Павелонь омбоце сёрмац Коринфу 13:7 - Од Соткс Новый Завет на мордовском-мокша языке 2016

⁷ Минь озонттама инксонт Шкайти, афоледе тие кодамавок кальдяв. Минь озонттама тяфта прокс аф прянь няфтеманкса, кода варчсемань кирдихне, а сянь инкса: тиенделеде тинь цебярьста. А ломаттнень сельмоса катк минь ульхтяма мянь кода варчсемань аф кирдихть.

Павелонь омбоце сёрмац Коринфу 13:7 ပူးပေါင်းရင်းမြစ်များ

Матфей 6:13

Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Иоанн 17:15

Эняльдян Тейть аф сявомс синь масторлангста, а ванфтомс синь кальдявда.

Павелонь сёрмац Риму 1:28

Сяс мес синь ашель мяльсна содамс Шкайть, Шкайсь синь максозень синцень шоряф ёньцнонды тиендемс сянь, мезе тиендемс аф мярьгондеви.

Павелонь сёрмац Риму 12:17

Кяженкса киндинге тяда панда кяжса. Тяряфтода тиемс аньцек стама тефт, конатнень сембе ломаттне луволезь цебярькс.

Павелонь сёрмац Риму 13:13

Эрьда, карматама эряма видеста, кода эряйхть шинь валдса: аф макстама пря аф топафтомашити и симомати, визькс мяльс прамати и усксевомати, тюремати-сялондомати и сельмонь каямати.

Павелонь сёрмац Риму 16:10

Пара вал Апеллесонди, кинь Христосоннекс улемац няфтьф тевса. Пара вал Аристовулонь кудэряензонды.

Павелонь васенце сёрмац Коринфу 11:19

Мялень явоматненди улема тинь ётксонт, синь вельдест тейнть сяда содави, кит эздонт афкуксонь кемайхть.

Павелонь омбоце сёрмац Коринфу 10:10

Конат-конат корхтайхть: «Сонь сёрманза казяпт и виихть. А мзярда сашенды сонць, няеви тяшкава лафчста! И корхтамацка аф кодама!»

Павелонь омбоце сёрмац Коринфу 10:18

Вдь тевса цебярькс лувф аф ся, кие шнасы эсь прянц, а ся, кинь шнасы Азорсь.

Павелонь омбоце сёрмац Коринфу 13:6

Минь колганк, надиян, карматада содама: минь сят, кинди кирдевсь варчсемась.

Павелонь омбоце сёрмац Коринфу 13:8

Вдь минь мезевок аф машттама тиемс видешить каршес, меколанкт, семботь тиендьсаськ видешить инкса.

Павелонь омбоце сёрмац Коринфу 13:9

Минь кеняртькшнетяма, мзярда минь лафчтама, а тинь виихтяда. Сяс минь и озонттама тинь эряфонтень петеманкса.

Павелонь омбоце сёрмац Коринфу 6:4

Меколанкт, минь сембоса няфнесаськ эсь пряньконь афкуксонь покодикс Шкайти: оцю кирдемшкаса и кемошиса кирттяма стакашит, ашушит, люпштамат,

Павелонь омбоце сёрмац Коринфу 8:21

Вдь минь ваттама сянь мельге: сембось улель кода эряви аф аньцек Азорть сельминголенза, но ломаттнень сельминголестка.

Павелонь сёрмац Филиппав 4:8

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Павелонь васенце сёрмац Фессалоникав 5:23

Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.

Павелонь васенце сёрмац Тимофеенди 2:2

оцязорхнень и сембе оцюнятнень инкса. Тя максы тейнек сетьме эряф и ладяма, и карматама эряма Шкаень мялень ванозь и пара лувксса.

Павелонь омбоце сёрмац Тимофеенди 2:15

Сембе вийсот ёрак улемс Шкайть инголе цебярь покодикс, конанди аш мезьда виздемс тиф тевсонза и кона видеста тонафты видешинь валти.

Павелонь омбоце сёрмац Тимофеенди 4:18

Идесамань монь Азорсь сембе кальдявда и сувафтсамань Эсь Менелень Оцязорксшизонза. Шнама Тейнза пефтома пингс! Аминь.

Иаковонь сёрмац 1:12

Павазу ся ломанць, кона ётась сталмотнень-варчсематнень пачк, сяс мес пачкаст ётайти максови эряфонь каштазсь, конань Азорсь надияфтозе сятненди, кит кельгсазь Сонь.

Пёторонь васенце сёрмац 2:12

Шкаень аф содайхнень ёткса эряда цебярь тевонь тиендезь. Эста сятка, конат сялдыхть эсонт, кода кальдяв тевонь тиихнень, няемок тинь пара тевонтень, шнасазь Шкайть ся шиста, мзярда Сон эвондасы тейст Эсь прянц.