

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь омбоце сёрмац Коринфу 8:24

Сяс тяни тевса няфтесть тейст эсь кельгомантень. Катк сембе кемаень пуромксне содасазь: минь аф стак шнафттама пря мархтонт.

Павелонь сёрмац Галатияв 5:23

сятявшись, эсь прянь кирдемась. И нятне койти аф судендавихть.

Павелонь сёрмац Галатияв 6:1

Кемай ялгат, кда кивок прай пежес, тинь, кит эряйхть Ваймопожфть вятеманц коряс, лездода тяфтамти мрдамс видешинь кити. Тя тиендема сетьмоста и ляпоста. Тяка пингть эсь мельгантка ванода, тинцьке тяда васькафтов пежеса.

Павелонь сёрмац Галатияв 6:4

Катк эрсь максы эрявикс питне эсь тевонцты, и эста тейнза шнави пряц сатфксонзон мархта, аф ваномок лиять тевонц лангс.

Павелонь сёрмац Ефесу 4:2

Уледа фалу сятявкс, лямбе седикс, улеза куватьс кирдемшканте. Кельгозь кирдеда фкя-фкянь.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Колоссав 3:12

Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.

Павелонь васенце сёрмац Тимофеенди 4:12

Катк кивок аф ваны лангозт вярде алу сянкса, мес тон одат. Ульхть кепотьксокс кемайхненди корхтамаса, прянь вятемаса, кельгомаса, кемамаса и арушиса.

Павелонь васенце сёрмац Тимофеенди 6:11

Но тон, Шкаень ломань, ворьготть сембонь тянь эзда! Ёрак эрямс видексшиса, Шкайть мяленц корява, кемамаса, кельгомаса, сталмонь кирдезь и сятявшиса.

Павелонь омбоце сёрмац Тимофеенди 2:25

и сетьмоста тонафнемс сятнень, кит ащихть тейнза каршек. Пади Шкайсь вятьсыне синь каендамати и шарьхкодьсазь видешить,

Павелонь сёрмац Титонди 3:2

Катк киньге аф сялдыхть и аф сялонкшнихть, меколанкт, катк улихть сетьмот и сембоса няфнесазь эрь ломанти эсь лямбе седиснон.

Еврейхненди сёрмась 13:5

Тяда панце ярмакнень мельге, но катк тейнть саты ся, мезенте ули ни. Вдь Сонць Шкайсь мярьгсь: «Аф катте тонь и аф туян эздот».

Иаковонь сёрмац 1:21

Сяс, кадость шири эрь кодама аф арушить и кяжть, и сятявста сявость Шкаень валть, кона ни видеф тинь седиезонт, и конань ули виец идемс тинь ваймонтень.

Иаковонь сёрмац 2:18

Но кда кивок мярьги: «Тонь ули кемамаце, а монь улихть тевне», эста каршезонза азса: «Няфтьк тейне эсь кемамацень тевфтома, а мон тейть эсь кемамазень няфтьса тевнень вельде».

Иаковонь сёрмац 3:1

Кемай ялгане! Аф сембе арседа тонафтыкс. Вдь тинь содасать: минь, тонафтыхнень, судендасамазь нинге сяда кемоста.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Пёторонь васенце сёрмац 1:15

Иняру Ся, кие тинь тердедязь, сяс тиньге уледа иняруфт сембоса, мезе афоледе тие.

Пёторонь васенце сёрмац 2:12

Шкаень аф содайхнень ёткса эряда цебярь тевонь тиендезь. Эста сятка, конат сялдыхть эсонт, кода кальдяв тевонь тиихнень, няемок тинь пара тевонтень, шнасазь Шкайть ся шиста, мзярда Сон эвондасы тейст Эсь прянц.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Пёторонь васенце сёрмац 3:4

Улеза тинь мазышинте седипотмонь аф юмай мазышикс, кона няеви сятяв и сетьме ваймоса. Тяфтама мазышись питнидонга питни Шкайть сельминголенза.