Павелонь омбоце сёрмац Коринфу 10:5 - Од Соткс Новый Завет на мордовском-мокша языке 2016

⁵ и эрь кодама прянь няематнень, конат аф нолнесазь ломаттнень содамс Шкайть. Минь сявсаськ полонц эрь арьсемать и тиендьсаськ сонь Христости кулхцондыкс.

Павелонь омбоце сёрмац Коринфу 10:5 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Лука 1:51

Сон тиезе вии тевть Эсь кядьсонза; Сон срафтозень прянь няихнень синь седиень арьсефснон мархта.

Павелонь сёрмац Риму 1:21

Хуш синь содазь Шкайть, но сяка ашезь шна Сонь и ашесть азонда сюконяма Тейнза кода Шкаенди. Меколанкт, синь мяльсна-арьсемасна тиевсть шавокс, а ёньфтома седиснон ашкодозе шобдась.

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь сёрмац Риму 7:23

но ронгсон мон няян лия кой, кона тюри монь потмонь ёнезень мархта. Сон тиендьсамань монь урекс пежеть коенцты, кона покоди монь ронгсон.

Павелонь васенце сёрмац Коринфу 1:19

Сёрматфксса азф: «Мон машфтса смузьшиснон смузюфнень, и нардаса ёнюфнень ёньцнон».

Павелонь васенце сёрмац Коринфу 3:19

Вдь тя масторлангонь смузьшись Шкайть инголе ёньфтомаши. Сёрматфксса азф: «Шкайсь кунцесыне смузюфнень синцень ёжушисост».

Павелонь омбоце сёрмац Коринфу 11:20

Тинь кирттяда, мзярда эздонт тиихть урет али норгихть-ваткайхть кядьстонт, мзярда арнихть лангсонт али кепсесазь питнеснон инголент, и мзярда эрьхнетядязь шамати.

Павелонь омбоце сёрмац Коринфу 9:13

Иняруфне шнасазь Шкайть сянкса, мес тинь афкукс кематада Христость колга Пара куляти, конань тинь пачфнесасть-азонкшнесасть и тя лац няеви тинь покодемастонт; и шнасазь сянкса, мес тинь седи ваксста лезттада тейст и лия кемайхненди.

Павелонь сёрмац Филиппав 4:7

Эста Шкаень сетьмошись, кона сембе ломанень ёньда сяда оцю, ванфтсыне тинь седиентень и арьсемантень Христос Иисусса.

Павелонь омбоце сёрмац Фессалоникав 2:4

Ся каршек молись эсь прянц лувсы сяда оцюкс семботь сянь коряс, мезсь лемневи шкайкс али инярукс. Сон нльне озай Шкаень кудса и азсы эсь прянц Шкайкс.

Павелонь омбоце сёрмац Фессалоникав 2:8

И эста лиси лангти тя койфтомось, конань Иисус Азороньке шавсы кургста лиси пожфонц вельде и Эсь иневалдонц вельде ся шиста, мзярда сай.

Еврейхненди сёрмась 4:12

Сяс мес Шкаень валсь эряй и вии, и кафцьке пяльде шоваф торда сяда оржа. Сон крхкаста сувай ломанень потмоти и пачкоди мянь тоза, коса ваймось и пожфсь, эзнетне и пакарь уйхне, и машты панжемс седиень мяльхнень и арьсематнень.

Еврейхненди сёрмась 5:9

И мзярда тянь вельде арась прокс анококс, Сон тиевсь пефтома пингс идемань кандыкс сембонди сятненди, конат кулхцондсазь Сонь,

Пёторонь васенце сёрмац 1:2

Шкай Аляньке Эсь содаманц-няеманц коряс инголькиге ни кочкадязь тинь и тиедязь Эсь Ваймопожфонц вельде Эстейнза иняру ломанькс. Тяфта тинь тиефтяда кулхцондыкс Иисус Христости и ульхтяда штафт Сонь версонза. Сяда лама пароказнеда и сетьмошида максовоза тейнть!

Пёторонь васенце сёрмац 1:22

Тяни тинь араде кулхцондыкс видешити, и тянь вельде Ваймопожфсь аруяфтозень тинь ваймонтень и макссь тейнть вий кельгомс эсь кемай ялгантень. Тяфта тиендеда сяда товга: фалу кельгода фкя-фкянь ару седиса.