Павелонь омбоце сёрмац Коринфу 1:19 - Од Соткс Новый Завет на мордовском-мокша языке 2016

¹⁹ Вдь Шкаень Цёрась, Иисус Христоссь, конань колга минь: мон, Силуан и Тимофей, азондоме тейнть, фкя сяка пингть ашезь корхне «тяфта» и «аф тяфта»; но Иисусонь вельде пяшкодевсь «тяфта» валсь,

Павелонь омбоце сёрмац Коринфу 1:19 ပူးပေါင်းရင်းမြစ်များ

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 24:35

Менельсь и модась юмайхть, но Монь валне аф юмайхть.

Матфей 27:40

«Эх, Шкаень кудонь срафты и колма шиста меки тии! Идек Эсь пряцень. Кда Тон Шкайть Цёрацат, валк крёзть лангста!»

Матфей 27:54

Мзярда сядонь оцюнясь и сят, кит мархтонза ванфтозь Иисусонь, няезь модать шерьхкоманц и сембонь, мезе лиссь, синь пяк эводсть и мярьгсть: «Тя Ломанць афкукс ульсь Шкайть Цёрац!»

Матфей 3:17

И менельста кулевсь вайгяль: «Тя Монь кельгома Цёразе, Монь кенярдема вастозе».

Матфей 4:3

Маладсь Тейнза варчсись и мярьгсь: «Кда Тон Шкаень Цёрат, мярьк ня кефненди арамс кшикс».

Марк 1:1

Иисус Христость, Шкайть Цёранц, Пара кулянц ушетксоц.

Лука 1:35

Ангелсь каршезонза мярьгсь: «Иняру Ваймопожфсь сай лангозт, Инь Вярденнеть виец вельхтятанза тонь; сяс шачи Идняське ули иняру и лемдеви Шкаень Цёракс.

Иоанн 1:34

Мон тянь няине и азондса: Сон – Шкайть Цёрац».

Иоанн 1:49

Нафанаил пшкядсь Тейнза: «Равви! Тон – Шкайть Цёрацат, Тон – Израильть Оцязороцат».

Иоанн 19:7

Каршезонза еврейхне мярьгсть: «Минь ули коеньке, и минь коеньконь коряс Тейнза кулома, сяс мес Эсь прянц лемдезе Шкайти Цёракс».

Иоанн 20:28

Фома мярьгсь Сонь каршезонза: «Монь Азорозе и Шкаезе!»

Иоанн 20:31

А мезсь сёрматф, сёрматф вага мезенди – кемаледе: Иисус – тя Христоссь, Шкайть Цёрац, и Тейнза кемазь, тейнть ули максф эряф Сонь вельденза.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 6:69

И минь кармаме кемама и лац шарьхкодеськ: Тон Христоссят, эряй Шкайть Цёрацат».

Иоанн 8:58

Иисус мярьгсь тейст: «Видеста корхтан тейнть: Авраамонь шачемдонза инголе Мон ни улень и улян».

Апостолхнень тевсна 15:22

Эста апостолхне и оцюнятне марса марнек кемаень пуромксть мархта арьсесть кочкамс эсь ёткстост мзярошка ломань и кучемс синь Павелонь и Варнавань мархта Антиохияв. Кочказь Иудань, конань лемнезь Варсава, и Силань. Ня кафттне ульсть вятикс кемай ялгатнень ёткса.

Апостолхнень тевсна 16:1

Павел пачкодсь Дервияв и Листрав. Тоса эрясь Иисусонь фкя тонафниец, конань лемоц Тимофей. Сонь тядяц ульсь евреень ава, кона кармась кемама Иисусонди, а аляц греколь.

Апостолхнень тевсна 18:5

Мзярда Сила и Тимофей састь Македонияста, Павел марнек виенц путозе Пара кулянь азондомати, корхнемок-няфнемок еврейхненди: Иисус – тя Христоссь.

Апостолхнень тевсна 8:36

Тя ёткть синь кисна прась ведь малас. Евнухсь мярьгсь: «Вов ведь, мезе тейне шоряй кстиндафтомс пря?»

Апостолхнень тевсна 9:20

и эстокиге сон кармась синагогава азондомонза: Иисус – Шкайть Цёрац.

Павелонь омбоце сёрмац Коринфу 1:1

Павел, Шкайть мяленц коряс Иисус Христосонь апостолоц, и Тимофей кемай ялгась кучихть пара вал Шкайть кемаень пуромксонцты Коринф ошса, и тяфта жа сембе иняру ломанензонды, конат эряйхть Ахаиять келес.

Павелонь васенце сёрмац Фессалоникав 1:1

Павел, Силуан и Тимофей кучихть пара вал Фессалоникань кемаень пуромксти, кона эряй Шкай Алять и Иисус Христос Азорть эса. Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь омбоце сёрмац Фессалоникав 1:1

Павел, Силуан и Тимофей кучихть пара вал Фессалоникань кемаень пуромксти, кона эряй Шкай Аляньконь и Иисус Христос Азороньконь эса.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Еврейхненди сёрмась 1:11

Синь сембе юмайхть, аньцек Тон илядат. Синь сембе таштомихть, кода щапт.

Еврейхненди сёрмась 13:8

Иисус Христоссь фкя тяка и исяк, и тячи, и пефтома пингс.

Пёторонь васенце сёрмац 5:12

Тя нюрьхкяня сёрмать мон сёрмадыне Силуанонь, кемай ялгазень вельде, конань лангс ули кода надиямс. Монь мялезе кеподемс тинь мялентень и кемокстамс тинь: ся пароказнесь, конаса тинь ащетяда, афкукс Шкайть эзда.

Пёторонь омбоце сёрмац 1:17

Пара лувкссь и иневалдсь максфтольхть Тейнза Шкай Алять пяльде, мзярда оцюдонга оцю иневалдста Тейнза кайгозевсь вайгяль: «Тя Монь кельгома Цёразе, Монь кенярдема вастозе».

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонь омбоце сёрмац 1:9

Эрсь, кие шарфты Христость тонафтоманц эзда и туй лия киге, ся Шкайфтома. А ся, кие эряй Христость тонафтоманц коряс, сянь эса ули Шкай Алясь и Сонь Цёрац.

Иоаннонди панчф няйфкс 1:11

Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».

Иоаннонди панчф няйфкс 1:17

Сонь няемстонза, мон прань пильгозонза, кода кулоф. Сон путозе монь лангозон види кяденц и мярьгсь тейне: «Тят пеле! Мон – Васенцесь и Мекольцесь,

Иоаннонди панчф няйфкс 1:8

«Мон – Альфась и Омегась, Ушеткссь и Песь» – корхтай Азорсь, – Ся, кие ули, ульсь и сай, Семботь Кирдиец.

Иоаннонди панчф няйфкс 2:18

«Фиатиронь кемаень пуромксть ангелонцты сёрматт: "Вов мезе корхтай Шкайть Цёрац, конань сельмонза, кода палы тол, и пильгонза, кода пиндолды бронза: