Павелонь васенце сёрмац Коринфу 9:20 - Од Соткс Новый Завет на мордовском-мокша языке 2016

²⁰ Еврейхненди мон улень кода еврей, Христости еврейхнень вятеманкса; коень пяшкотькшни ломаттненди мон улень кода коень пяшкотькшни, Христости коень пяшкотькшнихнень вятеманкса;

Павелонь васенце сёрмац Коринфу 9:20 ပူးပေါင်းရင်းမြစ်များ

Апостолхнень тевсна 16:3

Павел арьсесь сявомс Тимофеень мархтонза, сяс керозе сонь киськопенц. Сон тянь тиезе тостонь еврейхнень инкса, сяс мес синь сембе содазь – Тимофеень аляц грек.

Апостолхнень тевсна 18:18

Павел ащесь Коринфса нинге лама ши. Меле сон кадозень кемай ялгатнень, сявозень мархтонза Прискиллань и Акилань, и ведьге тусть Сирияв. Тумда инголе, Кенхреяса, Павел нарафтозе эсь прянц, сяс мес Шкайти макссь вал.

Павелонь сёрмац Риму 11:14

Мон надиян, пади сргозьфтян сельмонь каяма тинь лангозонт эсь веронь ломаньтналозень эса и тянь вельде конат-конат ёткстост идевихть.

Павелонь сёрмац Риму 3:19

Но минь содасаськ, сембось, мезень колга тяса корхтай койсь, азф сятненди, кит эряйхть койть коряс. Сяс киньге аф панжеви кургоц эсь прянь араламанкса. Марнек масторлангсь мувору Шкайть инголе.

Павелонь сёрмац Галатияв 2:19

Мон койть вельде кулофан койти, и сяс мон тяни эрян Шкайть инкса. Мон Христость мархта марса эськотьфан крёзти,

Павелонь сёрмац Галатияв 4:21

Сят тинь эздонт, конатнень мяльсна эрямс койть азорксшинц ала, азость тейне, кали тинь аф кульсасть, мезе корхтай койсь?

Павелонь сёрмац Галатияв 4:5

нолдамс минь воляшис койть азорксшинц алда и тиемс минь Шкаень идькс.

Павелонь сёрмац Галатияв 5:18

А кда тинь эсонт вяти Ваймопожфсь, эста тинь ни аф койть азорксшинц алотада.