Павелонь омбоце сёрмац Коринфу 12:9 - Од Соткс Новый Завет на мордовском-мокша языке 2016

⁹ Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.

Павелонь омбоце сёрмац Коринфу 12:9 ပူးပေါင်းရင်းမြစ်များ

Матфей 28:18

Иисус маладсь тейст и мярьгсь: «Тейне максф сембе азорксшись менельса и модать лангса.

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Лука 21:15

Мон максан тейнть валхт и смузьши, конатнень каршес кивок, тейнть каршек ащихнень эзда, мезевок аф азови и каршек аф молеви.

Павелонь васенце сёрмац Коринфу 10:13

Сембе варчсематне, конат прайхть лангозонт, сембе синь ломанти кирдевомшкат. Шкайсь кирдьсы валонц: Сон мзярдонга аф нолдай лангозонт стама варчсемат, конат улельхть тейнть аф вийс коре. Тяконь лаца эрь варчсемаса Сон няфти лисема васта и максы вий сонь кирдемс.

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь васенце сёрмац Коринфу 2:3

Мон улень тинь ширесонт лафчашиса, пелемаса и оцю трнатомаса.

Павелонь васенце сёрмац Коринфу 2:5

Тяфта, катк тинь кемаманте нежетькшни аф ломанень смузьшить лангс, а Шкаень вийть лангс.

Павелонь омбоце сёрмац Коринфу 11:30

Кда тейне сави шнамс пря, эста шнаса эсь лафчашизень мархта.

Павелонь омбоце сёрмац Коринфу 12:1

Тейне тага сави шнамс прязень, хуш лезксовок тя аф канды. Тяни пшкядян няйфксненди и Азорть эзда максф панжематненди.

Павелонь омбоце сёрмац Коринфу 12:10

Сяс монь пара мялезон, мзярда мон лафчан али монь сялдсамазь Христость инкса, мзярда инксонза повондан стакашис, панцемас, люпштамас! Вдь мзярда мон лафчан, эста вииян.

Павелонь омбоце сёрмац Коринфу 12:15

Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?

Павелонь омбоце сёрмац Коринфу 12:5

Тяфтама ломаньца шнаса прязень, но эсь прязень мархта аф шнаса, аньцек лафчашинень мархта.

Павелонь сёрмац Ефесу 3:16

Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,

Павелонь сёрмац Филиппав 4:13

Семботь маштса Сянь вельде, кие максы тейне вий.

Павелонь сёрмац Колоссав 1:11

Катк Сонь иневалдонь виец и сембомаштомац кемокстатядязь тинь, максы тейнть куватьс кирдемшка и вийхть ётамс сембе стакашитнень.

Павелонь васенце сёрмац Тимофеенди 1:14

Минь Азороньке козяста валозе лангозон Эсь пароказненц кемама и кельгома мархта Христос Иисусть вельде.

Еврейхненди сёрмась 11:34

матнезь вии толть, ворьготькшнесть оржа торда. Синь ульсть лафчт и арасть эрьгафт. Синь арасть кемокс тюремаса, панцезь душматтнень тюриснон.

Еврейхненди сёрмась 4:16

Эрьда апак пельхть сатама пароказнень максы Шкайть озама вастонц инголи. Тоса минь мутама кельгозь ужяльдема и пароказне, конат лездыхть тейнек эрявикс пингста.