Павелонь васенце сёрмац Коринфу 9:17 - Од Соткс Новый Завет на мордовском-мокша языке 2016

¹⁷ Кда мон тянь тиендьса эсь мялезень коряс, эста тянкса тейне пандови питне. Но кда тянь тиендьса аф эсь мялезень коряс, эста мон покодян ся тевса, конань максозь тейне.

Павелонь васенце сёрмац Коринфу 9:17 ပူးပေါင်းရင်းမြစ်များ

Матфей 10:41

Кие васьфнесы пророкть сянкса, мес сон пророк, сянди ули казне, кода пророконди. Кие васьфнесы видексшинь ломанть сянкса, мес сон видексшинь ломань, сянди ули казне, кода видексшинь ломаненди.

Матфей 24:25

Вага, Мон аноконди азондыне тейнть тянь.

Лука 12:42

Азорсь мярьгсь: «Уледа ёню и кулхцонды кудвятить лаца, конань азорсь апак пельхть путозе сембе покодиензон лангс оцюнякс и кошардозе эрявикс пингста явондомс тейст ярхцамбяльть.

Иоанн 4:36

Нуйти пандыхть тяникиге, и сон урядасы сёроть пефтома пингонь эряфти; эста видиське и нуйське марса кенярдихть.

Павелонь васенце сёрмац Коринфу 3:14

Кинь кудоц ванфтови толса, сянди максови казне.

Павелонь васенце сёрмац Коринфу 3:8

Путысь и валондысь тиихть фкя тев, но казне эрти максови тиф тевонц коряс.

Павелонь васенце сёрмац Коринфу 4:1

Тейнть эряви лувомс минь Христосонь покодикс, конатненди максф азондомс Шкаень салавашить.

Павелонь васенце сёрмац Коринфу 9:16

Кда мон кандса Пара кулять, тейне аш мезьса шнамс пря, сяс мес тя монь тевозе. Шкайсь кошардомань тиемс сонь! Ризф тейне, кда мон аф карман Пара кулянь азондома.

Павелонь васенце сёрмац Коринфу 9:18

Эста мезьста ащи тейне питнень пандомась? Вчёк ва мезьста: мон азондса Пара кулять питнефтома и аф ноляса тевс азорксшить, кона максф тейне, кода Пара кулянь пачфтиенди.

Павелонь омбоце сёрмац Коринфу 8:12

Кда ули аноксши максомс, эста Шкайсь пара мяльса сявсы максф казнеть. Вдь Шкайсь учи сянь, мезе ули, а аф сянь, мезе аш.

Павелонь сёрмац Галатияв 2:7

Меколанкт, синь няезь, Шкайсь монь лангозон путозе тевть – пачфнемс Пара кулять лия ломаньтналхненди, кода и Пёторонь лангс – пачфнемс еврейхненди.

Павелонь сёрмац Колоссав 1:25

Мон арань кемаень пуромксонь покодикс Шкайть ся арьсефонц коряс, конань Сон максозе тейне тиемс. Сон кошардомань монь пачфтемс тейнть педа-пес Шкаень валть,

Павелонь васенце сёрмац Фессалоникав 2:4

Меколанкт, Шкайсь варжамазь минь тевса и, лангозонк кемазь, максозе тейнек Эсь Пара кулянц. Сяс минь сонь пачфнесаськ тяфта: ёратама тумс аф ломаттнень мяльс, а Шкайть, кона няйсы-варчсесы седиеньконь.

Павелонь сёрмац Филимононди 1:14

Но тонь апак кизефтть монь ашель мялезе мезевок тиемс, катк тонь пара тевце ули тиф аф вихца, а эсь мяльцень коряс.