Иаковонь сёрмац 2:5 - Од Соткс Новый Завет на мордовском-мокша языке 2016

⁵ Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Иаковонь сёрмац 2:5 ပူးပေါင်းရင်းမြစ်များ

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Матфей 25:34

Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Матфей 5:3

«Павазуфт Азорть инголе ашу ваймотне, сяс мес синне Менелень Оцязорксшись.

Марк 7:14

Иисус тага тердезень сембе ломаттнень и корхтась тейст: «Кулхцондомасть сембе и шарьхкодеда.

Лука 12:21

Тяфта уленди эрь ломанть мархта, кие кочкай козяши эстейнза, а аф Шкайса козякоды».

Лука 12:32

Тят пеле, ёмла стада, вдь Алянтень ули паромялец максомс тейнть Оцязорксши.

Лука 16:22

Ашусь кулось и ангелхне кандозь сонь менели Авраамонь ваксс. Козя аляське кулось, соньге калмазь.

Лука 16:25

Но Авраам мярьгсь: "Лятфтак, цёрай, тон сявить ни эряфсот сембе пароть, а Лазарь – кальдявть; тяни тяса сон ваймафтови-кемокстави, а тон маятат.

Лука 22:29

Сяс Мон максан тейнть Оцязорксши, кода Монь Алязе максозе сонь Тейне.

Лука 6:20

Сон варжакстсь тонафниензон лангс и кармась корхтама: «Павазуфтада тинь, ашуфне, сяс мес тинь Шкаень Оцязорксшить алотада.

Иоанн 7:48

Оцюнятнень али фарисейхнень ёткста кивок кемась Тейнза?

Апостолхнень тевсна 7:2

Стефан корхтай: «Ялгат и ломаньтналонь аляньке, кулхцондода! Иневалдонь Шкайсь эвондась Авраам аляньконди Месопотамияса, сяда инголе, кода сон ётась эряма Харрану.

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Павелонь омбоце сёрмац Коринфу 4:15

Сембось тя тиеви тинь инксонт: пачкодель Шкайть оцю пароказнец сяда лама и лама ломанень седис и эста, шада ведь лаца, ломаттнень эзда кармайхть шудезь шудема сюконямань валхне Шкайть шнаманкса.

Павелонь омбоце сёрмац Коринфу 6:10

минь пичефтьсамазь, а минь фалу кеняртькшнетяма; минь ашуфтама, но ламотнень козякофнесаськ; минь мезеньковок аш, но сембось кядялонк.

Павелонь омбоце сёрмац Коринфу 8:9

Тинь вдь содасасть, конашкава оцю Иисус Христос Азороньконь пароказнец: Сон улемок козя, тинь инксонт арась ашукс, сяс мес мялецоль Эсь ашушинц вельде козякофтомс тинь.

Павелонь сёрмац Ефесу 1:18

Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь омбоце сёрмац Фессалоникав 1:5

Тя сембось няфтьсы, Шкайсь Эсь виде судонц коряс луфтядязь тинь кондястикс Эсь Оцязорксшинцты, конань инкса тинь и маятатада.

Павелонь васенце сёрмац Тимофеенди 6:18

Кошардыть синь паронь тиендемс, козякоткшнемс цебярь тевса и аф ужяльдезь макссемс эсь уликсснон эзда лиятненди.

Павелонь омбоце сёрмац Тимофеенди 4:18

Идесамань монь Азорсь сембе кальдявда и сувафтсамань Эсь Менелень Оцязорксшизонза. Шнама Тейнза пефтома пингс! Аминь.

Павелонь омбоце сёрмац Тимофеенди 4:8

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.

Еврейхненди сёрмась 11:26

Сон лувозе Христость инкса сялдомать сяда питникс Египетонь козяшитнень коряс, сяс мес сон ванць инголе ащи казнеть лангс, кона учсезе сонь.

Иаковонь сёрмац 1:12

Павазу ся ломанць, кона ётась сталмотнень-варчсематнень пачк, сяс мес пачкаст ётайти максови эряфонь каштазсь, конань Азорсь надияфтозе сятненди, кит кельгсазь Сонь.

Иаковонь сёрмац 1:16

Кельгома ялгат, тяда васькафнев.

Иаковонь сёрмац 1:19

Кельгома кемай ялгат, мяляфтость тянь: катк эрь ломанць кенордай кулхцондома, аф кенордай корхтама и аф кенордай кяжензон сафнема.

Иаковонь сёрмац 1:9

Ашушиса эряй кемай ялгась катк шнафты пря, сяс мес сон шнаф-кепотьф Шкайть сельмоса.

Пёторонь васенце сёрмац 1:4

Шкайть эзда минь учсаськ ся инголькиге аноклаф паршить, кона аф юмай, аф гастяви и аф пужи, и кона тяни кирдеви-ванфтови тейнть менельса.

Пёторонь омбоце сёрмац 1:11

И эста тейнть келеста панжевихть кенкшне минь Азороньконь и Иисус Христос Идиеньконь пефтома Оцязорксшизонза.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.

Иоаннонди панчф няйфкс 21:7

Семботь тянь Мон максса сяськити, и улян тейнза Шкайкс, сон – Тейне идькс.

Иоаннонди панчф няйфкс 3:18

Мон максан тейть ёнь – рамак кядьстон толонь пачк ётафтф зрнязень, и афкукс козякодат. Рамак акша щаптка, щасайть и киндинге аф кармай няевома тонь крхтапашицень визьксоц; рамак сельмовадемавок, вадьсайть сельмотнень и кармат няема.