Павелонь васенце сёрмац Коринфу 6:10 - Од Соткс Новый Завет на мордовском-мокша языке 2016

¹⁰ салайхне, топафкста аф содайхне, симилатне, сюцихне-сялдыхне, ломанень васькафнихне – кивок эздост аф сувави Шкаень Оцязорксшити!

Павелонь васенце сёрмац Коринфу 6:10 ပူးပေါင်းရင်းမြစ်များ

Матфей 21:19

Сон няйсь кить трваса смоква шуфта и маладсь ваксозонза, но лопада башка шуфтть лангста мезевок ашезь му. Эста мярьгсь шуфтти: «Катк тонь лангсот мзярдовок аф шачихть имошт!» И смоква шуфтсь эстокиге коськсь.

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Матфей 23:33

Куйхть, пупай куень лефкст! Кодавок аф ворьгодефтяда судендамать и аду повомать эзда.

Иоанн 12:6

Тяфта сон мярьгсь аф сяс, мес арьсесь ашуфнень колга, а сяс, мес ульсь салай ломань. Сонь кядьсонзоль марстонь ярмак мархта арзянясь и тоза кайсефнень эзда сон сявондель эстейнза.

Апостолхнень тевсна 20:32

Вов тяни, кемай ялгат, мон каттядязь тинь Шкайти и Сонь пароказнень валонцты, конанди вийс коре сядонга кемокстамс тинь и максомс тейнть сянь, мезе надияфнесь сембонди, кинь иняруяфтозе.

Павелонь васенце сёрмац Коринфу 15:50

Но вага мезе азан тейнть, кемай ялгат: сиволень-веронь ронгть аш пяльксоц Шкаень Оцязорксшиса, кода наксадыть-юмайтьке аш пяльксоц пефтома пингса.

Павелонь васенце сёрмац Коринфу 5:11

Но вага мезень колга мон корхтань тейнть сёрмасон: афоледе латце соткс сянь мархта, кинь лемнесазь кемай ялгакс, а сон усксеви, топафкста аф содай, аф афкуксонь шкайхненди сюконяй, сюци-сялды, симила али нельги-салай. Тяфтамть мархта нльне тяда озсе фкя шра ваксска.

Павелонь сёрмац Галатияв 5:21

фкя-фкянь аф няемась, шавондоматне, симондемась, иреденьбачк кедьста лисендемась и стак тов. Мон инголивок тянь колга корхнень, тянивок корхтан: кивок тяфта тиендихнень эзда аф сувави Шкаень Оцязорксшити.

Павелонь сёрмац Ефесу 4:28

Кие салсесь, оду тяза салсе, а катк цебярьста покоди эсь кядензон мархта, и улеза сонь мезьста максомс сянди, кие эряй ашушиса.

Павелонь сёрмац Ефесу 5:5

Вдь тинь содасасть: фкявок усксевить али аф аруть аш пялькссна Христость и Шкайть Оцязорксшисонза, тяфта жа мезьса-бди топафксонь аф содайтьке, сяс мес сон моли аф афкуксонь шкайть мельге.

Павелонь васенце сёрмац Фессалоникав 4:6

Тя тевса кивок тяза тиенде пеже эсь кемай ялганц каршес и тяза путне сельме сянь лангс, мезсь аф сонне, а кемай ялгать. Семботь тянь инкса Шкайсь кармай пандома кяжса. Минь ни корхнеме тейнть тянь колга и кемоста кардаме тяфта тиендемда.

Пёторонь васенце сёрмац 4:15

Кда кие тинь эздонт кирди маятамат эсь лангсонза, катк тя ули аф сянкса, мес сон ломанень шави али салай, али нинге кодама кальдяв тевонь тии, али кода ся, кие эсь шалхконц эцекшнесы лиянь тевс.