Павелонь омбоце сёрмац Фессалоникав 3:4 - Од Соткс Новый Завет на мордовском-мокша языке 2016

⁴ Минь Азорть эса кемоста надиятама лангозонт: тинь тиендьсасть и сяда товга карматада тиендемонза сянь, мезенди минь эсонт кошарттама.

Павелонь омбоце сёрмац Фессалоникав 3:4 ပူးပေါင်းရင်းမြစ်များ

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Павелонь сёрмац Риму 15:14

Кемай ялгат, мон лац содаса: тинь пяшкодеде парошида, кочкаде эрь кодама содамоши и машттада фкя-фкянь путома ёньц.

Павелонь сёрмац Риму 15:18

Мон пелян корхтамс мезеньге лиянь колга, а корхтан аньцек сянь колга, мезе тись монь вельден Христос лия ломаньтналхнень Шкаень кулхцондомати вятеманкса. Сон тиезе тянь валса и тевса,

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Павелонь васенце сёрмац Коринфу 14:37

Эрсь, кие лувсы прянц прорококс али ломанькс, конань ули Ваймопожфонь казнец, катк содасы: ся, мезе мон тейнть сёрмадан, – Азорть кошардомвалоц.

Павелонь васенце сёрмац Коринфу 7:19

Керомась тя мезевок аш, аф керомаське мезевок аш. Но инь эрявикссь – тя Шкаень кошардомвалхнень ванфтомасна.

Павелонь омбоце сёрмац Коринфу 2:3

Вага, мон сёрмадыне тейнть ингольдень сёрмать сяс, мес монь аш мялезе самстон колсемс седиезень сятнень инкса, конатнень инкса эряволь кеняртькшнемс. Мон пяк надиян: монь кенярдемазе – тя сембонь тиньге кенярдеманте.

Павелонь омбоце сёрмац Коринфу 2:9

Тона ингольдень сёрмать мон сёрмадыне тейнть сяс, мес монь мялезель содамс: кода тейнть кирдевихть варчсематне и ульхтяда тинь кулхцондыкс сембоса али аф.

Павелонь омбоце сёрмац Коринфу 8:22

Ня кафттнень мархта минь кучсаськ тейнть нинге фкя кемай ялгать. Минь лама тевса аф весть варжаськ сонь и няеськ сонь седиень путоманц. А тяни сон нинге сядонга пяк седиень путозь ащи, сяс мес кемоста надияй лангозонт.

Павелонь сёрмац Галатияв 5:10

Мон Азорть лангс нежедезь кеман, тинь аф карматада лиякс арьсема. А ся, кие тапаряй эсонт, кие сон тяза уле, ули судендаф.

Павелонь сёрмац Филиппав 1:6

И мон кемоста содаса: Ся, кие ушедозе эсонт тя цебярь тевть, шумордасы сонь Христос Иисусть сама шинцты.

Павелонь сёрмац Филиппав 2:12

Кельгома ялгат, мзярда мон улень тинь ётксонт, тинь фалу уледе кулхцондыкс. А тяни, мзярда мон ашан мархтонт, уледа сядонга кулхцондыкс. Сяс пелезь-трнатозь тиесть семботь эсь идемантень инкса.

Павелонь васенце сёрмац Фессалоникав 4:10

Тинь тяфта и тиенттяда сембе кемай ялганьконь мархта марнек Македонияса. Но минь эняльттяма тейнть, кемай ялгат: нинге сядонга пяк кельгода фкя-фкянь.

Павелонь омбоце сёрмац Фессалоникав 3:12

Тяфтама ломаттнень минь кошардсаськ и кемокстасаськ Иисус Христос Азороньконь лемса сетьмоста покодемс и эстейст трямс пряснон.

Павелонь омбоце сёрмац Фессалоникав 3:6

Кемай ялгат, Иисус Христос Азороньконь лемса мярьктяма тейнть: кирдевода ширеса эрь кемай ялгать эзда, кона тевфтома ётафнесы пингонц и аф тиенди ся тонафтомать коряс, конань тинь сявость минь эздонк.

Павелонь сёрмац Филимононди 1:21

Мон сёрмадан тейть надиязь тонь кулхцондомацень лангс, и содаса, тон тият мянь вельф монь эняльдемазень коряс.