Павелонь омбоце сёрмац Коринфу 6:10 - Од Соткс Новый Завет на мордовском-мокша языке 2016

¹⁰ минь пичефтьсамазь, а минь фалу кеняртькшнетяма; минь ашуфтама, но ламотнень козякофнесаськ; минь мезеньковок аш, но сембось кядялонк.

Павелонь омбоце сёрмац Коринфу 6:10 ပူးပေါင်းရင်းမြစ်များ

Матфей 5:12

Кеняртькшнеда и пеедеда, сяс мес менельса эсонт учи оцю казне. Тяфта панцезь пророкненьге, конат эрясть тиндедонт инголи».

Матфей 5:4

Павазуфт ризнайхне, сяс мес Шкайсь синь кеняртьфтсыне.

Лука 6:21

Павазуфтада тинь, тяни вачедотне, сяс мес топоттяда. Павазуфтада тинь, тяни авардихне, сяс мес кенярттяда и рахатада.

Иоанн 16:22

Тяфта тиньге тяни ризнатада; но Мон тинь тага няйхтядязь, и эста кенярди тинь седиенте, и тинь кенярдеманте киндинге аф сявови.

Апостолхнень тевсна 16:25

Пялеве малава Павел и Сила озондсть и морса шназь Шкайть, а лядыкс пякстафне кулхцондозь синь.

Апостолхнень тевсна 3:6

Эста Пётр мярьгсь тейнза: «Аф сиязе, аф зрнязе аш. Но мезезе ули, сянь максса тейть. Назаретонь Иисус Христость лемса – стяк и якак».

Апостолхнень тевсна 5:41

Апостолхне тусть Оцю пуромксста кеняртькшнезь, сяс мес тейст максовсь тя наругамась Иисус Азорть лемонц инкса.

Павелонь сёрмац Риму 11:12

А кда синь прамасна кандсь пара масторлангонь ломаттненди и кда синь Шкайть эзда шарфтомасна кандсь пара лия ломаньтналхненди, эста конашкава оцю ули тя парось, мзярда еврейхне мрдайхть Шкайти!

Павелонь сёрмац Риму 12:15

Кеняртькшнеда кеняртькшнихнень мархта и авардеда авардихнень мархта.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Павелонь сёрмац Риму 9:2

Монь оцюдонга оцю ризфозе, и седисон пефтома сярятьф

Павелонь васенце сёрмац Коринфу 1:5

Тя Сонь вельденза Шкайсь козякофтодязь сембоса: эрь кодама валса и эрь кодама содамошиса –

Павелонь омбоце сёрмац Коринфу 2:4

Мон сёрмадыне тейнть ингольдень сёрмать аф азомшка оцю ризфонь и седиень сярятьфонь марязь, и лама сельмоведень пяярдезь. Сёрмадыне аф седиентень коламанкса, а содалесть, конашкава пяк мон тинь кельктядязь.

Павелонь омбоце сёрмац Коринфу 4:15

Сембось тя тиеви тинь инксонт: пачкодель Шкайть оцю пароказнец сяда лама и лама ломанень седис и эста, шада ведь лаца, ломаттнень эзда кармайхть шудезь шудема сюконямань валхне Шкайть шнаманкса.

Павелонь омбоце сёрмац Коринфу 4:7

Тяфтама питни козяшить минь каннесаськ эсьсонк, бта сёвонень кядьгоняса. Тянь вельде няеви: тя аф ункстави вийсь моли Шкайть эзда, а аф минь эздонк.

Павелонь омбоце сёрмац Коринфу 8:9

Тинь вдь содасасть, конашкава оцю Иисус Христос Азороньконь пароказнец: Сон улемок козя, тинь инксонт арась ашукс, сяс мес мялецоль Эсь ашушинц вельде козякофтомс тинь.

Павелонь сёрмац Ефесу 3:16

Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь сёрмац Филиппав 2:17

Но кда тейне сави максомс эсь прязень озксказнекс тинь озксказнентень мархта, конань тинь кандсасть Шкайти эсь кемамантень вельде, эстонга карман кеняртькшнема и кеняртькшнема тинь сембонь мархтонт.

Павелонь сёрмац Филиппав 4:4

Кеняртькшнеда фалу Азорса! И тага весть азса: «Кеняртькшнеда!»

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь сёрмац Колоссав 3:16

Катк Христость валоц козяста эряй тинь эсонт, эрь кодама смузьши мархта. Тонафнеда фкя-фкянь и максседа фкя-фкянди ётть, уледа седи ваксста сюконяйкс Шкайти и морседа Тейнза псалопт, шнамань и ваймопожфонь морхт.

Павелонь васенце сёрмац Фессалоникав 1:6

И тинь, ваномок минь лангозонк и Азорть лангс, ушедоде тиендема минь лацонк и Азорть лаца. Люпштаматнень ёткса тинь сявость седиезонт Кулять кеняртькс мархта, конань тейнть максозе Иняру Ваймопожфсь.

Павелонь васенце сёрмац Фессалоникав 5:16

Фалу кеняртькшнеда,

Павелонь васенце сёрмац Тимофеенди 4:8

Вдь ронгонь-виень кемокстамать ёмла лезксоц, а вана Шкаень мяльть ваномац лезды эрь мезьса, сяс мес сонь мархтонза сотфт тяниень и сай эряфонь надияфтоматне.

Павелонь васенце сёрмац Тимофеенди 6:18

Кошардыть синь паронь тиендемс, козякоткшнемс цебярь тевса и аф ужяльдезь макссемс эсь уликсснон эзда лиятненди.

Еврейхненди сёрмась 10:34

Тинь марясть ризнамаснон сятнень, кит ульсть пякстамгудса. Тинь кеняртькшнеде, мзярда нельгондезь тинь уликсшинтень, сяс мес содасть: менельса тинь ули сяда цебярь уликсшинте, кона кармай улема фалу.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 4:13

Меколанкт, кеняртькшнеда, мес тиньге явсасть Христость мархта марса Сонь маятаманзон. И мзярда панжеви Сонь иневалдоц, эста тинь карматада кеняртькшнема оцю кенярдемаса.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.

Иоаннонди панчф няйфкс 21:7

Семботь тянь Мон максса сяськити, и улян тейнза Шкайкс, сон – Тейне идькс.