Павелонь васенце сёрмац Коринфу 6:3 - Од Соткс Новый Завет на мордовском-мокша языке 2016

³ Кали тинь аф содасасть, минь карматама судендамост ангелхнень. Эста кода тейнек аф ванондомс тя эряфонь тефнень?

Павелонь васенце сёрмац Коринфу 6:3 ပူးပေါင်းရင်းမြစ်များ

Матфей 25:41

Эста Сон мярьги кержи кяденц ширеса ащихненди: "Аердода эздон, сюдофт, арда адонь пефтома толти, кона аноклаф идемэвозти и сонь ангелонзонды.

Лука 21:34

«Ванода эсь мельгант, тясть стакалгофта седиентень топафксонь аф содамаса, симондемаса и эрь шинь тевонкса лажнамаса, афоледязь сата ся шись аф анокста.

Лука 8:14

Сялги тишес прафне, нят сят, кит кульсазь валть, но пингонь ётазь эрь шинь тефне, ярмаконь и топоцьта эряфонь мельге панцемась опаптсазь валть и сон аф максы раштафкс.

Павелонь сёрмац Риму 6:16

Кали аф содасасть: кда тинь макссасть эсь прянтень киньге кядялу урексшис, эста тинь афкукс кармаде улема сянди урекс, кинь кулхцондсасть? Тинь али пежети уретяда, мезсь вяти куломас, али Шкаень кулхцонды уретяда, мезсь вяти Шкайть мархта ладямати.

Павелонь васенце сёрмац Коринфу 6:15

Кали тинь аф содасасть: тинь ронгонте – Христость ронгонцты пялькст? Кали мон сявсайне Христость ронгонь пяльксонзон и тисайне синь пяльксокс усксеви авать ронгонцты? Мзярдонга аф!

Павелонь васенце сёрмац Коринфу 6:16

Кали тинь аф содасасть, кие уды усксеви ава мархта, ся тиеви мархтонза фкя ронгокс. Вдь Сёрматфксса азф: «Кафттне арайхть фкя ронгокс».

Павелонь васенце сёрмац Коринфу 6:19

Кали тинь аф содасасть, тинь ронгонте – Шкаень куд, конаса эряй Шкайть эзда максф Иняру Ваймопожфсь. Тинь аф эсь кядьсонт,

Павелонь васенце сёрмац Коринфу 6:4

А мзярда тинь пялькстотада эряфонь тефнень кувалма, кинь тинь путнесасть судьякс? Ломаттнень, конат мезькска аф лувовихть кемаень пуромксса?

Павелонь омбоце сёрмац Тимофеенди 2:4

Кодамовок ушманць аф сотнесы эсь прянц кудъётконь эрямань-ащемань тевса, сяс мес ёрай тумс сянь мяльс, кие сонь сиводезе ушманкс.

Павелонь омбоце сёрмац Тимофеенди 4:10

Сяс мес Димассь, конанди кельговсь тя пингонь эряфсь, кадомань монь и тусь Фессалонику. Крискентсь тусь Галатияв, Титсь – Далматияв. Мархтон илядсь аньцек ськамонза Лука.

Пёторонь омбоце сёрмац 2:4

Вдь Шкайсь ашезень ужяльде пежес праф ангелхнень, но, сотомок синь цинзерса, ёрдазень адонь шобдашити, коса синь учсазь судонь шить.

Иудань сёрмац 1:6

И ангелхнень, конат ашезь ванфта тейст максф азорксшить и конат кадозь менелень эряма вастснон, Сон кирдьсыне шобдашиса пефтома пингонь цинзерса, оцю судть шинц самс, мзярда синь улихть наказафт.