Павелонь омбоце сёрмац Фессалоникав 3:14 - Од Соткс Новый Завет на мордовском-мокша языке 2016

¹⁴ Кда кие-бди аф кулхцондсы сянь, мезе минь сёрмадоме тя сёрмасонк, ся ломанть сявость мяльс и тяда корхта мархтонза, катк сргози визьксоц.

Павелонь омбоце сёрмац Фессалоникав 3:14 ပူးပေါင်းရင်းမြစ်များ

Матфей 18:17

А кда сон синьге аф кулхцондсыне, азонтк тянь кемаень пуромксти. Аф кулхцондондярясы кемаень пуромкстьке, эста катк сон тейть ули кода ломань, кона аф кемай афкуксонь Шкайти али кода каяфксонь кочкай.

Павелонь сёрмац Риму 16:17

Мон эняльдян, кемай ялгат, ванфтода пря сятнень эзда, конат шорсемок ётконтень, явфнетядязь тинь. Синь ускихть эсонт ся тонафтомать эзда, кона максф тейнть. Аеркшнеда тяфтапнень эзда.

Павелонь васенце сёрмац Коринфу 4:14

Мон сёрмадан тянь колга аф визделгофтоманксонт, а ёран путомс тинь ёньц, кода кельгома иднень.

Павелонь васенце сёрмац Коринфу 5:11

Но вага мезень колга мон корхтань тейнть сёрмасон: афоледе латце соткс сянь мархта, кинь лемнесазь кемай ялгакс, а сон усксеви, топафкста аф содай, аф афкуксонь шкайхненди сюконяй, сюци-сялды, симила али нельги-салай. Тяфтамть мархта нльне тяда озсе фкя шра ваксска.

Павелонь васенце сёрмац Коринфу 5:9

Ётай сёрмасон мон сёрмадонь тейнть: тяда латце соткст усксеви ломаттнень мархта.

Павелонь омбоце сёрмац Коринфу 10:6

И мзярда тинь кулхцондоманте пяшкоди педа-пес, эста минь карматама анокт наказамс эрь кодама аф кулхцондомать.

Павелонь омбоце сёрмац Коринфу 2:9

Тона ингольдень сёрмать мон сёрмадыне тейнть сяс, мес монь мялезель содамс: кода тейнть кирдевихть варчсематне и ульхтяда тинь кулхцондыкс сембоса али аф.

Павелонь омбоце сёрмац Коринфу 7:15

И тяни, мзярда Тит лятфнесы, кода тинь сонь кулхцондость и кода васьфтесть сонь пара лувксса и пелема мархта, сонь седиец сядонга ускови тейнть.

Павелонь сёрмац Филиппав 2:12

Кельгома ялгат, мзярда мон улень тинь ётксонт, тинь фалу уледе кулхцондыкс. А тяни, мзярда мон ашан мархтонт, уледа сядонга кулхцондыкс. Сяс пелезь-трнатозь тиесть семботь эсь идемантень инкса.

Павелонь сёрмац Колоссав 4:16

Мзярда тя сёрмась ули лувф тинь ширесонт, эста мярьгода лувомс сонь Лаодикиянь кемаень пуромкссовок. А тинь лувость ся сёрмать, конань мон кучине Лаодикияв.

Павелонь васенце сёрмац Фессалоникав 4:8

Тяфта, кие шарфты тя тонафтомать эзда, ся аф ломанть эзда шарфты, а Шкайть, кона максозе тейнек Эсь Иняру Ваймопожфонц.

Павелонь омбоце сёрмац Фессалоникав 3:6

Кемай ялгат, Иисус Христос Азороньконь лемса мярьктяма тейнть: кирдевода ширеса эрь кемай ялгать эзда, кона тевфтома ётафнесы пингонц и аф тиенди ся тонафтомать коряс, конань тинь сявость минь эздонк.

Павелонь сёрмац Титонди 2:8

и корхтамацевок улеза шумбра и аф сялдови. Эста эрь каршек молись ули визделготф, сяс мес аф азови колганк мезевок кальдяв.

Павелонь сёрмац Титонди 3:10

А сянь, кие калафты кемаень пуромкс, кардак весть-кафксть и сяда меле аертт эздонза.

Павелонь сёрмац Филимононди 1:21

Мон сёрмадан тейть надиязь тонь кулхцондомацень лангс, и содаса, тон тият мянь вельф монь эняльдемазень коряс.

Еврейхненди сёрмась 13:17

Кулхцондода эсь вятиентень эса и уледа сятявкс мархтост. Вдь синь шинек-венек пичедихть-канзедихть тинь ваймонтень инкса, сяс мес тейст сави тинь инксонт корхтамс Шкайть инголе. Катк синь тиендьсазь тянь кеняртькс потмоса, а аф куфцезь. Вдь тя аф лезды тейнть.

Иоаннонь омбоце сёрмац 1:10

Кда кие сай ширезонт и аф кандсы тя тонафтомать, сянь тясть сявонде пялонт и тяда шумбраксне мархтонза.