Павелонь омбоце сёрмац Коринфу 7:11 - Од Соткс Новый Завет на мордовском-мокша языке 2016

¹¹ Ванода, мезе тись тейнть тя ризфсь, кона Шкайть мяленц коряс! Эсонт сргозьфтсь мзяра седиень путомада, эсь прянь араламада! А мзяра сргозьфтсь эсонт каршек молемада пежень тиить лангс, мзяра пелемада, мархтон васедемань мяльда и оржа мяльда наказамс муворуть! Тянь вельде тинь педа-пес няфтесть: тинь аруфтада тя тевса.

Павелонь омбоце сёрмац Коринфу 7:11 ပူးပေါင်းရင်းမြစ်များ

Марк 3:5

Иисус кяжиста варжакстсь лангозост, ризназевсь синь калгода седиснон инкса, и мярьгсь коське кядь ломанти: «Венептьк кядцень». Сон венептезе, и кядец арась шумбракс, омбоцеть лаца.

Иоанн 2:17

Ся ёткть Сонь тонафниенза лятфтазь, мезе азфоль Сёрматфксса: «Кельгомась Тонь кудцти пидесы седизень».

Апостолхнень тевсна 17:16

Павел учсезень Силань мархта Тимофеень Афинаса, и мзярда сон ванондозе ошть, седиец ацергодсь, сяс мес ошсь пяшксель эсь кятть тиф аф афкуксонь шкайда.

Павелонь сёрмац Риму 11:20

Пара! Афкукс, синь синдезь аф кемамаснон инкса, а тон кирдят кемамацень вельде. Сяс вельф тяк кепсе пряцень, но пельхть.

Павелонь сёрмац Риму 14:18

Кие тяфта покоди Христости, ся тушенды Шкайть мяльс и лувови цебярькс ломаттнень ётксовок.

Павелонь сёрмац Риму 3:5

А кда минь аф видексшиньке тиендьсы нинге сяда няевиксокс Шкаень видексшить, эста мезе минь астама? Эста пади Шкайсь аф виде, кда шарфнесы Эсь кяженц минь лангозонк? Мон тяса корхтан ломанень арьсемать коряс.

Павелонь васенце сёрмац Коринфу 12:25

Тянь Шкайсь тиезе тянкса: афольхть уле ронгса явожкшнемат, а сембе пяльксне фкаста лездольхть фкя-фкянди.

Павелонь васенце сёрмац Коринфу 5:2

И тинь нинге авардемать вастс шнатада пря, и ашесть пане ёткстонт ся ломанть, кона тись тяфта.

Павелонь омбоце сёрмац Коринфу 13:7

Минь озонттама инксонт Шкайти, афоледе тие кодамавок кальдяв. Минь озонттама тяфта прокс аф прянь няфтеманкса, кода варчсемань кирдихне, а сянь инкса: тиенделеде тинь цебярьста. А ломаттнень сельмоса катк минь ульхтяма мянь кода варчсемань аф кирдихть.

Павелонь омбоце сёрмац Коринфу 2:6

Тя ломанти саты ся наказамась, конань сон кирдезе-кандозе ламотнень тинь эздонт.

Павелонь омбоце сёрмац Коринфу 6:4

Меколанкт, минь сембоса няфнесаськ эсь пряньконь афкуксонь покодикс Шкайти: оцю кирдемшкаса и кемошиса кирттяма стакашит, ашушит, люпштамат,

Павелонь омбоце сёрмац Коринфу 7:1

Кельгома ялгане, ванода, кодама надияфтомат тейнек максфт! Сяс, эрьда аруяфтсаськ пряньконь семботь сянь эзда, мезсь гаснесы ронгоньконь и ваймоньконь, и карматама сембоса эряма иняруста, кулхцондозь и пелезь Шкайда!

Павелонь омбоце сёрмац Коринфу 7:7

и аф аньцек саманц мархта, но и сянь мархта, мес тинь кемокстасть сонь. Сон азондозе, конашкава тинь лажадоде тейне, конашкава ризнайхть седиенте и конашкава кемоста ащетяда инксон. Тянкса мон сядонга кенярдень.

Павелонь омбоце сёрмац Коринфу 7:9

А тяни мон кеняртькшнян, но аф сянкса, мес тинь праде ризфс, а сянкса, мес тя ризфсь тинь вятедязь седиень полафтомати. Вдь тинь ризфонте ульсь Шкайть мяленц коряс, и сяс минь ашеме тие тейнть кодамовок зиян.

Павелонь омбоце сёрмац Коринфу 9:2

Мон содаса тинь оцю мялентень лездомс, и мон шнаян эсонт Македониянь кемайхнень инголе: азондыне тейст, кода Ахаиясь аноклазень лезксонь максоматнень нинге ётай кизотькиге. И тинь тяфтама оцю мяленте лездомс, синь ётксостка ламотнень сргозьфтезень тя тевти.

Павелонь сёрмац Ефесу 4:26

Кяжиямста тяда пра пежес. Мирендада шить валгомда инголе

Павелонь сёрмац Ефесу 5:11

Тяда сувсе шобдань тевс: тяфтама тефне аф кандыхть цебярь имож. Меколанкт, ня тефнень лихтесть валдти.

Павелонь сёрмац Филиппав 2:12

Кельгома ялгат, мзярда мон улень тинь ётксонт, тинь фалу уледе кулхцондыкс. А тяни, мзярда мон ашан мархтонт, уледа сядонга кулхцондыкс. Сяс пелезь-трнатозь тиесть семботь эсь идемантень инкса.

Павелонь васенце сёрмац Фессалоникав 4:6

Тя тевса кивок тяза тиенде пеже эсь кемай ялганц каршес и тяза путне сельме сянь лангс, мезсь аф сонне, а кемай ялгать. Семботь тянь инкса Шкайсь кармай пандома кяжса. Минь ни корхнеме тейнть тянь колга и кемоста кардаме тяфта тиендемда.

Павелонь васенце сёрмац Тимофеенди 5:20

Пежень тиихнень кардайть сембонь инголе, эста катк лиятневок кармайхть пелема.

Павелонь омбоце сёрмац Тимофеенди 2:15

Сембе вийсот ёрак улемс Шкайть инголе цебярь покодикс, конанди аш мезьда виздемс тиф тевсонза и кона видеста тонафты видешинь валти.

Павелонь сёрмац Титонди 3:8

Ня валхне видет. И монь мялезе: кемоста корхталеть тянь колга. Катк Шкайти кемайхне улихть анокт тиендемс пара тефт. Тя пара и канды лезкс сембе ломаттненди.

Еврейхненди сёрмась 4:1

Сяс мес надияфтомась Шкайть ваймама вастонцты сувамать колга нинге иляткшни вийса, тейнек эряви пелемс вага мезьда: афоль иляда кие ёткстонт пяле ки лангс.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Пёторонь васенце сёрмац 1:17

Ся, конань тинь лемнесать Алякс, судендасы эрь ломанть тевонзон коряс, аф ваномок сянь лангс, кие сон. Сяс, улемок тя масторлангса ширде саф ломанькс, фалу эряда Шкайда пелезь и Сонь мяленц ванозь.

Пёторонь васенце сёрмац 2:2

Потяй иднятнень лаца вешендеда ярхцамс ару, ваймопожфонь лофцта, лиякс мярьгомс, Шкаень валда, конань вийса тинь кастада и пачкоттяда идемати.

Иудань сёрмац 1:23

Омбонцнень идесть, лихтемок синь толста. А лиятненди уледа кельгозь ужяльдикс, но ванфтода пря эздост, нулгодеда мянь щамдост, конат тиевсть аф арукс визьксонь аф содай ронгснон эзда.

Иоаннонди панчф няйфкс 3:19

Кинь кельгса, сянь пежензон лихтьсайне лангти и сюцеса-тонафтса сонь. Сяс ульхть виень путыкс и кадыть пежетнень!