Павелонь омбоце сёрмац Коринфу 11:10 - Од Соткс Новый Завет на мордовском-мокша языке 2016

¹⁰ Христость видешинц коряс, кона ули монь эсон, азса: Ахаиянь масторса киндинге аф лоткафтови монь тя прянь шнамазе.

Павелонь омбоце сёрмац Коринфу 11:10 ပူးပေါင်းရင်းမြစ်များ

Апостолхнень тевсна 18:12

Ся ёткть, мзярда Ахаияса губернатороль Галлион, еврейхне фкя мяльса кочкавсть Павелонь каршес, мольсть, сявозь сонь и вятезь судс.

Апостолхнень тевсна 18:27

Мзярда сон арьсесь молемс Ахаияв, кемай ялгатне лездсть тейнза, макссть мархтонза сёрма тостонь тонафнихненди, эняльдсть лац васьфтемс сонь. Тов самста сон пяк лездсь сятненди, кит Шкаень пароказнеть сюнеда кармасть кемама.

Павелонь сёрмац Риму 1:9

Мон Шкайти сединек-ваймонек покодян, азондомок Пара кулять Сонь Цёранц колга. Сон няйсы-содасы: мон фалу лятфнетядязь тинь

Павелонь сёрмац Риму 16:5

Азода пара вал кельгома ялгазти Епенетонди, кона Ахаияса васенцекс кармась кемама Христости.

Павелонь сёрмац Риму 9:1

Мон корхтаса видеть и кемокстаса тянь Христость лемса. Мон аф кяльготнян и тянь кемокстасы монь ваймовайгялезе, кона вятневи Иняру Ваймопожфса.

Павелонь васенце сёрмац Коринфу 16:15

Кемай ялгат, тинь содасасть, Стефан и сонь кудэряензон васенцекс Ахаияса арасть Христости кемайкс. Синь максозь эсь пряснон покодемс-лездомс Шкаень ломаттненди. Сяс эняльдян тейнть:

Павелонь омбоце сёрмац Коринфу 1:1

Павел, Шкайть мяленц коряс Иисус Христосонь апостолоц, и Тимофей кемай ялгась кучихть пара вал Шкайть кемаень пуромксонцты Коринф ошса, и тяфта жа сембе иняру ломанензонды, конат эряйхть Ахаиять келес.

Павелонь омбоце сёрмац Коринфу 1:23

Мон варан Шкайть инголе: тя пингть самс мон ашень сашенда Коринфу сяс, мес ёрань ванфтомс тинь пичефкста.

Павелонь омбоце сёрмац Коринфу 10:15

Минь аф шнатама пря ункстамада вельф, сяс мес минь шнатама пря эсь покодеманьконь мархта, а аф лиятнень покодемаснон мархта. Но минь надиятама: тинь кемаманте кармай касома и тянь вельде кармай келемома минь покодеманьке тинь ётксонт.

Павелонь омбоце сёрмац Коринфу 11:12

сяс мес монь аш мялезе макссемс туфталхт ся ломаттненди, конат вешендихть туфталхт шнамс эсь пряснон, корхтамок, кле, тиендьсазь Шкаень тевть прокс стане жа, кода и минь.

Павелонь омбоце сёрмац Коринфу 11:31

Шкайсь, Иисус Христос Азороньконь Аляц, кона пефтома пингс шнаф-бславаф, содасы: мон аф васькафнян.

Павелонь омбоце сёрмац Коринфу 12:19

Тинь, улема, кунаркиге арьсетяда, бта минь ёратама араламс эсь пряньконь инголент. Аф! Минь корхтатама Шкайть сельминголе Христость мяленц коряс. Сембось тя, монь кельгомне, тинь касфтомантень-кемокстамантень инкса.

Павелонь омбоце сёрмац Коринфу 9:2

Мон содаса тинь оцю мялентень лездомс, и мон шнаян эсонт Македониянь кемайхнень инголе: азондыне тейст, кода Ахаиясь аноклазень лезксонь максоматнень нинге ётай кизотькиге. И тинь тяфтама оцю мяленте лездомс, синь ётксостка ламотнень сргозьфтезень тя тевти.

Павелонь сёрмац Галатияв 1:20

Шкайсь няйсы: мон сёрмадса тейнть видеть, аф васькафнян.

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Павелонь васенце сёрмац Фессалоникав 2:10

Тинь и Шкайсь няесть-содасть сянь, кода иняруста, видеста и аф муворуста минь вятеськ пряньконь тинь мархтонт, кит кемайхть.

Павелонь васенце сёрмац Фессалоникав 2:5

Кода тинь содасасть, минь ашедязь васькафне тинь мялень пети валса-шнамаса, минь ашель салавань мяленьке мезевок сатомс тинь кядьстонт эстейнек. Шкайсь тянь няиец-содаец.

Павелонь васенце сёрмац Тимофеенди 2:7

Тянкса Шкайсь путомань Кулянь кандыкс и апостолкс. Мон аф васькафнян, корхтаса видеть Христосса – путфан лия ломаньтналхненди кемамати и видешити тонафтыкс.