Павелонь омбоце сёрмац Фессалоникав 2:2 - Од Соткс Новый Завет на мордовском-мокша языке 2016

² тясть макссе тапарямс прянтень и тяда пеле. Тяда эряскода кемамс ся ломаттненди, конат, кле, Ваймопожфть вятеманц коряс корхтайхть: «Азорть шиц ни сась», – али тянди тонафтыхть, али сёрмаса тяштихть тяфта, а тейнть корхтайхть, кле, ня валхне минь эздонк кучфт.

Павелонь омбоце сёрмац Фессалоникав 2:2 ပူးပေါင်းရင်းမြစ်များ

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Марк 13:7

А мзярда марятада тюремань зярьфт и тюремань колга кулят, тяда эводе, сяс мес тянди улема; но тя нинге аф песь.

Лука 21:19

Кирдеда и тейнть идеви ваймонте».

Лука 21:9

Мзярда марятада кулят тюремань колга и ломанень комболдоматнень колга, тяда эводе, сяс мес инголи тянди улема, но тя нинге аф песь».

Иоанн 14:1

«Тяза ризна седиенте; кемада Шкайти, Тейневок кемада.

Иоанн 14:27

Кадан тейнть сетьмоши. Монцень сетьмошизень максса тейнть; максса аф стане, кода максси масторлангсь. Тяза коле и тяза пеле седиенте.

Павелонь васенце сёрмац Коринфу 1:8

Сон кемокстадязь тинь петь самс, и тянь вельде тинь ульхтяда аф муворуфт Иисус Христос Азороньконь сама шистонза.

Павелонь васенце сёрмац Коринфу 14:32

Пророчендамань казнесь кулхцондсы пророкть,

Павелонь васенце сёрмац Коринфу 7:26

Мон арьсян, тяниень стака пингть сяда пара ломанти ляткшнемс стамкс, кодамкс ульсь.

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь васенце сёрмац Фессалоникав 3:3

афоль шерьфтев киньге кемамац ня стакашитнень эзда. Тинь тинцьке содасасть, минь тянкса путфтама.

Павелонь васенце сёрмац Фессалоникав 4:15

Минь корхтатама тейнть Азорть валса: минь, Азорть самс шиса лятфне, аф ингольдасаськ кулофнень.

Павелонь васенце сёрмац Фессалоникав 5:2

Вдь тинь тинць пяк лац содасасть, Азорть шиц сай апак учсек, кода салайсь веть.

Павелонь омбоце сёрмац Фессалоникав 2:15

Сяс, кемай ялгат, кемоста ащеда-кирдеда ся тонафтомаса, конанди минь тонафтодязь тинь вал вельде али сёрмаса.

Павелонь омбоце сёрмац Фессалоникав 3:17

Пара вал монь эздон – тянь сёрмадса эсь кядьсон, тяфта мон тяштькснеса эрь сёрмазень – ПАВЕЛ.

Иоаннонди панчф няйфкс 19:20

Кяжи жуватась кундафоль, а мархтонза аф афкуксонь пророкське, кона тиендсь кяжи жуватать инголе дивань тяштькст и васькафтозень сятнень, кит путфтозь эстейст кяжи жуватать тяштьфксонц и сюконякшнесть сонь ликонцты. Кяжи жуватась и аф афкуксонь пророксь живста ульсть ёрдафт юрнай палыкандоронь эрьхкти.