Иаковонь сёрмац 1:17 - Од Соткс Новый Завет на мордовском-мокша языке 2016

¹⁷ Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Иаковонь сёрмац 1:17 ပူးပေါင်းရင်းမြစ်များ

Матфей 7:11

Кда тинь, кяжи ломатть, машттада шабантенди паронь максома, эста сядонга Менелень Алянте максы парот сятненди, кит анайхть Сонь кядьстонза.

Лука 11:13

Тяфта, кда тинь, кяжи ломатть, машттада идентенди макссемс цебярь казнет, эста сядонга Менелень Алясь максы Иняру Ваймопожф сятненди, кит анайхть Сонь кядьстонза!»

Иоанн 1:9

Ульсь афкуксонь Валда, кона сась масторлангти и валдоптозе эрь ломанть.

Иоанн 3:27

Иоанн мярьгсь каршезост: «Ломанти мезевок аф сявови эсь лангозонза, кда тейнза аф ули максф менельста.

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Иоанн 8:12

Иисус тага корхтась ломаттненди и мярьгсь: «Мон валдсь масторлангти. Кие моли мельган, ся аф якай шобдашиса, но сянь ули эряфонь максы валдоц».

Апостолхнень тевсна 11:18

Ня валдонза меле синь седисна озасть и кармасть шнамонза Шкайть, корхтамок: «Лисенди, Шкайсь макссь лия тналонь ломаттнендиге шарфтомс Тейнза и сатомс пефтома эряфть».

Апостолхнень тевсна 5:31

Шкайсь кеподезе Сонь, озафтозе види кядь ширесонза и путозе Вятикс и Идикс, шарфтоза Израильсь Шкайти и нолдавозаст пеженза.

Павелонь сёрмац Риму 6:23

Питнесь, кона пантфтови пежень тиеманкса, – кулома, а Шкаень казнесь – пефтома эряма Иисус Христос Азороньконь мархта.

Павелонь васенце сёрмац Коринфу 4:7

Кие мярьгсь, бта тон лияда сяда цебярят? Мезце тонь ули стама, мезть максолезе тейть аф Шкайсь? И кда тейть сембось максф кода казне, мезенди шнасак пряцень, бта тонць семботь сатыть?

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Ефесу 1:18

Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Ефесу 2:8

Сяс пароказнеса тинь идефтяда, кемамать вельде. Тя аф тинцень вельдент, тя Шкайть казнец.

Павелонь сёрмац Филиппав 1:29

Вдь Шкайсь макссь тейнть тяфтама пароказне: аф аньцек кемамс Христости, но и кирдемс маятамат Сонь инксонза.

Павелонь васенце сёрмац Тимофеенди 6:16

Сон Фкясь, кона мзярдонга аф кулы. Сон эряй валдса, конанди кивок аф нежедеви. Сонь фкявок ломань ашезе няе и аф машты няемс. Улеза Тейнза шнама и пефтома азорксши! Аминь.

Еврейхненди сёрмась 13:8

Иисус Христоссь фкя тяка и исяк, и тячи, и пефтома пингс.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Иаковонь сёрмац 3:15

Тя аф ся смузьшись, кона валги вярде Шкаень Ваймопожфть эзда, но сон масторлангонь, ломанень, кяжи ваймопожфнень эзда.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Иоаннонь васенце сёрмац 1:5

И вов ся кулясь, конань минь маряськ Сонь эздонза и конань азондсаськ тейнть: «Шкайсь – тя валда, и Сонь эсонза аш кодамовок шобда».

Иоаннонь васенце сёрмац 4:10

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Иоаннонди панчф няйфкс 21:23

Ошти ашесть эряв аф шинь, аф ковонь валдсь, сяс мес сонь валдоптозе Шкайть иневалдоц, и сонь валдоптомац – Верозсь.

Иоаннонди панчф няйфкс 22:5

Тоса аф кармай улема ве, и ломаттненди аф эрявкстыхть валдоптоматнень валдсна, шитьке валдоц аф эрявксты, сяс мес Азор Шкайсь ули тейст валдокс. И синь кармайхть оцязорондама пефтома пингс.