Павелонь васенце сёрмац Коринфу 2:8 - Од Соткс Новый Завет на мордовском-мокша языке 2016

⁸ Тя масторлангонь азорхнень эзда кивок ашезе сода-шарьхкоде тя смузьшить, афток афолезь эськоде крёз лангс иневалдонь Азорть.

Павелонь васенце сёрмац Коринфу 2:8 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Лука 23:34

Иисус корхтась: «Аляй! Нолдайть пежеснон, сяс мес синь аф содасазь, мезе тиихть». Ушматтне, жерьбань ёрдазь, явозь Иисусонь щамонзон.

Иоанн 16:3

Тяфта кармайхть тиендема, сяс мес ашезь сода аф Алязень, аф Монь.

Иоанн 7:48

Оцюнятнень али фарисейхнень ёткста кивок кемась Тейнза?

Иоанн 8:19

Эста мярьгсть Тейнза: «Коса Аляце?» Иисус каршезост мярьгсь: «Аф Монь, аф Алязень тинь аф содасасть; содалемасть Монь, эста содалесть Монь Алязеньге».

Апостолхнень тевсна 13:27

Иерусалимонь эряйхне и синь оцюнясна ашезь шарьхкоде кикс ульсь Иисус. Синь судендазь Сонь, но тянь вельде пяшкодезь пророкнень валснон, конатне лувондовихть эрь ваймамань шиня.

Апостолхнень тевсна 7:2

Стефан корхтай: «Ялгат и ломаньтналонь аляньке, кулхцондода! Иневалдонь Шкайсь эвондась Авраам аляньконди Месопотамияса, сяда инголе, кода сон ётась эряма Харрану.

Павелонь васенце сёрмац Коринфу 1:20

Коса тяни смузюсь? Коса койти тонафтысь? И коса тя масторлангонь ёнюста арьсись, мазыста корхтайсь? Дяряй Шкайсь ашезе няфте тя масторлангонь смузьшить сембе ёньфтомашинц?

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь омбоце сёрмац Коринфу 3:14

Но синь ёньцна-седисна калготкстомсть, и сяс тячемс, Ташта Сотксть лувомста, тяка вельхтердась ляткшни лангсост, сяс мес тя вельхтердась валхтови аньцек Христость вельде.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 4:18

Синь шарьхкодемасна шобдалгодсь, синь аертфт Шкаень эряфть эзда эсь аф содамошиснон и казяма седиснон инкса.

Павелонь васенце сёрмац Тимофеенди 1:13

монь, кона инголи сялтсезе Сонь лемонц, панцекшнезень и обжсезень Сонь ломанензон. Но монь кельгозь ужяльдемазь, сяс мес мон тиендине сянь, мезень колга ашень сода, улемок ся пингть кемамафтома.

Иаковонь сёрмац 2:1

Кемай ялгат, тинь, конат кемайхть Иисус Христосонди, минь иневалдонь Азороньконди, ванода ломаттнень лангс фкакс, аф явфнемок синь башка.