Павелонь васенце сёрмац Коринфу 14:3 - Од Соткс Новый Завет на мордовском-мокша языке 2016

³ А кие пророчендай, ся эсь корхтамасонза касфтсыне-кемокстасыне ломаттнень, максы тейст неже и седиень ваймама.

Павелонь васенце сёрмац Коринфу 14:3 ပူးပေါင်းရင်းမြစ်များ

Лука 3:18

Тяфтама и лама лия валса корхтась Иоанн ломаттненди Пара кулять азондомста.

Апостолхнень тевсна 13:15

Койста и пророкнень сёрматфснон эзда лувомда меле, синагогань оцюнятне мярьгсть азомда тейст: «Ялгат, кда ули мезенте азомс ломаттнень кемокстаманкса, корхтада».

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Апостолхнень тевсна 15:32

Иуда и Сила, конат кафцьке ульсть прорококс, ламос корхтасть кемай ялгатнень мархта и эсь валсост петезь синь мяльснон, и кемокстазь ваймоснон.

Апостолхнень тевсна 4:36

Тяфта Иосиявок, Кипраста Левиень юромста алясь, конань Апостолхне лемдезь Варнавакс – лемонц смузец: лиянди лезды,

Апостолхнень тевсна 9:31

Тя ёткть Иудеянь, Галилеянь, Самариянь кемаень пуромксненди сась сетьме эряф. Кемаень пуромксне кемокснесть и эрясть Шкайда пелезь, и Иняру Ваймопожфть лездоманц вельде тонафнихнень лувкссна касондсь.

Павелонь сёрмац Риму 12:8

кинь ули ломанень кемокстамань казнец, катк тиендьсы тянь. Кие максы лезкс, ся катк максы седи ваксста. Кие тертьф улемс вятикс-оцюнякс, катк покоди седиень путозь; кие лезды ашуфненди, катк тиендьсы тянь кенярдезь.

Павелонь сёрмац Риму 14:19

Тяфта, карматама фалу вешендемонза ся кить, кона вятьсамазь минь ладямати и кемаманьконь марстонь кемокстаманцты.

Павелонь сёрмац Риму 15:2

Эрти эздонк эряви ванондомс кемай ялгать мялец, арьсемок сянь колга, мезсь канды тейнза пара и виензафтсы кемаманц.

Павелонь васенце сёрмац Коринфу 10:23

Тинь корхтатада: «Сембось мярьгондеви», но аф сембось канды лезкс. Тинь корхтатада: «Сембось мярьгондеви», но аф сембось касфты-кемокстай.

Павелонь васенце сёрмац Коринфу 14:12

Тяфта мархтонтка: тинь оцю мяленте сатомс Ваймопожфонь казнет – сатода сяда ламоня тяфтама казнеда, конат лездыхть касфтомс-кемокстамс кемаень пуромксть.

Павелонь васенце сёрмац Коринфу 14:17

Тон лац сюконят Шкайти, но лия ломанти тя аф лезды касомс-кемокстамс кемамаса.

Павелонь васенце сёрмац Коринфу 14:26

Мезе тянь эзда лисенди, кемай ялгат? Мзярда тинь пуромкшнетяда марса, эрть тинь эздонт ули мезецка лиятненди: шнамань мор, тонафтома, Шкайть эзда панжема, лия кяльхнень лангса корхтама али тя корхтамать смузенц панжемац. И сембось тя катк тиеви кемаень пуромксть касоманкса-кемокстаманкса.

Павелонь васенце сёрмац Коринфу 14:31

Сембонди тейнть мярьгови пророчендамс, но фкя-фкянь мельге, и тянь вельде сембе кемаень пуромксти максоволь тонафтома и ваймама-кемокстама.

Павелонь васенце сёрмац Коринфу 8:1

Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.

Павелонь омбоце сёрмац Коринфу 1:4

Сон минь эсонк ваймафты-кемокстай эрь кодама стакашисонк, тянь вельде миньге улель виеньке ваймафтомс-кемокстамс эрь кодама стакашис повфнень сяка ваймафтомаса, конаса Сон кемокстамазь минь.

Павелонь омбоце сёрмац Коринфу 2:7

А тяни тейнть сяда пара нолдамс сонь шумонзон и ваймафтомс-кемокстамс сонь: афоль коське тя оцю ризфть эзда.

Павелонь сёрмац Ефесу 4:29

Тяза лисе кургстонт кодамовок наксада вал, а аньцек цебярь валхт, конат лездыхть кемамать касоманцты и кандыхть пара кулхцондыти.

Павелонь сёрмац Ефесу 6:22

Мон кучине сонь тейнть тянкса: азондомс минь тевоньконь колга и ваймафтомс-кемокстамс седиентень.

Павелонь сёрмац Колоссав 4:8

Мон кучса сонь ширезонт азондомс минь тевоньконь колга и кемокстамс тинь седиентень.

Павелонь васенце сёрмац Фессалоникав 2:11

Тинь тяньге содасасть: минь тиендеме эздонт эрть мархта стане, кода алясь тиенди эсь идензон мархта;

Павелонь васенце сёрмац Фессалоникав 2:3

Минь тердемань валсонк ашель кодамовок васькафнема-эрьготьфтема, али аф ару арьсема, али ёжуши.

Павелонь васенце сёрмац Фессалоникав 3:2

а тейнть кучеськ Тимофеень, минь кемай ялганьконь, кона мархтонк покоди Шкаень тевса, пачфнесы Пара кулять Христость колга. Минь кучеськ сонь кемокстамс тинь и кеподемс-касфтомс тинь кемамантень:

Павелонь васенце сёрмац Фессалоникав 4:1

И нинге, кемай ялгат, тинь тонадоде минь эздонк, кода эрямс и улемс Шкаень мялень ваныкс, и тинь тяфта эрятада. Христос Иисусонь лемса эняльттяма тейнть и терттяма эсонт: касода тянь эса сяда товга.

Павелонь васенце сёрмац Фессалоникав 4:18

Сяс, ваймафнеда-кемокстакшнеда фкя-фкянь ня валхнень вельде.

Павелонь омбоце сёрмац Фессалоникав 3:12

Тяфтама ломаттнень минь кошардсаськ и кемокстасаськ Иисус Христос Азороньконь лемса сетьмоста покодемс и эстейст трямс пряснон.

Павелонь васенце сёрмац Тимофеенди 1:4

и аф шарфнихть мяль ёфксненди и пефтома шачема юромонь лепненди. Синь вятнихть валса пялькстомас, и аф лездыхть тиендемс Шкайть мяленц коряс. Шкаень арьсефсь панжеви кемамать вельде.

Павелонь васенце сёрмац Тимофеенди 4:13

Мзярс аф саян: лувонтк Сёрматфксть ломаттненди, кемокстак и тонафтт синь эсост.

Павелонь васенце сёрмац Тимофеенди 6:2

Сятненди, кинь азорсна кемай ломатть, аф эряви вятемс эсь прясна азорть мархта кода повсь, кемай ялгакс улемать инкса. Меколанкт, катк покодихть лангозост сядонга пяк, сяс мес сят, кинди синь тиендихть пара тефт, кельгома и кемай ялгат. Тонафтт тянди и кемокстайть ломаттнень тиендемс тя тонафтомать коряс.

Павелонь омбоце сёрмац Тимофеенди 4:2

пачфнек Шкаень валть, ульхть анок тя тевти цебярь пингста и аф цебярь пингстовок, няфнек аф видешинь тефнень лангс, карнек, кемокснек эрь кодама кирдемшка мархта и тонафтт тянди.

Павелонь сёрмац Титонди 1:9

Тейнза эряви ванфнемс видешинь валть, конанди сон ульсь тонафтф. Тяфта, шумбра тонафтомать вельде сон машты виияфтомс ломаттнень, а каршек молихненди няфтемс синь аф видешиснон.

Павелонь сёрмац Титонди 2:15

Тянь колга корхтак, кемокстак и няфнек аф виде тефнень лангс, ся азорксшиса, кона максф тейть, и катк кивок аф ваны лангозт вярде алу.

Павелонь сёрмац Титонди 2:6

Тяфта жа од цёратнендиге корхтак ёню-шумбра прянь вятемать колга.

Павелонь сёрмац Титонди 2:9

Уретнень тонафтыть кулхцондомс азорснон, сембоса ваномс синь мяльснон, каршек тейст аф корхтамс

Еврейхненди сёрмась 10:25

Аф карматама кадондомс эсь пуромксоньконь, кода конат-конат тиендихть. Меколанкт, эрьда карматама кемокстакшнема фкя-фкянь. И тяни, мзярда няйсасть Азорть шинц маладоманц, нинге сядонга пяк кемокстакшнеда фкя-фкянь.

Еврейхненди сёрмась 13:22

Эняльдян тейнть, кемай ялгат, кулхцондость тя кемокстай валть. Вдь мон аф лама сёрмадонь тейнть.

Еврейхненди сёрмась 3:13

Меколанкт, кемокснеда фкя-фкянь эрь шиня, мзярс нинге ули пинге мярьгомс «тячи». Катк киньге седиец аф васькафтови пежеса и аф калготкстоми тянкса.

Пёторонь васенце сёрмац 5:12

Тя нюрьхкяня сёрмать мон сёрмадыне Силуанонь, кемай ялгазень вельде, конань лангс ули кода надиямс. Монь мялезе кеподемс тинь мялентень и кемокстамс тинь: ся пароказнесь, конаса тинь ащетяда, афкукс Шкайть эзда.

Иудань сёрмац 1:20

Но тинь, кельгома ялгане, кемокстада-касода эсь иняру кемамасонт и озондода Иняру Ваймопожфть вятеманц коряс.