Павелонь васенце сёрмац Коринфу 8:4 - Од Соткс Новый Завет на мордовском-мокша языке 2016

⁴ Эрь вов, сянь колга, мярьгондеви-аф ярхцамс сивольда, конань каннесазь озксказнекс аф афкуксонь шкайхненди. Минь содасаськ, аф афкуксонь шкайсь – тя мезевок аш, и аш лия Шкай, фкя-тяка Шкайда башка.

Павелонь васенце сёрмац Коринфу 8:4 ပူးပေါင်းရင်းမြစ်များ

Марк 12:29

Иисус каршезонза мярьгсь: «Сембода оцюсь вага: "Кулхцонтт, Израиль! Азорсь, Шкаеньке, фкя-тяка Азорсь;

Апостолхнень тевсна 14:15

«Ломатть, тинь месенттяда? Минь тинь лацонт ломаттяма! Минь саме тейнть Пара кулянь азондома, кадозалесть тинь аф афкуксонь шкайхненди сюконякшнемантень и шарфтозаледе эряй Шкайти, кона тиезе менельть, масторть, оцюведть и семботь, мезе эсост.

Апостолхнень тевсна 15:20

Меколанкт, тейнек эряви кучемс тейст сёрма, конань эса азондоволь мезе аф мярьгондеви тиендемс: аф ярхцамс аф афкуксонь шкайхненди озксказнекс кантф ярхцамбяльда, кона тяфта тиевсь аф арукс; аф усксевомс; аф ярхцамс верда али поваф жуватань сивольда; и тязаст тиенде лиятненди сянь, мезе аф ёрайхть эстейст.

Апостолхнень тевсна 19:26

Но тинь тинць няйсасть и кульсасть, мезе тии тя Павелсь. Сон корхтай, кле, ломанень кядьса тиф шкайхне ёфси аф шкайхть. Тянди сон кемафтсь и аф кржа ломань васькафтсь Ефесса и пцтай марнек Асияса.

Павелонь васенце сёрмац Коринфу 8:1

Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.

Павелонь васенце сёрмац Коринфу 8:10

Вдь кда кивок ня лафчнень эзда няйхтянза тонь, содамоши мархтоть, шра ваксса аф афкуксонь шкайхнень озкскудса, дяряй сонь аф эвондай мялец ярхцамс озксказнекс максф сивольда?

Павелонь васенце сёрмац Коринфу 8:11

Вов тяфта, тонь содамошицень эзда юмай лафча кемай ялгаце, конань инкса кулось Христос.

Павелонь сёрмац Галатияв 4:8

Тяда инголи, мзярда тинь нинге ашесть сода Шкайть, тинь уледе урекс шкайхненди, конат прокс аф шкайхть.

Павелонь сёрмац Ефесу 4:6

фкя Шкай и сембонь Алясна, кона ули семботь вельхксса, семботь вельде и семботь эса.

Павелонь васенце сёрмац Тимофеенди 1:17

Пефтома пингонь Оцязорти, аф кулыти, аф няевити, фкя тяка смузю Шкайти – шнама и иневалда пефтома пингс! Аминь.

Павелонь васенце сёрмац Тимофеенди 2:5

Вдь Шкайсь фкя, тяфта жа Шкайть и ломаттнень ёткса аньцек фкя тевонь якафты – ломанць Христос Иисуссь,

Иудань сёрмац 1:25

Тейнза, фкя-тяка Сембодонга Смузю Шкайти, минь Идиеньконди, шнама, иневалда, вий и азорксши Иисус Христос Азороньконь вельде, сембе пингта инголе, тяни, и пефтома пингс! Аминь.