Павелонь васенце сёрмац Коринфу 6:19 - Од Соткс Новый Завет на мордовском-мокша языке 2016

¹⁹ Кали тинь аф содасасть, тинь ронгонте – Шкаень куд, конаса эряй Шкайть эзда максф Иняру Ваймопожфсь. Тинь аф эсь кядьсонт,

Павелонь васенце сёрмац Коринфу 6:19 ပူးပေါင်းရင်းမြစ်များ

Иоанн 2:21

Но Иисус, Шкаень кудть колга корхтамста, корхтась Эсь ронгонц колга.

Павелонь сёрмац Риму 8:9

Но тинь вдь эрятада аф колаф обуцянтень коряс, а Ваймопожфть коряс, кда аньцек Шкаень Ваймопожфсь эряй эсонт. А кинь эсонза аш Христость Ваймопожфоц, ся аф Сонне.

Павелонь васенце сёрмац Коринфу 3:16

Кали тинь аф содасасть – тинь Шкаень куттада и Шкаень Ваймопожфсь эряй тинь эсонт?

Павелонь васенце сёрмац Коринфу 6:13

«Ярхцамбяльсь пекти и пексь ярхцамбяльти». Но Шкайсь машфтсы тяньге, тонаньге. Ронгсь максф аф усксевоманди, а Азорти, и Азорсь ронгти.

Павелонь васенце сёрмац Коринфу 6:3

Кали тинь аф содасасть, минь карматама судендамост ангелхнень. Эста кода тейнек аф ванондомс тя эряфонь тефнень?

Павелонь омбоце сёрмац Коринфу 5:15

Христос кулось сембонь инкса вага мес: эряльхть шистоннетне аф эсь инксост, а Сянь инкса, кие инксост кулось и вельмась.

Павелонь омбоце сёрмац Коринфу 6:16

И мезец марстонь Шкаень кудть аф афкуксонь шкайхнень мархта? Вдь тинь – эряй Шкайть кудоц. Шкайсь мярьгсь тяфта: «Мон саян эряма синь мархтост и карман якама синь ётксост. Мон улян тейст Шкайкс, а синь улихть Тейне ломаньтналкс».

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Иаковонь сёрмац 4:5

Али тинь арьсетяда, шавоста корхтай Сёрматфкссь: «Сон седиень оцю паломаса кельгсы ваймоть, конань сувафтозе эзонк»?

Пёторонь васенце сёрмац 2:5

Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.