Павелонь омбоце сёрмац Коринфу 11:14 - Од Соткс Новый Завет на мордовском-мокша языке 2016

¹⁴ Аш месть дивандакшнемс: сонць Сатанась няфнесы эсь прянц валдонь ангелкс.

Павелонь омбоце сёрмац Коринфу 11:14 ပူးပေါင်းရင်းမြစ်များ

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь омбоце сёрмац Коринфу 2:11

тязалемазь васькафта Сатанась. Вдь тейнек содафт сонь кичкор мяленза.

Павелонь сёрмац Галатияв 1:8

Кда кивок кармай пачфнема тейнть пара куля, но аф сянь, конань минь инголи пачфтеськ, улендярян тя мянь мон али менельста ангел, – улеза ся сюдоф!

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Павелонь сёрмац Колоссав 1:12

Кеняртькс потмоса сюконяда Шкай Аляти, кона макссь тейнек сявомс аноклаф казнеть: улеза миньге пяльксоньке Сонь иняру ломанензон ёткса валдонь Оцязорксшиса.

Павелонь сёрмац Колоссав 1:13

Шкайсь идемазь минь шобдать азорксшинц алда и сувафтомазь кельгома Цёранц Оцязорксшизонза.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.