Иаковонь сёрмац 2:14 - Од Соткс Новый Завет на мордовском-мокша языке 2016

¹⁴ Кемай ялгане, кодама лезкс сянь эзда, кда кивок корхтай, бта сон кемай, а тевса тянь кодавок аф няфнесы? Идесы-аф сонь тяфтама кемамась?

Иаковонь сёрмац 2:14 ပူးပေါင်းရင်းမြစ်များ

Матфей 5:20

Корхтан тейнть, кда тинь аф пяшкодьсасть Шкайть мяленц сяда лац фарисейхнень и койти тонафтыхнень коряс, эста тинь аф сувафтада Менелень Оцязорксшити».

Лука 3:11

Сон мярьгсь каршезост: «Кинь кафта панардонза, ся максозазе фкять сянди, кинь прокс аш; кинь ули ярхцамбялец, тиеза тяка лаца».

Лука 6:49

А кие кулхцондсыне валнень и коряваст аф тии – шары стама ломаненди, кона путсь модать лангс юрфтома куд. Мзярда лангозонза эрьхтсь ведь, сон эстокиге каладсь; и каладсь педа-пес».

Апостолхнень тевсна 15:9

Сон лувозень синь минь мархтонк фкакс, сяс мес кемамаса аруяфтозень синь седиснон.

Апостолхнень тевсна 8:13

Кармась кемама Симон сонцьке, кстиндафтсь пря и ульсь най Филиппонь мархта, дивандакшнесь кодама оцю тяштькст и дивань тефт тиендевихть вельденза.

Апостолхнень тевсна 8:21

Аш тейть минь тевсонк аф пялькс, аф пакш. Вдь Шкайсь няйсы: тонь седице аф виде.

Павелонь сёрмац Риму 2:25

Сяс киськопень керомаське канды пара аньцек эста, мзярда тон пяшкотькшнесак койть, а кда колсесак койть, эста тонь киськопень керомаце кода и ашель.

Павелонь васенце сёрмац Коринфу 15:2

Сонь вельденза тинь ульхтяда идефт, кда кирдьсасть сонь прокс стамкс, кодамкс мон сонь тейнть пачфтине. А кда аф тяфта, эста тинь шавоста кемаде Шкайти.

Павелонь васенце сёрмац Коринфу 16:22

Кие аф кельгсы Азорть, улеза сюдоф! Мара́н-афа́! – Минь Азороньке сась!

Павелонь сёрмац Галатияв 5:13

Кемай ялгат, тинь уледе тертьфт воляшити. Аньцек тясть шарфне тя воляшить эсь пежу мялентень топафтоманкса. Меколанкт, кельгозь покодеда фкя-фкянди.

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Павелонь васенце сёрмац Тимофеенди 4:8

Вдь ронгонь-виень кемокстамать ёмла лезксоц, а вана Шкаень мяльть ваномац лезды эрь мезьса, сяс мес сонь мархтонза сотфт тяниень и сай эряфонь надияфтоматне.

Павелонь сёрмац Титонди 1:16

Синь корхтайхть, бта содасазь Шкайть, а эсь тевсост шарфтыхть Эздонза. Синь нильготькст, аф кулхцондыхть и кодамовок пара тевонь тиема аф маштыхть.

Павелонь сёрмац Титонди 3:8

Ня валхне видет. И монь мялезе: кемоста корхталеть тянь колга. Катк Шкайти кемайхне улихть анокт тиендемс пара тефт. Тя пара и канды лезкс сембе ломаттненди.

Еврейхненди сёрмась 11:17

Кемамать вельде Авраам максозе Исааконь озксказнекс, мзярда Шкайсь варчсезе сонь. Ся, кинди максфтольхть надияфтоматне, ульсь анок кандомс озксказнекс эсь фкя тяка цёранц,

Еврейхненди сёрмась 13:9

Тясть макса шарфтомс прянтень виде ки лангста эрь кодама и ширде саф тонафнематненди. Пара, кда седись кемокстай Шкаень пароказнеть эзда, а аф ярхцамань койхнень мельге молемать эзда. Ня койхнень мельге молемась нинге киндиге ашезь канда лезкс.

Иаковонь сёрмац 1:16

Кельгома ялгат, тяда васькафнев.

Иаковонь сёрмац 2:16

а кивок тинь эздонт мярьги тейнза: «Мольхть сетьмошиса, эжентть и топодемс ярхцак», а сонць аф максы мезе эряви сонь ронгонцты, эста кодама лезкссь сонь валонзон эзда?

Иаковонь сёрмац 2:18

Но кда кивок мярьги: «Тонь ули кемамаце, а монь улихть тевне», эста каршезонза азса: «Няфтьк тейне эсь кемамацень тевфтома, а мон тейть эсь кемамазень няфтьса тевнень вельде».

Иаковонь сёрмац 2:26

Сяс азса: кода ронгсь кулоф ваймофтома, тяфта кемамаське кулоф тевфтома.

Пёторонь омбоце сёрмац 1:5

Сяс тинь, сембе вийса няфтеда эсь кемамасонт паронь тиема, а паронь тиемасонт няфтеда содамоши.