Павелонь васенце сёрмац Коринфу 14:6 - Од Соткс Новый Завет на мордовском-мокша языке 2016

⁶ Кемай ялгат, арьседа: кда мон самстон корхталень мархтонт лия кяльхнень лангса, эста кодама улель тейнть тянь эзда лезкс? Кодама улель лезкс, кда мон афолень канда тейнть Шкайть эзда панжема, афолень азонда тейнть содамошинь, пророчествань али тонафтомань валхт?

Павелонь васенце сёрмац Коринфу 14:6 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Матфей 16:17

Эста Иисус мярьгсь каршезонза: «Павазуват тон, Симон, Ионань цёрац, сяс мес аф ломань тянь панжезе тейть, а Монь Менелень Алязе.

Матфей 16:26

Кодама лезкс ули ломанти, кда сон сявондярясы эстейнза сембе масторлангть, а эсь ваймонц юмафтсы? Али мезе максы ломанць эсь ваймонц мрдафтоманкса?

Апостолхнень тевсна 2:42

Синь фалу эрясть-ащесть апостолхнень тонафтомаса, фкя-фкянь мархта корхнемаса-лездомаса, кшинь синдемаса-ярхцамаса и озондомаса.

Павелонь сёрмац Риму 15:14

Кемай ялгат, мон лац содаса: тинь пяшкодеде парошида, кочкаде эрь кодама содамоши и машттада фкя-фкянь путома ёньц.

Павелонь сёрмац Риму 16:17

Мон эняльдян, кемай ялгат, ванфтода пря сятнень эзда, конат шорсемок ётконтень, явфнетядязь тинь. Синь ускихть эсонт ся тонафтомать эзда, кона максф тейнть. Аеркшнеда тяфтапнень эзда.

Павелонь сёрмац Риму 6:17

Мзярда-бди тинь уледе пежети урекс, но тяни, сюконян Шкайти, марнек седиса кармаде кулхцондомонза ся тонафтомать, конанди тинь максость эсь прянтень.

Павелонь васенце сёрмац Коринфу 10:33

Тиендеда монь лацон: мон тяряфнян ваномс сембонь мяльснон, мон аф вешендян эстейне цебярь, а вешендян цебярь лиятненди, синь идемаснон инкса.

Павелонь васенце сёрмац Коринфу 14:1

Моледа кельгомать мельге и путода оцю вий Ваймопожфонь казнетнень сатоманкса, а сембода пяк – пророчендамань казнеть.

Павелонь васенце сёрмац Коринфу 14:7

Эрьда кепотьксонди сяфтяма морамань инструмент, конань аш ваймоц, – флейта али арфа. Кода содамс, мезе налхкови флейтаса али арфаса, кда вайгяльхне фкя-фкянь эзда аф явихть?

Павелонь омбоце сёрмац Коринфу 11:6

Катк мон аф маштан мазыста корхтама, но содамошиса – тя лия тевсь. Минь тянь тейнть аф весть няфнеськ эрь кодама тевса.

Павелонь омбоце сёрмац Коринфу 12:1

Тейне тага сави шнамс прязень, хуш лезксовок тя аф канды. Тяни пшкядян няйфксненди и Азорть эзда максф панжематненди.

Павелонь омбоце сёрмац Коринфу 12:7

Шкайсь тейне максозень тяшка оцю панжематнень. И сяс: афолине кепсе прязень, Шкайсь пезфтась монь ронгозон сарда – Сатанань ангел, кона монь эсон маятафни: афолине кепсе прязень.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 3:4

и лувомок тянь, тинцьке няйсасть, конашкава крхкаста мон шарьхкодьса Христость салавашинц.

Павелонь сёрмац Филиппав 3:15

Сяс тейнек, кемамаса кенерьф ломаттненди, эряви тянь лаца арьсемс. А кда мезьса лиякс арьсетяда, сяньге панчсы тейнть Шкайсь.

Павелонь омбоце сёрмац Тимофеенди 2:14

Лятфнек семботь тянь ломаттненди и кемоста азк Азорть инголе, катк лоткафтсазь валса пялькстоматнень. Синь эздост аш кодамовок лезкс, синь кандыхть кулхцондыхненди аньцек срафтома.

Павелонь омбоце сёрмац Тимофеенди 3:10

А тон молеть монь мельган тонафтомаса, эрямаса, мяльса-арьсемаса, кемамаса, куватьс кирдемшкаса, кельгомаса, сталмонь кирдемаса,

Павелонь омбоце сёрмац Тимофеенди 3:16

Сембе Сёрматфкссь шачф Шкайть Ваймопожфонц вельде и канды лезкс: сон тонафты, няфти аф видексшинь тефнень лангс, путы меки виде кис и касфты видексшиса,

Павелонь омбоце сёрмац Тимофеенди 4:2

пачфнек Шкаень валть, ульхть анок тя тевти цебярь пингста и аф цебярь пингстовок, няфнек аф видешинь тефнень лангс, карнек, кемокснек эрь кодама кирдемшка мархта и тонафтт тянди.

Павелонь сёрмац Титонди 3:8

Ня валхне видет. И монь мялезе: кемоста корхталеть тянь колга. Катк Шкайти кемайхне улихть анокт тиендемс пара тефт. Тя пара и канды лезкс сембе ломаттненди.

Еврейхненди сёрмась 13:9

Тясть макса шарфтомс прянтень виде ки лангста эрь кодама и ширде саф тонафнематненди. Пара, кда седись кемокстай Шкаень пароказнеть эзда, а аф ярхцамань койхнень мельге молемать эзда. Ня койхнень мельге молемась нинге киндиге ашезь канда лезкс.

Пёторонь омбоце сёрмац 1:5

Сяс тинь, сембе вийса няфтеда эсь кемамасонт паронь тиема, а паронь тиемасонт няфтеда содамоши.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иоаннонь омбоце сёрмац 1:9

Эрсь, кие шарфты Христость тонафтоманц эзда и туй лия киге, ся Шкайфтома. А ся, кие эряй Христость тонафтоманц коряс, сянь эса ули Шкай Алясь и Сонь Цёрац.