Павелонь омбоце сёрмац Фессалоникав 2:10 - Од Соткс Новый Завет на мордовском-мокша языке 2016

¹⁰ Сон кяжи васькафнематнень вельде саласыне юмайхнень мяльснон. Синь повихть аду, сяс мес ашезь кельге видешить, конань вельде идевольхть.

Павелонь омбоце сёрмац Фессалоникав 2:10 ပူးပေါင်းရင်းမြစ်များ

Матфей 13:11

Сон мярьгсь каршезост: «Сяс мес тейнть максф содамс Менелень Оцязорксшить салавашинзон, а тейст тя апак макст.

Иоанн 3:17

Шкайсь кучезе Эсь Цёранц масторлангти аф судендамс масторлангть, а Эсь Цёранц вельде идемс сонь.

Иоанн 5:34

Сембе сяка Тейне аф эряви ломанень пяльде азондомась; тянь корхтаса аньцек тинь идемантень инкса.

Павелонь сёрмац Риму 10:1

Кемай ялгат, монь седиваксстонь мялезе: идевольхть Израилень ломаттне. Тяконь колга эняльдян Шкайти.

Павелонь сёрмац Риму 16:18

Ня ломаттне покодихть аф Иисус Христос Азороньконди, а эсь пекснонды. Синь ламбама и кяльготнемань кяльсост васькафнесазь сятнень седиснон, кит тёждяста кемайхть мезьс повсь.

Павелонь сёрмац Риму 6:17

Мзярда-бди тинь уледе пежети урекс, но тяни, сюконян Шкайти, марнек седиса кармаде кулхцондомонза ся тонафтомать, конанди тинь максость эсь прянтень.

Павелонь васенце сёрмац Коринфу 1:18

Крёз лангса Кулофть колга кулясь – тя ёньфтомаши сятненди, кит молихть юмамань киге аду, а тейнек, идемань киге молихненди, – тя Шкаень вий.

Павелонь васенце сёрмац Коринфу 16:22

Кие аф кельгсы Азорть, улеза сюдоф! Мара́н-афа́! – Минь Азороньке сась!

Павелонь омбоце сёрмац Коринфу 11:13

Ня ломаттне – аф афкуксонь апостолхт, синь васькафни покодихть, конат аньцек няфнесазь эсь пряснон Христосонь апостолкс.

Павелонь омбоце сёрмац Коринфу 11:15

Сяс аф оцю тевсь, кда сонь покодиензонга няфнесазь эсь пряснон видексшити покодикс. Но синь песна ули тевснон коряс.

Павелонь омбоце сёрмац Коринфу 2:15

Вдь минь Христость танцти шинец, кона кеподи-моли Шкайти; тя шинеть марясазь сят, кит молихть идемань киге и сятка, кит молихть юмамань киге аду.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Павелонь васенце сёрмац Фессалоникав 2:16

Синь шоряйхть тейнек кандомс Шкаень валть лия ломаньтналхненди и вятемс синь идемати. Тяфта синь пяшкотькшнесазь-ламолгофнесазь пежеснон сталмоснон. Но Шкаень кяжсь синь пряснон вельхксса ни.

Павелонь омбоце сёрмац Фессалоникав 2:12

Тяфта улихть судендафт сембе сят, кит ашесть кема видешити и кинди кельговсь кяжсь.

Павелонь омбоце сёрмац Фессалоникав 2:13

Кемай ялгане, конатнень кельгсыне Шкайсь, тейнек фалу азонкшнема сюконяма тинь инксонт Шкайти, сяс мес Сон ушетксстокиге, Ваймопожфса иняруяфтомать вельде и видешити кемамать вельде, кочкадязь тинь идемати.

Павелонь васенце сёрмац Тимофеенди 2:4

кона ёрай идемс сембонь и пачфтемс синь видешить шарьхкодеманцты.

Еврейхненди сёрмась 3:13

Меколанкт, кемокснеда фкя-фкянь эрь шиня, мзярс нинге ули пинге мярьгомс «тячи». Катк киньге седиец аф васькафтови пежеса и аф калготкстоми тянкса.

Пёторонь омбоце сёрмац 2:12

Ня ломаттне сялдсазь сянь, мезть аф шарьхкодьсазь. Синь шарыхть ёньфтома жувататнень лангс, конат эряйхть эсь обуцяснон коряс и шачендыхть кундаманди и шавоманди. Ня жувататнень лаца синьге улихть машфтфт.

Пёторонь омбоце сёрмац 2:18

Корхтамок прянь шнафты, но шава валхт, синь тарксесазь-кунцесазь визьксонь мялень топафтомас сятнень, конат аньцек явсть васькафтфнень-эрьготьфнень эзда.