Павелонь васенце сёрмац Коринфу 3:10 - Од Соткс Новый Завет на мордовском-мокша языке 2016

¹⁰ Шкайть эзда максф пароказнеть коряс мон, кудонь ёню путыть лаца, путонь кудъюр, а кие-бди лиясь стяфты лангозонза. Катк ина эрсь ваны эсь мельганза, кода сон путы-стяфты.

Павелонь васенце сёрмац Коринфу 3:10 ပူးပေါင်းရင်းမြစ်များ

Матфей 24:45

«Уледа ёню и кулхцонды покодить лаца, конань азорсь путозе сембе покодиензон лангса оцюнякс – эсь пингстонза ярхцамбялень макссема.

Матфей 7:24

«Тяфта, кие кулхцондсыне Монь ня валнень и тии синь коряваст, ули ёню ломань лаца, кона путозе эсь кудонц кев лангс.

Лука 11:35

Ватт ина: эсот валдсь афоль уле шобдакс!

Лука 21:8

Сон мярьгсь: «Ванфтода пря, афоледязь васькафта: сяс мес ламотне сайхть Монь лемозень ала и мярьгихть: "Тя Монан" и "Пингсь сась". Тяда яка мельгаст!

Апостолхнень тевсна 18:27

Мзярда сон арьсесь молемс Ахаияв, кемай ялгатне лездсть тейнза, макссть мархтонза сёрма тостонь тонафнихненди, эняльдсть лац васьфтемс сонь. Тов самста сон пяк лездсь сятненди, кит Шкаень пароказнеть сюнеда кармасть кемама.

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь сёрмац Риму 12:3

Шкайть эзда максф пароказнеть коряс мон корхтан эрти эздонт: тяда арьсе эсь колгант эрявикста вельф; но арьседа эсь колгант прянь аф оцюлгофнезь, ся кемамать коряс, конань Шкайсь максозе эрти эздонт.

Павелонь сёрмац Риму 15:15

И сяка мон сёрмадан тейнть, васток-васток вельф отькорьста, сяс мес ёран лятфтамс тейнть кона-кона тефнень. Шкайсь Эсь пароказненц коряс макссь тейне

Павелонь сёрмац Риму 15:20

Мон фалу тяряфтонь кандомс Шкаень валть тоза, коса нинге ашезь куленде Христость лемонц. Тя сяс, мес монь ашель мялезе путомс ся кудъюрт лангс, конань путозь лиятне.

Павелонь васенце сёрмац Коринфу 3:11

Киндинге аф путови лия кудъюр сяда башка, кона ни путф. И тя юрсь Иисус Христос.

Павелонь васенце сёрмац Коринфу 9:2

Кда лиятненди мон аф апостолан, тейнть ни видекс апостолан. Вдь апостолкс улемазень тяштьксоц – тя тинь, тинь эряфонте Азорса.

Павелонь омбоце сёрмац Коринфу 10:15

Минь аф шнатама пря ункстамада вельф, сяс мес минь шнатама пря эсь покодеманьконь мархта, а аф лиятнень покодемаснон мархта. Но минь надиятама: тинь кемаманте кармай касома и тянь вельде кармай келемома минь покодеманьке тинь ётксонт.

Павелонь сёрмац Ефесу 2:20

и тиньге путфтада кудъюрть лангс, конань маразь апостолхне и пророкне, и Сонць Иисус Христоссь ащи тоса кудужень кевкс.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь сёрмац Колоссав 4:17

Архиппонди азость: «Ватт, педа-пес тик ся тевть, конань тейть максозе Азорсь».

Павелонь васенце сёрмац Фессалоникав 3:2

а тейнть кучеськ Тимофеень, минь кемай ялганьконь, кона мархтонк покоди Шкаень тевса, пачфнесы Пара кулять Христость колга. Минь кучеськ сонь кемокстамс тинь и кеподемс-касфтомс тинь кемамантень:

Павелонь васенце сёрмац Тимофеенди 4:16

Ватт эряфцень мельге и сянь мельге, мезенди тон тонафтат. И сядонга тов тяфта тиентть, эста улят идеф тонць и кулхцондыхневок.

Павелонь омбоце сёрмац Тимофеенди 2:15

Сембе вийсот ёрак улемс Шкайть инголе цебярь покодикс, конанди аш мезьда виздемс тиф тевсонза и кона видеста тонафты видешинь валти.

Иаковонь сёрмац 3:1

Кемай ялгане! Аф сембе арседа тонафтыкс. Вдь тинь содасать: минь, тонафтыхнень, судендасамазь нинге сяда кемоста.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.

Пёторонь омбоце сёрмац 3:15

И лувость Сонь куватьс кирдемшканц эстейнть идемакс. Тянь колга сёрмадсь тейнть минь кельгома ялганьке Павел, ся смузьшиса, кона максфоль тейнза вярде.

Иоаннонди панчф няйфкс 21:14

Ошть перяфксоц ащесь кемгафтува кевонь юр лангса, и сятнень лангса – Верозть кемгафтува апостолонзон лемсна, фкя лем эрь кевть лангса.

Иоаннонди панчф няйфкс 21:19

Ошень перяфксть кевонь юронза мазопфтольхть эрь кодама питни кевняса. Васенце кевсь ульсь яшма, омбоцесь – сапфир, колмоцесь – халцедон, нилецесь – изумруд,