Павелонь васенце сёрмац Коринфу 2:7 - Од Соткс Новый Завет на мордовском-мокша языке 2016

⁷ Аф, минь азондсаськ Шкаень смузьшить, салаваннеть, кяшфть; ся смузьшить, конань Шкайсь ладязе тейнек иневалдокс менельхнень-масторхнень тиемда инголе.

Павелонь васенце сёрмац Коринфу 2:7 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Матфей 13:35

сяс мес эрявсть пяшкодемс пророкть вельде азф валхне: «Мон карман корхтама тейст валвеляфксса, карман панчсема тейст сянь, мезе кяшфоль менельть-масторть тиеманц ушедомста».

Павелонь сёрмац Риму 11:25

Кемай ялгат, монь мялезе панжемс тейнть фкя салаваши, кона ванфттядязь тинь надиямада аньцек эсь смузьшинтень лангс: седиень калготкстомась, кона сатозе Израилень ломаттнень финц пяльксснон, таргави аф сембе пингонди. Сон таргави аньцек снярс, мзярс аф пяшкоди лия тналонь ломаттнень лувкссна, конатненди сама Шкайти.

Павелонь сёрмац Риму 8:29

Нят сят, конатнень Шкайсь инголькиге содазень, мзярда синь нинге ашельхть, и ладязень улемс Сонь Цёранц лаца. Тяфта Сонь Цёрац кармай улема васенцекс ламоц сазорхнень-браттнень ёткса.

Павелонь сёрмац Риму 8:30

И конатнень тянди ладязень Шкайсь, сятнень и тердезень; а конатнень тердезень, сятнень и лувозень видексшинь ломанькс; а конатнень лувозень видексшинь ломанькс, сятненди и казезе Эсь иневалдонц.

Павелонь васенце сёрмац Коринфу 2:1

Кемай ялгат, мзярда мон сашендонь тейнть азондомонза Шкаень кулять, мон сашендонь аф кодамовок мазы валонь и смузьшинь няфтема.

Павелонь сёрмац Ефесу 1:4

Нинге масторлангть тиемдонза инголе Сон минь кочкамазь сембонь ёткста Христость эса улемать вельде. Тяфта минь ульхтяма инярукс и афсатыксфтомокс Сонь инголенза, и эрятама кельгомаса.

Павелонь сёрмац Ефесу 3:10

Шкайть мялецоль кемаень пуромксть вельде панжемс сембе ширде Эсь смузьшинц вярдень кяжи оцюнятненди и азорхненди.

Павелонь омбоце сёрмац Тимофеенди 1:9

Шкайсь идемазь минь и тердемазь иняру тердемаса, аф минь тевоньконь коряс, а эсь мяленц-арьсеманц и пароказненц коряс. Тя пароказнеть Сон максозе тейнек Христос Иисусса нинге пингть ушедомда инголе,

Еврейхненди сёрмась 1:2

А ня мекольдень шитнень Сон корхтась тейнек Эсь Цёранц вельде, конань вельде тиезень менельхнень-масторхнень и конанди Сон макссы семботь.

Еврейхненди сёрмась 11:3

Кемамать вельде минь шарьхкодьсаськ: сембе менельсь-масторсь ульсь тиф Шкайть валонц вельде, и тянь лаца сембось, мезсь няеви тяни, ульсь тиф аф няевить эзда.

Пёторонь васенце сёрмац 1:11

Синь ёрасть шарьхкодемс, кодама пинге и тев лангс няфнесь синь эсост эряй Христость Ваймопожфоц, кона аноконди азондсь Христость маятаманзон колга и мельгаст моли иневалдть колга.

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Пёторонь омбоце сёрмац 1:3

Иисусонь эса Шкаень вийсь максозе тейнек семботь, мезе эряви эряфонди Шкайть мяленц коряс. Минь вдь содаськ Сянь, кие тердемазь Эсь иневалдсонза и цебярьшисонза.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.