Павелонь омбоце сёрмац Коринфу 11:13 - Од Соткс Новый Завет на мордовском-мокша языке 2016

¹³ Ня ломаттне – аф афкуксонь апостолхт, синь васькафни покодихть, конат аньцек няфнесазь эсь пряснон Христосонь апостолкс.

Павелонь омбоце сёрмац Коринфу 11:13 ပူးပေါင်းရင်းမြစ်များ

Матфей 25:24

Нажядсь сявок, конанди максфоль фкя талант и мярьгсь: "Азор! Мон содаса: тон ломанць казямат, нуят, коза ашеть виде, и кочкат тоса, коза ашеть прафта.

Апостолхнень тевсна 15:1

Иудеяста сась мзярошка ломань и синь кармасть тонафтомост кемайхнень: «Аф керфтондярясасть киськопентень, кода кошардсь Моисей, тинь аф идефтяда».

Апостолхнень тевсна 15:24

Кода содаськ, конат-конат минь ёткстонкне абонтфнетядязь и колсесазь мялентень эсь кошардомаснон мархта, корхтайхть, кле, эряви керфнемс киськопентень и ванфтомс койть. Но минь ашеме макссе тейст азорксши тяфта корхтамс.

Апостолхнень тевсна 20:30

Тинценьге ёткстонт эвондайхть ломатть, конат кармайхть кяльготнезь корхнема эсь мельгаст тонафнихнень ускоманкса.

Павелонь сёрмац Риму 16:18

Ня ломаттне покодихть аф Иисус Христос Азороньконди, а эсь пекснонды. Синь ламбама и кяльготнемань кяльсост васькафнесазь сятнень седиснон, кит тёждяста кемайхть мезьс повсь.

Павелонь омбоце сёрмац Коринфу 11:15

Сяс аф оцю тевсь, кда сонь покодиензонга няфнесазь эсь пряснон видексшити покодикс. Но синь песна ули тевснон коряс.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 4:2

Минь аердоме сембе визьксонь тефнень эзда, конат тиендевсть салава. Минь аф прафнетяма ёжу тефненди и мезьсонга аф шоворясаськ Шкаень валть, но меколанкт, аф сёпозь пачфнесаськ видешить. Тянь няемста, эрь ломанць эсь ваймовайгяльсонза, Шкайть инголе, шарьхкодьсы: нят Шкайть афкуксонь покодиенза.

Павелонь сёрмац Галатияв 1:7

Аш лия пара куля! Но улихть ломатть, конат шорсесазь прянтень, ёрайхть тапарямс-гастямс Христость Пара кулянц смузенц.

Павелонь сёрмац Галатияв 2:4

А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.

Павелонь сёрмац Галатияв 4:17

Ня ломаттне ёладозь шарыхть перьфкант, но аф паронди эсонт ускихть эсь ширезост: ёрайхть явфтомс тинь монь эздон и тиемс тинь синцень перьфкаст шарыкс.

Павелонь сёрмац Галатияв 6:12

Сят, конат кошардыхть эсонт киськопень керфтома, пяк ёрайхть тумс ломаттнень мяльс. Синь тянь тиендьсазь аньцек сяс, мес ёрайхть ванфтомс пряснон Христость крёзонц инкса панцемада.

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Павелонь сёрмац Филиппав 3:18

Вдь ламотне, конатнень колга мон сидеста корхнень тейнть, а тяни нльне сельмоведь мархта корхтан, эряйхть-ащихть Христость крёзонц каршек.

Павелонь сёрмац Филиппав 3:2

Ванфтода пря пинеда, ся васькафни тонафтыда, конат тиендихть кальдяв тефт и киськопень керфтомать вельде керсесазь-гаснесазь алятнень ронгснон!

Павелонь сёрмац Колоссав 2:4

Тянь корхтаса сянь инкса: кивок афоледязь васькафта тинь лестяй вал вельде.

Павелонь сёрмац Колоссав 2:8

Ванода, кивок афоледязь вяте тинь кундамас ломанень эрь кодама тонафтоматнень и шава васькафнематень вельде, конатнень юрсна ащихть аф Христосса, а ломанень кунардонь обуцятнень эса и тя масторонь вяти вийхнень эса.

Иоаннонь васенце сёрмац 2:18

Идне, сась мекольдень пингсь. Тинь кулесть: сай антихристсь, и вов, сась ни лама антихристта. Тянь эзда минь шарьхкодьсаськ: сась мекольдень пингсь.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иудань сёрмац 1:4

Тевсь ва мезьса: тинь ёткозонт салава эцесть ломатть, конат кунаркиге аноклафт Шкаень судс. Ня шкайфтомотне Шкайть пароказненц шарфнесазь эсь визькс мяльснон пяшкодеманкса, и туйхть-потайхть фкя-тяка Инь Оцю Шкайть и Иисус Христос Азороньконь эзда.

Иоаннонди панчф няйфкс 19:20

Кяжи жуватась кундафоль, а мархтонза аф афкуксонь пророкське, кона тиендсь кяжи жуватать инголе дивань тяштькст и васькафтозень сятнень, кит путфтозь эстейст кяжи жуватать тяштьфксонц и сюконякшнесть сонь ликонцты. Кяжи жуватась и аф афкуксонь пророксь живста ульсть ёрдафт юрнай палыкандоронь эрьхкти.

Иоаннонди панчф няйфкс 2:2

Мон содасайне тонь тефнень, стака покодемацень и кемошицень. Содаса, маласотка афолить кирде пежес ваяф ломаттнень. Тон варжайть-содайть сятнень, кит лемнесазь пряснон апостолкс, но синь аф сят, кикс няфнесазь пряснон. И тон шарьхкодить, синь васькафнихть.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.