Павелонь васенце сёрмац Коринфу 16:16 - Од Соткс Новый Завет на мордовском-мокша языке 2016

¹⁶ тиньге уледа кулхцондыкс тяфтама ломаттнеди, и эрти, кие мархтост марса покоди ваймамань аф содазь.

Павелонь васенце сёрмац Коринфу 16:16 ပူးပေါင်းရင်းမြစ်များ

Павелонь сёрмац Риму 16:12

Азода пара вал Трифена и Трифоса аватненди, конат лама виень путозь покодихть Азорти. Пара вал кельгома сазорти Персиданди, конац пяк лама виень путозь покоди Азорти.

Павелонь сёрмац Риму 16:3

Азода пара вал Прискилланди и Акиланди, мархтон марса Иисус Христости покодихненди,

Павелонь сёрмац Риму 16:6

Пара вал Мариамонди, кона тяшкава лама тейнек тись.

Павелонь сёрмац Риму 16:9

Пара вал Урбанонди, мархтонк Христости покодити, и кельгома ялгазти Стахиенди.

Павелонь васенце сёрмац Коринфу 12:28

Шкайсь кемаень пуромксса васенда путозень апостолхнень, меле пророкнень, а меле тонафтыхнень; сяльде сятнень, кинди максф казне тиендемс дивань тефт, а сяльде сят, кинди максфт пчкафнемань казнет, ломаненди лездомань казне, вятемань казне и лия кяльхнень лангса корхтамань казне.

Павелонь васенце сёрмац Коринфу 3:9

Вдь минь покоттяма Шкайть мархта марса, а тинь Шкайть паксяц и кудсь, конань путсы-стяфтсы Шкайсь.

Павелонь сёрмац Ефесу 5:21

Уледа анокт кулхцондомс фкя-фкянь Шкайть мяленц ваноманкса.

Павелонь сёрмац Филиппав 4:3

Тейтьке эняльдян, мархтон фкя тевса афкуксонь покоди: лезтт тейст, сяс мес синь монь мархтон марса тюрсть-покодсть Пара кулять инкса, тяконь лаца Климентонь мархта и фкя тевонь лия ялганень мархта, конатнень лемсна эряфонь книгасот.

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.

Павелонь васенце сёрмац Фессалоникав 2:9

Кемай ялгат, тинь мяляфтсасть минь стака покодеманьконь и виень путоманьконь тейнть Шкаень Пара кулять пачфнемста. Минь шинек-венек покодеме виень аф ужяльдезь, сяс мес ашель мяленьке арамс эздонт киндинге трямксокс.

Павелонь васенце сёрмац Фессалоникав 5:12

Эняльттяма тейнть, кемай ялгат: кирдесть пара лувксса сятнень, кит седиге покодихть тинь ётксонт, кит вятихть эсонт Азорть лемса, и путыхть эсонт виде кис.

Павелонь васенце сёрмац Тимофеенди 5:17

Кемаень пуромксонь оцюнятнень, конат цебярьста вятьсазь тевснон, эряви кирдемс пара лувксса и цебярьста тейст пандомс, васендакиге сятненди, конат путнесазь вийснон Шкаень валти и тонафтомати.

Еврейхненди сёрмась 13:17

Кулхцондода эсь вятиентень эса и уледа сятявкс мархтост. Вдь синь шинек-венек пичедихть-канзедихть тинь ваймонтень инкса, сяс мес тейст сави тинь инксонт корхтамс Шкайть инголе. Катк синь тиендьсазь тянь кеняртькс потмоса, а аф куфцезь. Вдь тя аф лезды тейнть.

Еврейхненди сёрмась 13:24

Азода пара вал сембе вятиентенди и сембе иняру ломаттненди. Италиянь кемай ялганьке кучихть тейнть пара валхт.

Еврейхненди сёрмась 6:10

Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.

Пёторонь васенце сёрмац 5:5

Тиньге, од ломатть, уледа кулхцондыкс кемаень пуромксонь оцюнянтенди. И тинь сембе, кулхцондомок фкя-фкянь, киньге инголе тяда оцюлгофне пря, сяс мес Шкайсь ащи каршек прянь няихненди, а сятяв ваймотненди максси пароказне.

Иоаннонь колмоце сёрмац 1:8

Сяс тейнек эряви лездомс тяфтама ломаттненди, и тянь вельде минь аратама видешить инкса покодикс синь мархтост фкя тевса.

Иоаннонди панчф няйфкс 2:3

Мон содаса, тонь ули кирдемшкаце, тон лама маятать Монь лемозень инкса и сяка ашить нолда кяттнень.