Павелонь васенце сёрмац Фессалоникав 5:6 - Од Соткс Новый Завет на мордовском-мокша языке 2016

⁶ сяс, эрьда аф карматама удома, кода лиятне! Ульхтяма сргозьфт и анокт!

Павелонь васенце сёрмац Фессалоникав 5:6 ပူးပေါင်းရင်းမြစ်များ

Матфей 13:25

Мзярда ломаттне удость, сась сонь душманоц, видесь тозерть ёткс сордише и тусь.

Матфей 24:42

Сяс ванода, уледа анокт, вдь тинь аф содасасть, кодама шиня сай Азоронте.

Матфей 25:13

Тяфта, уледа фалу анокт, сяс мес аф содасасть аф шить, аф пингть, мзярда сай Ломанень Цёрась».

Матфей 25:5

Рьвяяйсь кирдевсь, а стирьхнень сась удомасна и матодовсть.

Матфей 26:38

Сон корхтай тейст: «Куломшка ризнай ваймозе. Ащеда тяса мархтон и тяда уда».

Марк 13:37

Ина мезе Мон корхтан тейнть, азса сембонди: уледа анокт!»

Лука 12:37

Павазуфт ся покодихне, конатнень азорсь мрдамстонза сатсыне аф удозь. Видеста корхтан тейнть, азорсь карксасы перьфонц и озафтсыне синь шра ваксс, кармай каванямост.

Лука 12:39

Тейнть содаф тя: содандярялезе кудазорсь, конашкада сай салайсь, эста сон афоль мада и афолезе нолда салайть кудозонза.

Лука 21:36

Сяс уледа фалу анокт и озондода: максоволь тейнть вий мяндемс сембе ся сай зияттнень эзда и арамс Ломанень Цёрать инголи».

Лука 22:46

Сон мярьгсь тейст: «Мес удотада? Стяда и озондода, варчсемстонт афоледе пра пежес».

Апостолхнень тевсна 20:31

Сяс тяда уда, мяляфтость, кода мон колма кизоньберьф апак лотксек, шинек-венек, сельмоведь мархта тонафнине эрть эздонт.

Павелонь васенце сёрмац Коринфу 15:34

Сргозеда видешинь эряфти и лоткада пежень тиендемда. Вдь тинь ётксонт улихть стапт, конат аф содасазь Шкайть. Кода тейнть аф визькс!

Павелонь васенце сёрмац Коринфу 16:13

Тяда уда, кемоста ащеда кемамаса, уледа аф пеликс и виикс!

Павелонь сёрмац Ефесу 2:3

Синь ётксост сембе миньге инголи эряме эсь ронгонь пежу мяленьконь-арьсеманьконь коряс, топафнемок ронгоньконь и мяленьконь. Сяс миньге, тя обуцяньконь инкса, улеме сембонь лаца Шкайть кяженц ала.

Павелонь сёрмац Ефесу 5:14

Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

Павелонь сёрмац Ефесу 6:18

Тянь тиендесть эрь кодама озондомаса и эняльдемаса. Сембе пинкнень озондода Иняру Ваймопожфса. Уледа анокт и апак лотксек озондода Шкайти сембе иняру ломаттнень инкса.

Павелонь сёрмац Филиппав 4:5

Катк сембонди няеви тинь сятявшинте. Азорсь маласа.

Павелонь сёрмац Колоссав 4:2

Апак лотксек озонкшнеда; озондомста уледа эрект и Шкайти сюконяйкс.

Павелонь васенце сёрмац Фессалоникав 4:13

Кемай ялгат, монь мялезе азондомс тейнть сянь, мезе ули кулофнень мархта: афоледе ризна сятнень лаца, конатнень аш надиямасна.

Павелонь васенце сёрмац Фессалоникав 5:10

Христос кулось минь инксонк, сяс мес Сонь мялец, аф ваномок сянь лангс шисотама минь али куломе, эрялеме Сонь мархтонза.

Павелонь васенце сёрмац Фессалоникав 5:8

А минь, шивалдонь иттне, ульхтяма кятафт: щасаськ эсь лангозонк ваксарщам лаца кемамать и кельгомать, и прязонк такия лаца путсаськ надиямать идеманьконь лангс!

Павелонь васенце сёрмац Тимофеенди 2:15

Но авась, конац лисьф рьвакс и шачфни шабат, ули идеф, кда сон иляды кемамаса, кельгомаса и инярушиса.

Павелонь васенце сёрмац Тимофеенди 2:9

Тяфта жа аватневок катк щакшнихть сельмос аф каяй щамса-карямса, мазопнесазь эсь пряснон виздемашиса и шумбра-ару мяльса. Катк мазопнесазь пряснон аф мазыста шяярень понамаса, аф зрняса-жемчугса, аф питни щамса-карямса,

Павелонь васенце сёрмац Тимофеенди 3:11

Тяфта жа аватненди эряви улемс пара лувксса, аф васькафникс ломанень лангс, кятавкс, сембоса валонь кирдикс.

Павелонь васенце сёрмац Тимофеенди 3:2

Сяс пуромксть мельге ваныти эряви улемс аф муворукс: улемс мирдекс аньцек фкя рьванди, кятавкс, шумбра-ару мяльса эряйкс, цебярьста прянь вятикс, виде ваймокс, инжиень кельгикс, машты тонафтыкс,

Павелонь омбоце сёрмац Тимофеенди 4:5

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Павелонь сёрмац Титонди 2:12

Тя пароказнесь тонафты эсонк кадомс шкайфтома эряфть, масторлангонь пежу мяльхнень-арьсематнень и ётафтомс тяниень пингонь эряфть шумбра-ару мяльса, видексшиса и Шкайть мяленц ванозь.

Павелонь сёрмац Титонди 2:6

Тяфта жа од цёратнендиге корхтак ёню-шумбра прянь вятемать колга.

Пёторонь васенце сёрмац 1:13

Сяс, аноклада тиендемс Шкаень тев. Тинь, кода ёню ломатть, сембоса надияда Шкаень пароказнеть лангс, кона максови тейнть Иисус Христосонь самстонза.

Пёторонь васенце сёрмац 4:7

Курок семботи сай пе. Сяс уледа смузю мяльса и валда пряса, и эста ульхтяда анокт озондомати.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонди панчф няйфкс 16:15

Иисус Христоссь корхтай: «Мон саян апак учентт, кода салай. Павазу ули аф удысь и эсь щамонь ванфтысь: афоль сав тейнза якамс крхтапа и визделготкшнемс сембонь ингольде».

Иоаннонди панчф няйфкс 3:2

Сргость и кемокстак сянь, мезе нинге лядсь эсот, сявок вов-вов ни кулы. Мон няйса, Шкаезень инголе тонь тефне аф сембе ширде цебярьхть.