Павелонь васенце сёрмац Фессалоникав 5:21 - Од Соткс Новый Завет на мордовском-мокша языке 2016

²¹ но семботь лацкас ваность-варжасть; и мезсь цебярь, сянь ванфтость.

Павелонь васенце сёрмац Фессалоникав 5:21 ပူးပေါင်းရင်းမြစ်များ

Лука 12:57

Мес ина эстейнть аф арьсеви, мезсь виде, а мезсь аф?

Иоанн 15:4

Уледа Монь эсон, Монга улян тинь эсонт. Кода тараткясь почкфтома сонць аф канды имошт, стане тиньге аф канттада имошт, кда аф ульхтяда Монь эсон.

Иоанн 8:31

Эста Иисус мярьгсь ся еврейхненди, конат кармасть Тейнза кемама: «Эряндярятада Монь валозень коряс, эста тинь видекс Монь тонафнине.

Апостолхнень тевсна 11:23

Тов пачкодемста сон эсь сельмосонза няезе Шкаень пароказнеть и сонь сявозе кенярдема. Сон тернезень сембе ломаттнень кемоста ванфтомс Азорти кемамаснон.

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Апостолхнень тевсна 17:11

Тястонь эряйхне фессалониканнетнень коряс ульсть сяда панжада ваймот. Синь оцю мяльса кулхцондозь Павелонь валонц Пара кулять колга и эрь шиня тонафнезь-ванозь Сёрматфксть: видеть али аф корхтасы Павел.

Павелонь сёрмац Риму 12:2

Тяда эря стане, кода эряйхть тяни тя масторлангса, но эсь ёнентень-мялентень одкстоптоманц вельде полафтость седиентень. Эста тейнть шарьхкодеви Шкайть мялец: мезсь пара, мезсь Сонь мялезонза и мезсь афсатыксфтома.

Павелонь сёрмац Риму 12:9

Катк тинь кельгоманте ули седиваксстонь. Аердода кяжть эзда и педеда паронь тиемати.

Павелонь васенце сёрмац Коринфу 15:58

Сяс, кельгома ялгат, уледа кемот и мезевок тязадязь шерьфте. Марнек прянтень максость Азорть тевонцты, сяс мес тинь содасать: стака покодеманте Азорть инголе шавокс аф ули.

Павелонь васенце сёрмац Коринфу 2:11

Кие ломаттнень эзда содасы мезе ломанть эса, ломанть сонцень ваймопожфтонза башка, конай эряй эсонза? Тяфта Шкаеннетьке колга кивок аф содай, Шкайть Ваймопожфтонза башка.

Павелонь сёрмац Галатияв 6:10

Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.

Павелонь сёрмац Ефесу 5:10

И ёрасть содамс, мезе Азорть мялезонза.

Павелонь сёрмац Филиппав 1:10

и тянь вельде тинь маштсасть кочкамс сембодонга цебярть. Тяфта, Христость сама шистонза, тинь ульхтяда аруфт и аф муворуфт

Павелонь сёрмац Филиппав 3:16

Сяс мезенди минь пачкодеме кемамасонк, сянь коряс сяда товга карматама эряма.

Павелонь сёрмац Филиппав 4:8

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Павелонь васенце сёрмац Фессалоникав 5:15

Ванода, кивок тинь ёткстонт афоль панда кяж кяженкса, меколанкт, фалу эряскодода тиемс пара – кода фкя-фкянди, стане сембе лядыхнендивок.

Павелонь васенце сёрмац Фессалоникав 5:22

Кирдеда пря эрь кодама кяжда.

Павелонь омбоце сёрмац Фессалоникав 2:15

Сяс, кемай ялгат, кемоста ащеда-кирдеда ся тонафтомаса, конанди минь тонафтодязь тинь вал вельде али сёрмаса.

Павелонь омбоце сёрмац Тимофеенди 1:15

Тон содасак: Асияса сембе шарфтсть эздон, синь лувкссост – Фигеллонь мархта Ермогенга.

Павелонь омбоце сёрмац Тимофеенди 3:6

Ётксост улихть тяфтапт, конат салава сувсихть кудга и васькафнесазь аватнень, конат вайсихть пеже потмоса и вятневихть эрь кодама визькс мяльса.

Павелонь омбоце сёрмац Тимофеенди 4:14

Александр кузнецсь тись тейне лама кальдяв. Азорсь максы тейнза тевонзон коряс!

Еврейхненди сёрмась 10:23

Карматама кемоста кирдевома ся надиямаса, конань минь азонкшнесаськ сембонь инголе, сяс мес Надияфтысь кирдьсы валонц.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иоаннонди панчф няйфкс 2:2

Мон содасайне тонь тефнень, стака покодемацень и кемошицень. Содаса, маласотка афолить кирде пежес ваяф ломаттнень. Тон варжайть-содайть сятнень, кит лемнесазь пряснон апостолкс, но синь аф сят, кикс няфнесазь пряснон. И тон шарьхкодить, синь васькафнихть.

Иоаннонди панчф няйфкс 2:25

Аньцек сянь, мезенте ули, кирдесть Монь самозон.

Иоаннонди панчф няйфкс 3:11

Мон курок саян – тон ина кемоста киртть сянди, мезце тонь ули, кивок тязазе сяв сяськиень каштазцень.

Иоаннонди панчф няйфкс 3:3

Лятфтак, мезе тейть максфоль и мезе тон кулеть. Киртть сонь эсонза и каендак. А кда аф сргозят, Мон саян апак учт, салай лаца, содамонга аф кармат, мзярда кундате тонь.