Павелонь омбоце сёрмац Коринфу 6:1 - Од Соткс Новый Завет на мордовском-мокша языке 2016

¹ Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.

Павелонь омбоце сёрмац Коринфу 6:1 ပူးပေါင်းရင်းမြစ်များ

Матфей 23:37

«Иерусалим, Иерусалим! Пророкнень шавондысна и тейть кучфнень кевса пикссисна! Мзярксть Мон ёрань кочкамс тонь эряйхнень, кода нармонць кочксесыне эсь пацянзон алу лефксонзон, но тинь ашель мяленте.

Апостолхнень тевсна 11:23

Тов пачкодемста сон эсь сельмосонза няезе Шкаень пароказнеть и сонь сявозе кенярдема. Сон тернезень сембе ломаттнень кемоста ванфтомс Азорти кемамаснон.

Апостолхнень тевсна 14:3

Павел и Варнава сяка ламос ляткшнесть тоса. Синь апак пельхть азондсть Азорть колга, и Азорсь кемокснезе Эсь пароказненц колга валть тяштьксса и дивань тевса, конат тиендевсть апостолхнень кядьснон вельде.

Павелонь сёрмац Риму 12:1

Сяс эняльдян тейнть, кемай ялгат, Шкайть кельгозь ужяльдеманц инкса максость марнек прянтень Шкайти, кода эряй озксказне, кона лемтьф Тейнза и тушенды мялезонза. Тя ули Шкайти тинь афкуксонь и ваймопожфонь покодеманте.

Павелонь васенце сёрмац Коринфу 3:9

Вдь минь покоттяма Шкайть мархта марса, а тинь Шкайть паксяц и кудсь, конань путсы-стяфтсы Шкайсь.

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь сёрмац Галатияв 2:21

Мон аф шарфтан Шкаень пароказнеть эзда. Вдь кда видексшись ломанти максови койть вельде, эста Христоссь кулось стакащемда.

Павелонь сёрмац Галатияв 3:4

И сембось ся, мезе тинь кирдеде, ётась стакащемда? Аш кода тянди улемс!

Павелонь васенце сёрмац Фессалоникав 3:5

И сяс мон сяда ламос ашень кирде, кучине Тимофеень содамс тинь кемамантень кувалма. Мон пелень: пади Пежес Вятись прафтодязь-пувордадязь тинь виде киста, и минь тевоньке арась шавокс.

Павелонь сёрмац Титонди 2:11

Вдь эвондась Шкаень пароказнесь, кона канды идема сембе ломаттненди.

Еврейхненди сёрмась 12:15

Ванода, кивок афоль иляда Шкаень пароказнефтома, и тянь вельде афоль эвонда ётксонт кодамовок сяпи юр, кона маштоль кандомс зиян и ламотнень тиемс аф арукс.

Еврейхненди сёрмась 12:25

Ванода, афоледе шарфта Корхтайть эзда. Кда сят, кит ашезь кулхцонда масторлангста корхтайть, ашесть ворьгодев наказамать эзда, эста сядонга пяк минь аф ворьгодефтяма наказамать эзда, кда минь шарфттама менельста Корхтайть эзда.

Еврейхненди сёрмась 4:1

Сяс мес надияфтомась Шкайть ваймама вастонцты сувамать колга нинге иляткшни вийса, тейнек эряви пелемс вага мезьда: афоль иляда кие ёткстонт пяле ки лангс.

Пёторонь васенце сёрмац 4:10

Катк эрсь тинь эздонт покоди-лезды фкя-фкянди ся казнеса, конань тейнза максозе Шкайсь. Эста тинь, кода цебярь покодихне, видеста нолдасасть тевс Шкайть эрь кодама пароказненц.