Павелонь васенце сёрмац Фессалоникав 4:14 - Од Соткс Новый Завет на мордовском-мокша языке 2016

¹⁴ Вдь кда минь кематама тянди: Иисус кулось и вельмась кулофнень эзда, эста минь кематама тяндинге: сятнень, кит кулость Иисусти кемазь, Шкайсь мрдафтсыне эряфти Иисусонь мархта.

Павелонь васенце сёрмац Фессалоникав 4:14 ပူးပေါင်းရင်းမြစ်များ

Матфей 24:31

И торамань кайги вайгяльса Сон кучсыне ангелонзон пуроптома Эсь кочкафонзон сембе масторста – фкя менель песта сявомок омбоцети молемс.

Павелонь сёрмац Риму 14:9

Вчёк тянкса Христос кулось и вельмась – кулофнень и шистотнень лангса Азоркс араманкса.

Павелонь сёрмац Риму 8:11

И кда эсонт эряй Сянь Ваймопожфоц, кие вельмафтозе Иисусонь кулофнень эзда, эста Иисус Христость Вельмафтыец вельмафтсыне тиньге кула ронгонтень Эсь Ваймопожфсонза, кона эряй тинь эсонт.

Павелонь васенце сёрмац Фессалоникав 3:13

И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.

Павелонь васенце сёрмац Фессалоникав 4:13

Кемай ялгат, монь мялезе азондомс тейнть сянь, мезе ули кулофнень мархта: афоледе ризна сятнень лаца, конатнень аш надиямасна.

Павелонь васенце сёрмац Фессалоникав 4:17

а сяльде минь, эряйхне, мархтост марса сявофтама ковол лангса кожфса Азорть васьфтемонза, и тяфта минь ульхтяма Азорть мархта фалу.

Павелонь омбоце сёрмац Фессалоникав 2:1

А тяни, Иисус Христос Азороньконь саманц колга и сянь колга, кода минь ульхтяма кочкафт Тейнза. Минь эняльттяма тейнть, кемай ялгат:

Иоаннонди панчф няйфкс 1:18

Мон – эряфонь канды лихтибрян. Мон улень кулоф, и тяни шисан и карман эряма пефтома пингс. Монь кядьсон адонь и куломань панжематне.

Иоаннонди панчф няйфкс 14:13

И мон кулень менельста вайгяль, кона корхтась: «Сёрматт: Тя шиста сявомок павазуфт сят, кит кулыхть Азорти кемазь». «Афкукс тяфта, – корхтай Ваймопожфсь, – синь ваймяйхть эсь стака покодемаснон эзда, сяс мес синь пара тевсна молихть мельгаст».