Павелонь васенце сёрмац Коринфу 15:6 - Од Соткс Новый Завет на мордовском-мокша языке 2016

⁶ Меле сон эвондась фкя пингоня вете сятта лама кемай ялганди, эздост ламотне тянемс шисот, а кой-конат кулость ни.

Павелонь васенце сёрмац Коринфу 15:6 ပူးပေါင်းရင်းမြစ်များ

Матфей 28:10

Эста Иисус корхтай тейст: «Тяда пеле, арда азондость тянь Монь малавикс ялганенди: катк молихть Галилеяв, и тоса няйсамазь Монь».

Марк 16:7

Арда азость Сонь тонафниензонды, Пёторондиге: "Иисус тиндедонт инголи моли Галилеяв; тоса тинь няйсасть Сонь, кода Сон Сонць азозе тейнть"».

Апостолхнень тевсна 13:36

Давид эряфоньберьф тиендсь сянь, мезе арьсесь тейнза Шкайсь. Сяльде кулось, калмафоль атянь-атянзон ёткс и наксадсь.

Апостолхнень тевсна 7:60

Тяда меле прась плманжа лангс и кайги вайгяльхть ювадсь: «Азор! Тяк лува тейст тянь пежекс!» Азозе тянь и ваймоц лиссь.

Павелонь васенце сёрмац Коринфу 15:18

Тяста лисенди, сятка, кит кулость Христосонди кемазь, юмасть-арасть аду.

Павелонь васенце сёрмац Коринфу 15:20

Но Христоссь афкукс вельмась кулофнень эзда – и тя ушеткс лия кулофнень вельмамаснонды.

Павелонь васенце сёрмац Фессалоникав 4:13

Кемай ялгат, монь мялезе азондомс тейнть сянь, мезе ули кулофнень мархта: афоледе ризна сятнень лаца, конатнень аш надиямасна.

Павелонь васенце сёрмац Фессалоникав 4:15

Минь корхтатама тейнть Азорть валса: минь, Азорть самс шиса лятфне, аф ингольдасаськ кулофнень.

Пёторонь омбоце сёрмац 3:4

Синь кармайхть корхтама: «Коса надияфтомась Сонь саманц колга? Атянь-атяньковок кулость, но мезевок изь полафта. Сембось моли стане, кода ульсь менельть-масторть тиеманц ушетксста».