Павелонь омбоце сёрмац Коринфу 4:4 - Од Соткс Новый Завет на мордовском-мокша языке 2016

⁴ Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь омбоце сёрмац Коринфу 4:4 ပူးပေါင်းရင်းမြစ်များ

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 1:18

Шкайть кивок мзярдовок ашезе няе. Фкя-тяка Шкай Цёрац, кона Эсь Алянц маласа, панжезе Сонь тейнек.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 12:35

Эста Иисус мярьгсь тейст: «Нинге аф лама пингс валдсь ляды мархтонт. Якада, мзярс нинге валдсь мархтонт, афоледязь комача шобдась: кие якай шобдашиса, ся аф содасы, коза моли.

Иоанн 12:40

«Ня ломаттне сокоргофтозь эсь сельмоснон и калготкстоптозь эсь седиснон: афольхть няе эсь сельмосост и афольхть шарьхкоде седисост, афольхть шарфта Тейне и афолине пчкафта синь».

Иоанн 12:45

Монь няиезе Монь Кучиезеньге няйсы.

Иоанн 14:30

Аф лама ни Тейне корхнемс мархтонт, сяс мес сай тя масторлангть азороц. Монь лангсон сонь азорксшиц аш,

Иоанн 15:24

Кда ингольдест афолень тие тефт, кодапт кивок лия ашезь тиенде, эста афоль уле пежесна; а тяни няезь тевнень, и сяка прокс афолемазь няе Монь и Монь Алязень.

Иоанн 16:11

а судендамась тоса: тя масторлангть азороц судендаф ни.

Иоанн 8:12

Иисус тага корхтась ломаттненди и мярьгсь: «Мон валдсь масторлангти. Кие моли мельган, ся аф якай шобдашиса, но сянь ули эряфонь максы валдоц».

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Апостолхнень тевсна 26:23

Лиякс азомс, Христости савсь маятамс и, кода кулофста васенце вельмафти, азондомс идемань валдть колга, кода Эсь евреень ломаньтналонцты, стане и лия ломаньтналхненди».

Павелонь васенце сёрмац Коринфу 10:20

Кодамовок аш! Но мзярда аф афкуксонь шкайхненди сюконяйхне кандыхть озксказне, синь кандсазь сонь аф Шкайти, а кяжи ваймопожфненди. А монь аш мялезе шоворямс тинь кяжи ваймопожфнень мархта.

Павелонь омбоце сёрмац Коринфу 2:11

тязалемазь васькафта Сатанась. Вдь тейнек содафт сонь кичкор мяленза.

Павелонь омбоце сёрмац Коринфу 2:12

Мзярда мон сань Троадав Христость колга Пара кулянь пачфтема, Азорсь келес панжезе инголен кенкшть покодемати,

Павелонь омбоце сёрмац Коринфу 3:11

Кда юмсить-ётнить ульсь иневалдоц, эста сядонга оцю иневалдоц сянь, мезсь мзярдонга аф юмай-аф ётай!

Павелонь омбоце сёрмац Коринфу 3:14

Но синь ёньцна-седисна калготкстомсть, и сяс тячемс, Ташта Сотксть лувомста, тяка вельхтердась ляткшни лангсост, сяс мес тя вельхтердась валхтови аньцек Христость вельде.

Павелонь омбоце сёрмац Коринфу 3:18

И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь сёрмац Ефесу 2:2

Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Павелонь сёрмац Филиппав 2:6

Сон фалу Шкай, и Сон сембе ширде кода Шкай, но ашезе кирде Эсь прянц Шкайть мархта фкаксшиса,

Павелонь сёрмац Колоссав 1:15

Христос Эсь эсьсонза няфнесы аф няеви Шкайть. Сон васень Цёрась, кона ащи Шкайть сембе тифонц лангса.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь васенце сёрмац Тимофеенди 1:11

Тя тонафтомась кирдеви бславаф и иневалда Шкайть Пара кулясонза. Тя кулять пачфтеманц Шкайсь максозе тейне.

Павелонь сёрмац Титонди 2:13

Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Еврейхненди сёрмась 6:4

Аш кода меки путомс виде ки лангс сятнень, кит прокс тусть-потасть Христости кемамать эзда. Вдь синь весть ни ульсть валдошисонза, варчсезь менелень казнеть таньфонц и тейст минь мархтонк марса максфоль Иняру Ваймопожфсь.

Пёторонь омбоце сёрмац 1:19

Тя нинге сядонга кемокстай эсонк: пророчествань валсь виде; и тинь лац тиенттяда, мес кирдьсасть тя валть, кода валдоптома, кона цифторды шобдаса, мзярс аф валдашкоды ся Шить валдоц и аф цифторгоды тинь седисонт шобдавань заря тяштсь.

Иоаннонь васенце сёрмац 2:11

А кие прокс афолезе няе эсь кемай ялганц, ся повсь шобдашити и шобдашиса якай, и аф содасы ков моли, сяс мес шобдась сокоргофтозень сонь сельмонзон.

Иоаннонь васенце сёрмац 2:8

Аньцек ся, мезень колга мон сёрмадан, сяка пингть и од кошардома. Сонь афкуксшиц няеви Христость эса и тиньге эсонт, сяс мес шобдашись потай, и афкуксонь валдсь валдопты ни.

Иоаннонь васенце сёрмац 5:19

Тейнек содаф: минь Шкайть эзда, но сембе тя масторлангсь Кальдявть кядялонза.