Иаковонь сёрмац 1:25 - Од Соткс Новый Завет на мордовском-мокша языке 2016

²⁵ Но ся, кие ваны афсатыксфтома койть лангс, кона максы воляши, и ляды эсонза, и аф юкснесы кульф Валть, а эряй и тии кульфть корява, ся ули павазу эсь тевсонза.

Иаковонь сёрмац 1:25 ပူးပေါင်းရင်းမြစ်များ

Лука 11:28

Иисус каршезонза мярьгсь: «Сядонга павазуфт сят, конат кульсазь Шкаень валть и пяшкодьсазь сонь».

Иоанн 13:17

Тинь павазуфтада, кда тянь содасасть и тянь корява тиенттяда.

Иоанн 8:36

Вов, кда Цёрась нолдатядязь тинь воляс, эста афкукс аратада воляс нолдафокс.

Апостолхнень тевсна 13:43

Кодак пуромфне кармасть сраткшнема, эста ламоц еврейхне и Шкайда пели ломаттне, конат шарфтфольхть евреень кемамати, тусть Павелонь и Варнавань мархта. И сят ломаттнень мархта корхнемста мярьгсть сяда товга эрямс Шкаень пароказнеса.

Апостолхнень тевсна 2:42

Синь фалу эрясть-ащесть апостолхнень тонафтомаса, фкя-фкянь мархта корхнемаса-лездомаса, кшинь синдемаса-ярхцамаса и озондомаса.

Апостолхнень тевсна 26:22

Но Шкайть лездоманц вельде мон тячемс ащан кемоста пильге лангса, и няфтян-азондан сембонди: оцюфнендивок, ёмлатнендивок. Мон аф корхтан мезевок сяда башка, мезти пяшкодевома пророкнень и Моисеень азфснон коряс.

Павелонь сёрмац Риму 11:22

Мяляфтк, Шкайсь ляпе седи и казяма. Казяма Сонь эздонза потайхненди, тейть ляпе седи, кда тонць сяда товга аф аердат Сонь ляпе седиенц эзда. А кда аердат, тонга улят керф.

Павелонь сёрмац Риму 2:13

Шкайть инголе видексшинь ломанькс лувовихть аф сят, кит кульсазь койть, а сят, кит сонь пяшкотькшнесазь.

Павелонь сёрмац Риму 7:12

Сембе сяка, койсь иняру, и сонь кошардомвалоцка иняру, видексшинь и пара.

Павелонь сёрмац Риму 8:15

Вдь тейнть максф Ваймопожфсь – тя аф урексшинь ваймопожф, кона кошардодязь одукс пелезь эряма. Меколанкт, тейнть максф Ваймопожф, кона тиедязь тинь Шкаень идькс! Тя Сон мярьги тердемонза Шкайть: «Авва! Аляй!»

Павелонь сёрмац Риму 8:2

сяс мес Ваймопожфонь койсь, кона кази эряф Иисус Христость эса, мянтьфтемань пежень и куломань койть эзда.

Павелонь васенце сёрмац Коринфу 15:58

Сяс, кельгома ялгат, уледа кемот и мезевок тязадязь шерьфте. Марнек прянтень максость Азорть тевонцты, сяс мес тинь содасать: стака покодеманте Азорть инголе шавокс аф ули.

Павелонь омбоце сёрмац Коринфу 13:5

Кизефтесть эсь прянтень: тинь афкукс эрятада кемамать коряс? Варжасть эсь прянтень. Кали тинь аф содасасть: тинь эсонт эряй Иисус Христос. Но кда Сон аш эсонт, эста тейнть ашезь кирдев варчсемась.

Павелонь сёрмац Галатияв 2:4

А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.

Павелонь сёрмац Галатияв 5:1

Христос минь нолдамазь воляшис. Сяс, ащеда кемоста и оду тясть эцекшне прянтень урексшис.

Павелонь сёрмац Галатияв 6:2

Лездода фкя-фкянди стакашиса, тяфта тинь пяшкодьсасть Христость коенц.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь васенце сёрмац Тимофеенди 2:15

Но авась, конац лисьф рьвакс и шачфни шабат, ули идеф, кда сон иляды кемамаса, кельгомаса и инярушиса.

Павелонь васенце сёрмац Тимофеенди 4:16

Ватт эряфцень мельге и сянь мельге, мезенди тон тонафтат. И сядонга тов тяфта тиентть, эста улят идеф тонць и кулхцондыхневок.

Еврейхненди сёрмась 12:15

Ванода, кивок афоль иляда Шкаень пароказнефтома, и тянь вельде афоль эвонда ётксонт кодамовок сяпи юр, кона маштоль кандомс зиян и ламотнень тиемс аф арукс.

Иаковонь сёрмац 2:12

Корхтада и тиендеда кода ломатть, конат улихть судендафт воляшинь максы койть коряс.

Пёторонь васенце сёрмац 2:16

Эряда воляшиса, аньцек тяза уле тя воляшись тейнть кальдяв тевонь кяшема вастокс, а меколанкт, эряда кода Шкайть покодиенза.

Иоаннонь васенце сёрмац 2:24

Ванфтость седисонт сянь, мезе тинь куледе ушетксста сявомок. Кда эсонт фалу ули ся, мезе тинь куледе ушетксста, эста тинь карматада эряма Цёрать и Алять эса.

Иоаннонди панчф няйфкс 14:13

И мон кулень менельста вайгяль, кона корхтась: «Сёрматт: Тя шиста сявомок павазуфт сят, кит кулыхть Азорти кемазь». «Афкукс тяфта, – корхтай Ваймопожфсь, – синь ваймяйхть эсь стака покодемаснон эзда, сяс мес синь пара тевсна молихть мельгаст».

Иоаннонди панчф няйфкс 22:14

Павазуфт сят, кит ванфтсазь Сонь кошардомвалонзон: тейст мярьгови ярхцамс эряфонь шуфтть имождонза и сувамс ошти ортава.