Павелонь омбоце сёрмац Коринфу 10:7 - Од Соткс Новый Завет на мордовском-мокша языке 2016

⁷ Эрьда ванода сянь лангс, мезе тинь сельминголент! Кда кие кемоста арьси: сон Христосонне, эста тейнза эряви содамс: миньге сонь лацонза Христосоннетяма.

Павелонь омбоце сёрмац Коринфу 10:7 ပူးပေါင်းရင်းမြစ်များ

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Лука 16:15

Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Иоанн 7:24

Тяда суденда ланга ванозь, судендада виде судса».

Павелонь васенце сёрмац Коринфу 1:12

Мон корхтан ва мезень колга: эздонт финцне корхтайхть: «Мон Павелоннян», лиятне: «Мон Аполлосоннян», «Мон Кифаннян» али «Мон Христосоннян».

Павелонь васенце сёрмац Коринфу 14:37

Эрсь, кие лувсы прянц прорококс али ломанькс, конань ули Ваймопожфонь казнец, катк содасы: ся, мезе мон тейнть сёрмадан, – Азорть кошардомвалоц.

Павелонь васенце сёрмац Коринфу 15:23

Аньцек эрсь вельмай эсь пингстонза: васенда Христоссь; сяльде, мзярда Сон мрдай, сембе Христосоннетне.

Павелонь васенце сёрмац Коринфу 3:23

но тинь Христосоннетяда, а Христос – Шкайть.

Павелонь васенце сёрмац Коринфу 9:1

Кали мон аф воляшисан? Кали мон аф апостолан? Кали мон ашине няе Иисус Христос Азороньконь? Кали аф мон эсь покодемазень вельде вятедязь тинь Азорти?

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь омбоце сёрмац Коринфу 11:18

Сяс мес ламотне шнасазь пряснон тя масторлангонь ломаттнень лаца, эста монга карман шнамонза прязень.

Павелонь омбоце сёрмац Коринфу 11:23

Синь Христость покодиенза? Пади, прокс ни шорявсь прязе, но сембе сяка азса: мон сядонга лама покодян Тейнза. Мон синдедост лама вий путонь тя тевти, синдедост сяда ламоксть улень пякстамгудса, мон пефтома ламоксть улень пикссеф, и сидеста улендень кулома лангса.

Павелонь омбоце сёрмац Коринфу 11:4

Вдь мзярда кати-кит сашендыхть тейнть и лиякс азондыхть Иисусонь колга – аф стане, кода минь азондоме тейнть, али макссазь тейнть аф ся Ваймопожфть, конань минь тейнть максоськ; али пачфнихть лия Пара куля, конань минь ашеськ пачфне, – тяфтама ломаттнень тинь оцю мяльса кирдьсасть!

Павелонь омбоце сёрмац Коринфу 12:11

Мон ёньда лисень прянь шнамаса, но тя тинь монь тянди пачфтемасть! Тя тейнть эряволь монь шнакшнемс! Виде, мон кивок ашан, но мон мезьсонга аф сяда кальдяван ся пефтома цебярь апостолонтень коряс.

Павелонь омбоце сёрмац Коринфу 13:3

Эста тинь, вешфксонтень коряс, эсь сельмосонт няйсасть и содасасть: монь вельден корхтай Христоссь. Христость тевонза тинь эряфсонт аф лафчт, Сон афкукс няфнесы Эсь виенц тинь ётксонт.

Павелонь омбоце сёрмац Коринфу 5:12

Минь аф шнатама пря тинь инголент, меколанкт, минь макстама тейнть туфтал шнамс пря минь мархтонк. Тяфта тинь кармай улема мезе азомс сятненди, конат шнайхть пря сянь мархта, мезе няеви, а аф сянь мархта, мезе седиса.

Павелонь сёрмац Галатияв 3:29

А кда тинь Христосоннетяда, лисенди, тинь Авраамонь полатксонза и тейнть максови ся, мезть Шкайсь надияфтозе Авраамонди.

Иоаннонь васенце сёрмац 4:6

Но минь Шкайть эзда, и ся, кие содасы Шкайть, кулхцондсамазь минь, а кие аф Шкайть эзда, ся аф кулхцондсамазь. Вов тяфта минь содасаськ видешинь Ваймопожфть и васькафнемань-эрьготьфтемань ваймопожфть.