Павелонь омбоце сёрмац Коринфу 1:12 - Од Соткс Новый Завет на мордовском-мокша языке 2016

¹² Минь шнатама пря, сяс мес ару ваймовайгяленьке кемокстай эсонк: минь тя масторлангса, а сембода пяк тинь ётксонт, эряме седиень панжезь и виде ваймоса, Шкайть мяленц коряс. Прянь вятемаса минь тиендеме аф ломанень смузьшить коряс, а Шкаень пароказнеть коряс.

Павелонь омбоце сёрмац Коринфу 1:12 ပူးပေါင်းရင်းမြစ်များ

Апостолхнень тевсна 23:1

Павел варжакстсь Оцю пуромксонь ломаттнень лангс, мярьгсь: «Ялгат! Мон сембе эряфозень и тячиень шить самс ару ваймот эрянь Шкайть инголе».

Апостолхнень тевсна 24:16

Сяс мон семботь тиса ваймозень аруста ванфтоманкса ломаттнень и Шкайть инголе.

Павелонь сёрмац Риму 9:1

Мон корхтаса видеть и кемокстаса тянь Христость лемса. Мон аф кяльготнян и тянь кемокстасы монь ваймовайгялезе, кона вятневи Иняру Ваймопожфса.

Павелонь васенце сёрмац Коринфу 1:17

Вдь Христос кучемань монь аф кстиндама, а Пара кулянь кандома, но аф ломанень смузю кяльса-валса: афоль юмафтов Христость крёзонц виец.

Павелонь васенце сёрмац Коринфу 12:8

Фкяти Ваймопожфсь максы смузьшинь вал, омбоцети тяка Ваймопожфсь максы содамошинь вал,

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь васенце сёрмац Коринфу 2:13

И минь тянь азондсаськ аф стама валса, конатненди тонафтомазь ломанень смузьшись, а валса, конатненди тонафтомазь Ваймопожфсь. Сясы ваймопожфонь тефнень панчсесаськ ломаттненди Ваймопожфть вельде.

Павелонь васенце сёрмац Коринфу 4:4

И хуш мон мезеньге муворши эсь мельган аф содан, тя нинге аф корхтай сянь колга: мон видексшинь ломанян. Монь судьязе фкя – Азорсь.

Павелонь васенце сёрмац Коринфу 5:8

Сяс Очижинь илать ётафтсаськ аф ташта шапафтома мархта – пежеть и кяжть, но аф шапама кши мархта – ару седиса и видешиса.

Павелонь омбоце сёрмац Коринфу 1:17

Дяряй мон, мзярда срхкань тяфта тиемс, тиень кода ломань, кона педа-пес ашезе арьсе тевонц? Али, пади, мон тиендян аньцек эсь арьсефозень коряс и аф ванца Шкайть мяленц? Али мон фкя сяка пингть корхтан «тяфта» и «аф тяфта»?

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 4:2

Минь аердоме сембе визьксонь тефнень эзда, конат тиендевсть салава. Минь аф прафнетяма ёжу тефненди и мезьсонга аф шоворясаськ Шкаень валть, но меколанкт, аф сёпозь пачфнесаськ видешить. Тянь няемста, эрь ломанць эсь ваймовайгяльсонза, Шкайть инголе, шарьхкодьсы: нят Шкайть афкуксонь покодиенза.

Павелонь омбоце сёрмац Коринфу 8:8

Мон тянди аф кошардан, но азондомок кода лиятне путозь тянь инкса эсь седиснон, мон ёран содамс, афкуксонь тинь кельгоманте али аф.

Павелонь сёрмац Галатияв 6:4

Катк эрсь максы эрявикс питне эсь тевонцты, и эста тейнза шнави пряц сатфксонзон мархта, аф ваномок лиять тевонц лангс.

Павелонь сёрмац Ефесу 6:14

Сяс ащеда кемоста: каркстасть перьфонтень видешинь карксса и щасть лангозонт видексшить, бта ваксарщам.

Павелонь сёрмац Филиппав 1:10

и тянь вельде тинь маштсасть кочкамс сембодонга цебярть. Тяфта, Христость сама шистонза, тинь ульхтяда аруфт и аф муворуфт

Павелонь васенце сёрмац Фессалоникав 2:10

Тинь и Шкайсь няесть-содасть сянь, кода иняруста, видеста и аф муворуста минь вятеськ пряньконь тинь мархтонт, кит кемайхть.

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Павелонь сёрмац Титонди 2:7

И тонць ульхть кепотьксокс эрь кодама пара тевса. Катк тонь тонафтомаце ули ару, шнаф и аф гастяф,

Еврейхненди сёрмась 13:18

Озондода минь инксонк. Минь кемоста содасаськ: ваймовайгяленьке аруфт, вдь минь сембоса ёратама эрямс видеста.

Иаковонь сёрмац 4:6

Но Сон максы тейнек нинге сяда оцю пароказне. Сяс Сёрматфксса азф: «Шкайсь ащи каршек прянь няихненди, а сятяфненди Сон максы пароказне».

Пёторонь васенце сёрмац 3:16

ванфнемок эсь ваймовайгялентень арушиса. Эста араза визькс сятненди, кит кальдявста корхтайхть колгант и сялдсазь тинь ару эряфонтень, кона Христость мяленц коряс.

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.