Павелонь васенце сёрмац Коринфу 7:30 - Од Соткс Новый Завет на мордовском-мокша языке 2016

³⁰ сят, конат авардихть, кода аф авардихне; кеняртькшнихне, кода аф кеняртькшнихне; рамсихне, кода сятне, кинь кядьса аф кирдеви рамафсна.

Павелонь васенце сёрмац Коринфу 7:30 ပူးပေါင်းရင်းမြစ်များ

Лука 16:25

Но Авраам мярьгсь: "Лятфтак, цёрай, тон сявить ни эряфсот сембе пароть, а Лазарь – кальдявть; тяни тяса сон ваймафтови-кемокстави, а тон маятат.

Лука 6:21

Павазуфтада тинь, тяни вачедотне, сяс мес топоттяда. Павазуфтада тинь, тяни авардихне, сяс мес кенярттяда и рахатада.

Лука 6:25

Кальдяв тейнть, тяни вельф топоцьтот, вдь тинь вачтада. Кальдяв тейнть, тяни рахайхть, вдь тинь карматада авардема и явсема.

Иоанн 16:22

Тяфта тиньге тяни ризнатада; но Мон тинь тага няйхтядязь, и эста кенярди тинь седиенте, и тинь кенярдеманте киндинге аф сявови.

Павелонь васенце сёрмац Коринфу 7:29

Кемай ялгат, мон корхтан тейнть вага мезе: пингта лядсь аф лама. Сяс катк сят, кинь улихть рьвасна, сяда тов эряйхть, кода рьвафтомотне;

Павелонь васенце сёрмац Коринфу 7:31

И сятненди, конат масторлангонь тевботмосот, аф эряви юмсемс ня тефнень потмоса, сяс мес масторлангсь, кодама сон тяни, моли эсь пенцты.

Иоаннонди панчф няйфкс 18:7

Мзяра сон шнафнезе прянц и эрясь козяшиса, сняра максода тейнза маятамада и ризфта. Вдь сон корхтай эсь седисонза: "Озадан оцязорава лаца, мон аф удаван и мон аф няян ризф".

Иоаннонди панчф няйфкс 7:17

сяс мес Верозсь, кона ащи оцязоронь озама вастть кучкаса, кармай ваномост синь и вятьсыне синь лихтибрятненди, конатнень эзда шуди эряфонь максы ведь. И Шкайсь нардасы синь сельмостост эрь сельмоведнять».