Павелонь васенце сёрмац Коринфу 6:14 - Од Соткс Новый Завет на мордовском-мокша языке 2016

¹⁴ Шкайсь вельмафтозе Азорть и миньге вельмафтсамазь Эсь вийсонза.

Павелонь васенце сёрмац Коринфу 6:14 ပူးပေါင်းရင်းမြစ်များ

Апостолхнень тевсна 17:31

Сон ладясь ши, мзярда кармай судендамонза масторлангть Эсь кочкаф Ломаненц вельде. Шкайсь кемокстазе тянь сембе ломаттнень ингольде, мзярда вельмафтозе Христость кулофста».

Апостолхнень тевсна 2:24

Но Шкайсь вельмафтозе Сонь кулофнень эзда и сязезень куломань уськнень, сяс мес куломати аф вийс коре ульсь Сонь кирдемс кядялонза.

Апостолхнень тевсна 2:32

Ся Иисусть вельмафтозе Шкайсь, а минь сембе тянь няеськ и тянь колга азонттама.

Павелонь сёрмац Риму 8:11

И кда эсонт эряй Сянь Ваймопожфоц, кие вельмафтозе Иисусонь кулофнень эзда, эста Иисус Христость Вельмафтыец вельмафтсыне тиньге кула ронгонтень Эсь Ваймопожфсонза, кона эряй тинь эсонт.

Павелонь васенце сёрмац Коринфу 15:23

Аньцек эрсь вельмай эсь пингстонза: васенда Христоссь; сяльде, мзярда Сон мрдай, сембе Христосоннетне.

Павелонь омбоце сёрмац Коринфу 13:4

Виде, Сонь эськодезь крёзти, мзярда Сон ульсь лафча, но Сон эряй Шкайть виенц вельде. Миньге Христость лаца лафчтама, но Сонь мархтонза карматама эряма Шкайть виенц вельде, и тяфта покодема тейнть.

Павелонь омбоце сёрмац Коринфу 4:14

Вдь минь содасаськ: ся Шкайсь, кона вельмафтозе Иисус Азороньконь, миньге вельмафтсамазь Сонь мархтонза и тинь мархтонт марса стяфтсамазь Эсь инголенза.

Павелонь сёрмац Филиппав 3:21

Сон Эсь вийсонза полафтсыне минь кулы и лафча ронгоньконь, и синь арайхть Сонь иневалдонь ронгонц лаца. Тя вийть вельде Сон машты путомс семботь Эсь кядялонза.

Павелонь васенце сёрмац Фессалоникав 4:14

Вдь кда минь кематама тянди: Иисус кулось и вельмась кулофнень эзда, эста минь кематама тяндинге: сятнень, кит кулость Иисусти кемазь, Шкайсь мрдафтсыне эряфти Иисусонь мархта.