Павелонь омбоце сёрмац Коринфу 11:26 - Од Соткс Новый Завет на мордовском-мокша языке 2016

²⁶ Мон сидеста улендень оцю киса, ламоксть улень пелькс паласа ляйти ваямда, пелькс паласа нельгихнень-шавихнень эзда, пелькс паласа эсь тналонь ломаттнень эзда и тяконь лаца лия ломаньтналоннетнень эзда. Улень пелькс паласа ошса, ломаньфтома вастса и оцюведьса, и тяконь лаца аф афкуксонь кемайхнень ёткса.

Павелонь омбоце сёрмац Коринфу 11:26 ပူးပေါင်းရင်းမြစ်များ

Апостолхнень тевсна 13:45

Мзярда еврейхне няезь тняра пуромф ломаттнень, синь сявозень сельмонь каямась и, кяжда сялдозь, туркс арасть сянди, мезе корхтась Павел.

Апостолхнень тевсна 13:50

Но еврейхне взафтозь лангозост Шкайда пели содаф аватнень и ошень васенце ломаттнень. Синь кармасть панцемост Павелонь и Варнавань, и панезь эсь аймакстост.

Апостолхнень тевсна 14:19

мзярда апостолхне мезьдонга аф пелезь азондсть Шкаень вал, Антиохияста и Иконияста састь еврейхть и кемафтозь ломаттнень аердомс эздост, корхтасть: «Синь корхтамасост аш мезевок виде, а сембось васькафнема». И ладязь ломаттнень каршезост. Синь пикссезь Павелонь кевса и ускозь сонь пакся ушу, арьсесть куломс шавозь.

Апостолхнень тевсна 14:5

Еврейхне и лия тналонь ломаттне корхтазь ошень оцюнятнень. Синь састь фкя мяльс, марса врьгятемс лангозост и шавомс синь кевса. Мзярда апостолхне содазь тянь, синь ворьгодсть Ликаонияв и тоса азондозь Пара кулять Листраса и Дервияса, и ня ошнень аймаковаст.

Апостолхнень тевсна 15:40

а Павел кочказе ки лангонь ялгакс Силань. Кемай ялгатне бславазь сонь и максозь Шкайть кельгоманц кядьс, и тяфта сон тусь кис.

Апостолхнень тевсна 17:13

Но мзярда Фессалоникань еврейхне кулезь: Павел тонафты Шкаень валти Верияса, синь мольсть тозонга и кармасть кепсемост и шорямост ломаттнень.

Апостолхнень тевсна 17:5

Тя срхкафтсь сельмонь каяма аф кемай еврейхнень ёткса, синь мусть мишендема-рамсема вастста нильготькс ломатть, кочкавсть марса и кеподсть ошса комболдома. Синь састь Иасононь кудонцты Павелонь и Силань вешема, ёрасть лихтемс синь ломаттненди.

Апостолхнень тевсна 18:12

Ся ёткть, мзярда Ахаияса губернатороль Галлион, еврейхне фкя мяльса кочкавсть Павелонь каршес, мольсть, сявозь сонь и вятезь судс.

Апостолхнень тевсна 19:1

Мзярда Аполлос ульсь Коринфса, Павел ётазень пандолангонь масторхнень, сась Ефесу и васьфтсь тоса мзярошка тонафни.

Апостолхнень тевсна 19:23

Тя пингть Ефесса кеподсь оцю комболдома Азорть кинц каршес.

Апостолхнень тевсна 20:19

Мон сятявста и лама сельмоведень пяярдезь покодень Азорти варчсематнень-сталмотнень ёткса, конат сатнемазь еврейхнень и синь кяжи арьсефксснон инкса.

Апостолхнень тевсна 20:3

коса ащесь колма кофт. Тоста сон ёрась молемс Сирияв, но кодак кулезе – еврейхне арьсесть каршезонза кальдяв тев, сон срхкась мрдамс Македониять пачк.

Апостолхнень тевсна 23:10

Пялькстомасна оржамсь сяшкава, нльне тёжянень оцюнясь пелезевсь, афолезь сязенде Павелонь, сяс кошардозень ушматтнень сявомс Павелонь пуромксть ёткста и ильхтемс сонь ушманкуду.

Апостолхнень тевсна 25:3

и эняльдсть – тейст паронь тиеманкса – ётафтомс Павелонь Иерусалиму. Синь арьсесть ки кувалма шавомс сонь.

Апостолхнень тевсна 27:42

Ушматтне срхкасть машфтомс пякстафнень, сяс мес пельсть, сят уихть трвати и ворьгодихть.

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь сёрмац Риму 8:35

Кие явфтсамазь минь Шкайть кельгоманц эзда: зияттне, али люпштаматне, али панцематне, али вачашись, али ашушись, али пелемась, али торсь? Кода азф Сёрматфксса:

Павелонь васенце сёрмац Коринфу 15:30

Мезенди эста миньге эрь пингоня эцекшнесаськ пряньконь пельксс?

Павелонь васенце сёрмац Коринфу 15:32

Кда мон арьселень тя масторлангонь ломаттнень лаца, эста мезенди Ефесса мон тюрень вирьбаксянь жувататнень мархта? Кодама тейне лезкс тянь эзда, кда кулофне аф вельмайхть? Эста «Эрьда карматама ярхцама-симома, вдь ванды кулотама!»

Павелонь омбоце сёрмац Коринфу 11:32

Мзярда мон улень Дамаск ошса, Арета оцязорть аймаконь вятиец ёрась кундамс монь, и сянкса ошса путсь ваныхть. Но монь кептерьса нолдамазь ошень стенать вальмава, тяфта мянень сонь кядялдонза.

Павелонь сёрмац Галатияв 2:4

А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.