Павелонь васенце сёрмац Коринфу 9:26 - Од Соткс Новый Завет на мордовском-мокша языке 2016

²⁶ Сяс мон ласькан аф сянь лаца, кона аф няйсы петь; и тюрян мокшендаса аф шавоста кожфть эрьхнеманкса.

Павелонь васенце сёрмац Коринфу 9:26 ပူးပေါင်းရင်းမြစ်များ

Матфей 11:12

Иоанн Кстиндайть пингста сявомок тячиень шить самс Менелень Оцязорксшить лангс врьгяткшнихть, и врьгятихне сявсазь сонь.

Лука 13:24

«Сембе виень путозь варжасть сувамс тяйня ортава, сяс мес, корхтан тейнть, ламотне тяряфтыхть сувамс и аф сувавихть.

Павелонь васенце сёрмац Коринфу 14:9

Тяфта мархтонтка: кда тинь корхтатада аф шарьхкодеви кяльса, эста кода ломаттне шарьхкодьсазь сянь, мезе тинь корхтатада? Тинь карматада корхтама шавоста.

Павелонь омбоце сёрмац Коринфу 5:1

Минь содасаськ: мзярда срады-калады минь масторлангонь эрямань кошеньке, лиякс мярьгомс ронгсь, минь ули менельса Шкайть эзда эрямовастоньке – аф кядьса тиф куд, кона ащи пефтома пингс.

Павелонь омбоце сёрмац Коринфу 5:8

Но сяка, минь ваймоньке кемот и аф пелихть, хуш сядонга мяленьке явомс эсь ронгоньконь эзда и ётамс Азорти, эсь кудозонк.

Павелонь сёрмац Галатияв 2:2

А молень сяс, мес тейне панжезе Шкайсь: эряви молемс тов. Тоса сятненди, конат лувовсть содавикс оцюнякс, мон башка васедемста азондыне ся Пара кулять, конань пачфнеса лия ломаньтналхненди. Мон тяфта тиень сянкса: стак афоль юма ингольдень и тяниень покодемазе.

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Павелонь сёрмац Филиппав 1:21

Вдь эряфсь тейне – тя Христос, а куломась – Сонь мархтонза пефтома эряфонь сатома.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь омбоце сёрмац Тимофеенди 1:12

Тянкса мон и кирдьсайне ня сталмотнень, но прокс аф виздьсайне, сяс мес содаса кинди кеман. И кемоста содаса: Сон машты ванфтомс семботь, мезе путф лангозон ся мекольдень шить самс.

Павелонь омбоце сёрмац Тимофеенди 2:5

И кодамовок пялькстыенди аф максови сяськиень каштазсь, кда сон кармай пялькстома аф ваномок койхнень лангс.

Павелонь омбоце сёрмац Тимофеенди 4:7

Мон лац ётафтыне тюремать, ётайне эсь кизень, кемамать ванфтыне.

Еврейхненди сёрмась 12:1

Сяс мес минь перьфканк тяшкава лама ломаньда, конатнень кемамасна ащи кепотьксокс тейнек, тейнековок эряви ёрдамс эсь лангстонк сембе сталмоть и тёждяста педи пежеть. Эрьда, сталмонь кирдезь и сембе виеньконь путозь ласьксаськ инголенк ацаф кить.

Еврейхненди сёрмась 4:1

Сяс мес надияфтомась Шкайть ваймама вастонцты сувамать колга нинге иляткшни вийса, тейнек эряви пелемс вага мезьда: афоль иляда кие ёткстонт пяле ки лангс.

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Пёторонь омбоце сёрмац 1:10

Сяс, кемай ялгат, нинге сяда лама вийда путода эсь тердемантень и кочкамантень кемокстаманкса. Кда карматада тяфта тиендема, мзярдонга аф пупордатада.