Павелонь омбоце сёрмац Коринфу 6:4 - Од Соткс Новый Завет на мордовском-мокша языке 2016

⁴ Меколанкт, минь сембоса няфнесаськ эсь пряньконь афкуксонь покодикс Шкайти: оцю кирдемшкаса и кемошиса кирттяма стакашит, ашушит, люпштамат,

Павелонь омбоце сёрмац Коринфу 6:4 ပူးပေါင်းရင်းမြစ်များ

Лука 21:19

Кирдеда и тейнть идеви ваймонте».

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Апостолхнень тевсна 2:22

Израилень ломатть! Кулхцондость монь валнень. Назаретонь Иисуссь ульсь Ломань, конань кучезе тейнть Шкайсь. Шкайсь тянь няфтезе-кемокстазе вии тевса, дивань тевса и тяштьксса, конатнень Сон тиендезень Иисусонь вельде. Тинь тинць содасасть тянь, сяс мес сембось тя тифоль тинь ётксонт.

Апостолхнень тевсна 20:34

Тинць содасасть, ва ня кядьса мон тряйне эсь прязень и ялганеньге.

Апостолхнень тевсна 9:16

И Мон няфтьса тейнза, мзяра маятама сонь учсы Монь лемозень инкса».

Павелонь сёрмац Риму 14:18

Кие тяфта покоди Христости, ся тушенды Шкайть мяльс и лувови цебярькс ломаттнень ётксовок.

Павелонь сёрмац Риму 16:10

Пара вал Апеллесонди, кинь Христосоннекс улемац няфтьф тевса. Пара вал Аристовулонь кудэряензонды.

Павелонь сёрмац Риму 3:5

А кда минь аф видексшиньке тиендьсы нинге сяда няевиксокс Шкаень видексшить, эста мезе минь астама? Эста пади Шкайсь аф виде, кда шарфнесы Эсь кяженц минь лангозонк? Мон тяса корхтан ломанень арьсемать коряс.

Павелонь сёрмац Риму 5:8

А Христос кулось минь сембонь инксонк, мзярда минь нинге улеме пежу ломанькс. Тяфта Шкайсь няфтезе тейнек Эсь кельгоманц.

Павелонь васенце сёрмац Коринфу 3:5

Кие тяфтамсь Павел? Кие тяфтамсь Аполлос? Синь аньцек покодихть, конатнень вельде тинь саде кемамати. Эрсь эздост тиендьсы ся тевть, конань максозе Азорсь.

Павелонь васенце сёрмац Коринфу 4:1

Тейнть эряви лувомс минь Христосонь покодикс, конатненди максф азондомс Шкаень салавашить.

Павелонь васенце сёрмац Коринфу 9:11

Минь видеме тинь ётксонт ваймопожфонь видьмот. Арьсетяда тя вельф лама, кда ёратама кядьстонт сявомс эстейнек эряманди лезкс?

Павелонь омбоце сёрмац Коринфу 11:23

Синь Христость покодиенза? Пади, прокс ни шорявсь прязе, но сембе сяка азса: мон сядонга лама покодян Тейнза. Мон синдедост лама вий путонь тя тевти, синдедост сяда ламоксть улень пякстамгудса, мон пефтома ламоксть улень пикссеф, и сидеста улендень кулома лангса.

Павелонь омбоце сёрмац Коринфу 11:27

Мон кирдень стака покодема и сизема, вень аф удома, вачаши и ведьфтома ащема. Сидеста ётафнине шить апак ярхцак, и якшамста улендень крхтапа.

Павелонь омбоце сёрмац Коринфу 11:9

Вдь тя афсатыксть пяшкотькшнезь Македонияста сашенды кемай ялгатне. Мон мзярдонга ашень уле и оду афи улян тейнть сталмокс.

Павелонь омбоце сёрмац Коринфу 12:10

Сяс монь пара мялезон, мзярда мон лафчан али монь сялдсамазь Христость инкса, мзярда инксонза повондан стакашис, панцемас, люпштамас! Вдь мзярда мон лафчан, эста вииян.

Павелонь омбоце сёрмац Коринфу 12:12

Мон куватьс кирдемшка мархта тиень тинь ширесонт лама тяштькста, дивань и вии тевда, конат няфтьсазь: мон афкуксонь апостолан.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 3:6

Сон тяфта жа макссь тейнек маштомаши улемс од сотксонь покодикс. Тя сотксть юрсонза – аф койть букванза, а Ваймопожфсь. Вдь буквась канды кулома, а Ваймопожфсь максы эряф.

Павелонь омбоце сёрмац Коринфу 4:17

Вдь ня тёждя и аф кувака маятаманьке каннихть тейнек оцюдонга оцю и пефтома иневалда, конань аш кода ладямска ня маятаматнень ваксс.

Павелонь омбоце сёрмац Коринфу 4:2

Минь аердоме сембе визьксонь тефнень эзда, конат тиендевсть салава. Минь аф прафнетяма ёжу тефненди и мезьсонга аф шоворясаськ Шкаень валть, но меколанкт, аф сёпозь пачфнесаськ видешить. Тянь няемста, эрь ломанць эсь ваймовайгяльсонза, Шкайть инголе, шарьхкодьсы: нят Шкайть афкуксонь покодиенза.

Павелонь омбоце сёрмац Коринфу 4:8

Минь эсонк люпштайхть сембе ширде, но минь аф люпштафтофтама ужети. Минь абонкшнетяма и аф содасаськ кода улемс, но минь аф нолясаськ пряньконь.

Павелонь омбоце сёрмац Коринфу 7:11

Ванода, мезе тись тейнть тя ризфсь, кона Шкайть мяленц коряс! Эсонт сргозьфтсь мзяра седиень путомада, эсь прянь араламада! А мзяра сргозьфтсь эсонт каршек молемада пежень тиить лангс, мзяра пелемада, мархтон васедемань мяльда и оржа мяльда наказамс муворуть! Тянь вельде тинь педа-пес няфтесть: тинь аруфтада тя тевса.

Павелонь сёрмац Колоссав 1:11

Катк Сонь иневалдонь виец и сембомаштомац кемокстатядязь тинь, максы тейнть куватьс кирдемшка и вийхть ётамс сембе стакашитнень.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь васенце сёрмац Фессалоникав 3:7

Кемай ялгат, сяс сембе стакашиньконь и маятаманьконь ёткса кулясь тинь кемамантень колга ваймафтомазь-кемокстамазь минь.

Павелонь васенце сёрмац Фессалоникав 5:14

Кемай ялгат, минь эняльттяма тейнть: нолатнень путнесть ёньц, пелихнень кемокстасть, лафчненди уледа нежекс, сембонь мархта сатфтость кирдемшкантень.

Павелонь васенце сёрмац Тимофеенди 2:15

Но авась, конац лисьф рьвакс и шачфни шабат, ули идеф, кда сон иляды кемамаса, кельгомаса и инярушиса.

Павелонь васенце сёрмац Тимофеенди 4:6

Кда тон кармат тяфта тонафтомост эсь кемай ялгатнень, эста тон улят цебярь покодикс Иисус Христости, и сядонга касат кемамань валхнень вельде и цебярь тонафтомать вельде, конань мельге тон туть.

Павелонь васенце сёрмац Тимофеенди 6:11

Но тон, Шкаень ломань, ворьготть сембонь тянь эзда! Ёрак эрямс видексшиса, Шкайть мяленц корява, кемамаса, кельгомаса, сталмонь кирдезь и сятявшиса.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Павелонь омбоце сёрмац Тимофеенди 2:24

А Азорть покодиенцты аф ладяй сялондомс, меколанкт, тейнза эряви улемс лямбе седикс сембонь мархта, маштомс тонафтомс, аф мяляфтомс кяж,

Павелонь омбоце сёрмац Тимофеенди 4:5

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Еврейхненди сёрмась 12:1

Сяс мес минь перьфканк тяшкава лама ломаньда, конатнень кемамасна ащи кепотьксокс тейнек, тейнековок эряви ёрдамс эсь лангстонк сембе сталмоть и тёждяста педи пежеть. Эрьда, сталмонь кирдезь и сембе виеньконь путозь ласьксаськ инголенк ацаф кить.

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.