Павелонь омбоце сёрмац Коринфу 5:11 - Од Соткс Новый Завет на мордовском-мокша языке 2016

¹¹ Минь содасаськ, мезе стамсь Шкайда пелемась, и сяс тяряфттама тиемс кемайкс лиятненьге. Шкайсь лац содасы, кодаптама минь, и надиян, тиньге эсь ваймовайгяльсонт содасасть тянь.

Павелонь омбоце сёрмац Коринфу 5:11 ပူးပေါင်းရင်းမြစ်များ

Матфей 10:28

И тяда пеле ронгонь машфтыда, тейст аф токави тинь ваймонте; а пеледа Сянь эзда, кона машты ваймотьке и ронгтьке юмафтомс-арафтомс адса.

Матфей 25:46

И синь туйхть пефтома пингонь маятамас, а видексшинь ломаттне – пефтома пингонь эряфс».

Лука 12:5

Мон азса тейнть кида пелемс: пеледа Сянь эзда, кинь ули виец ронгонтень шавомда меле ёрдамс тинь аду. Видеста корхтан тейнть, Сянь эзда пеледа.

Лука 16:31

Авраам каршезонза мярьгсь: "Кда аф кулхцондсазь Моисеень и пророкнень, эста кда кие кулофстонга вельмаль – аф кемайхть"».

Апостолхнень тевсна 13:43

Кодак пуромфне кармасть сраткшнема, эста ламоц еврейхне и Шкайда пели ломаттне, конат шарфтфольхть евреень кемамати, тусть Павелонь и Варнавань мархта. И сят ломаттнень мархта корхнемста мярьгсть сяда товга эрямс Шкаень пароказнеса.

Апостолхнень тевсна 18:13

Синь корхтасть: «Тя ломанць тонафты лувомонза Шкайть аф минь коеньконь коряс».

Апостолхнень тевсна 18:4

Эрь ваймамань шить сон ётафнезе синагогаса, корхнезень еврейхнень и грекнень шарфтомс кемамати.

Апостолхнень тевсна 19:26

Но тинь тинць няйсасть и кульсасть, мезе тии тя Павелсь. Сон корхтай, кле, ломанень кядьса тиф шкайхне ёфси аф шкайхть. Тянди сон кемафтсь и аф кржа ломань васькафтсь Ефесса и пцтай марнек Асияса.

Апостолхнень тевсна 26:26

Сембось тя содаф оцязорти, сяс мон аф пелезь азса тянь тейнза. Мон содаса: сонь эздонза мезевок ашезь кяшев, сяс мес тя лиссь аф кодамовок шобда ужеса.

Апостолхнень тевсна 28:23

Синь корхтасть Павелонь мархта, и ладяф шиня нинге сяда лама еврей пуромсь кудти, коса сон эрясь. Сенем валдонястокиге илядти самс Павел корхнесь мархтост, панчсезе Сёрматфксть смузенц, и сявомок Моисеень койста и пророкста няфнесь-азондсь тейст Шкаень Оцязорксшить колга. Тянь вельде сон ёрась вятемс синь Иисусти кемамати.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 5:20

Тяфта минь – Христость кучфонза, и Шкайсь Сонць минь вельденк пшкяди-серьгяди тейнть. Христость лемса эняльттяма тейнть: «Ладяда Шкайть мархта!»

Павелонь омбоце сёрмац Коринфу 6:1

Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.

Павелонь сёрмац Галатияв 1:10

Мезе мон ёран сатомс: шнама ломаттнень эзда али Шкайть? Пади тинь арьсетяда: мон ёран ваномс ломаттнень мяльснон? Кда мон тянемс ванондолине ломаттнень мяльснон, мон афолень уле Христосонди покодикс.

Павелонь сёрмац Ефесу 5:21

Уледа анокт кулхцондомс фкя-фкянь Шкайть мяленц ваноманкса.

Еврейхненди сёрмась 10:31

Конашкава пелькс повомс эряй Шкайть кядьс!

Еврейхненди сёрмась 12:29

сяс мес минь Шкаеньке – сембонь плхтай тол.

Иудань сёрмац 1:23

Омбонцнень идесть, лихтемок синь толста. А лиятненди уледа кельгозь ужяльдикс, но ванфтода пря эздост, нулгодеда мянь щамдост, конат тиевсть аф арукс визьксонь аф содай ронгснон эзда.

Иоаннонди панчф няйфкс 20:15

Кинь лемоц ашель сёрматф эряфонь книгати, ся ёрдафоль толонь эрьхкти.