Павелонь васенце сёрмац Коринфу 16:19 - Од Соткс Новый Завет на мордовском-мокша языке 2016

¹⁹ Пара вал тейнть кучихть Асиянь кемаень пуромксне. Кучихть тейнть Азорса седиваксстонь пара валхт Акилань мархта Прискилла и марнек кемаень пуромкссь, кона кочксеви синь пялост.

Павелонь васенце сёрмац Коринфу 16:19 ပူးပေါင်းရင်းမြစ်များ

Апостолхнень тевсна 16:6

Синь ётазь Фригиянь и Галатиянь масторхнень, но Иняру Ваймопожфсь ашезень нолда синь Асияв Шкаень валть азондома.

Апостолхнень тевсна 18:18

Павел ащесь Коринфса нинге лама ши. Меле сон кадозень кемай ялгатнень, сявозень мархтонза Прискиллань и Акилань, и ведьге тусть Сирияв. Тумда инголе, Кенхреяса, Павел нарафтозе эсь прянц, сяс мес Шкайти макссь вал.

Апостолхнень тевсна 18:2

Тоса сон васьфтезе Акила еврейть, кона шачемас коре ульсь Понтаста. Сон Прискилла рьванц мархта аф кунара састь Италияста, сяс мес Клавдий оцязорсь мярьгсь сембе еврейхненди кадомс Римть. Павел мольсь синь варжамост.

Апостолхнень тевсна 18:26

Сон аф пелезь кармась тонафтома синагогаса. Прискилла и Акила кулхцондозь сонь, меле серьгядезь эсь ширезост и сяда лац-ряц азондозь тейнза Азоронь кить.

Апостолхнень тевсна 19:10

Тоса тя тевть Павел вятезе кафта кизот. Тяфта Асиянь марнек эряйхне, кода еврейхне, стане грекневок, кулезь Иисус Азорть колга кулять.

Апостолхнень тевсна 2:9

Ётксонк улихть парфияннет, мидияннет, еламитт, састь ломатть Месопотамияста, Иудеяста и Каппадокияста, Понтста и Асияста,

Павелонь сёрмац Риму 16:15

Пара вал Филологонди и Юлиянди, Ниреенди сазоронц мархта и Олимпанонди, и мархтост сембе иняру ломаттненди.

Павелонь сёрмац Колоссав 4:15

Азода пара вал кемай ялганенди, конат Лаодикиясот, тяфта жа Нимфанонди и кемаень пуромксти, кона кочксеви сонь кудсонза.

Павелонь омбоце сёрмац Тимофеенди 4:19

Азонтт пара вал эздон Прискилланди и Акиланди, и стане жа Онисифоронь сембе кудонцты.

Павелонь сёрмац Филимононди 1:2

и кемаень пуромксти, кона пуромкшни тонь кудсот, и тяконь лаца Апфияти, кельгома кемай сазороньконди, и Архиппонди, марстонь тевса покодити.

Пёторонь васенце сёрмац 1:1

Пётр, Иисус Христосонь апостолоц, кучи пара вал Шкаень кочкафненди, конат сратфт Понтонь, Галатиянь, Каппадокиянь, Асиянь и Вифиниянь аймакнень эзга и конат эряйхть тя масторлангса кода ширде саф ломатть.

Иоаннонди панчф няйфкс 1:11

Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».